ជូជកប្រេះពោះ មាសសុភា ចុះបង្ហាញ ក្បាលពោះ ពីការស៊ីហួសហេតុ

CPP general Meas Sophea showing off his spare tire

នាយឧត្តមសេនីយ៍ មាស សុភា ចុះជួបសំណេះ សំណាល ជាមួយសមាជិកបក្ស

Monday, 21 May 2012 10:07
លឹម ជាវុត្ថា
DAP-news

នេះហើយដែលគេ ហៅថា ប្រជាធិបតេយ្យ បែប ហាណូយ នាយឧត្តមេសនីយ៍​​ ជាបញ្ជាការ កងទ័ព្ធបក្ស

ព្រះវិហារៈ នាយឧត្តមេសនីយ៍ មាស សុភា សមាជិក អចិន្រ្តៃយ៍គណៈកម្មាធិការ កណ្តាលបក្សប្រជាជន កម្ពុជា និងជាប្រធានក្រុមការងារថ្នាក់កណ្តាល ចុះជួយខេត្តព្រះវិហារ អមដំណើរ ដោយសមាជិក ក្រុមការងារ ថ្នាក់កណ្តាលចុះជួយខេត្តព្រះវិហារ និងលោក អ៊ុំ ម៉ារ៉ា ប្រធានគណៈកម្មាធិការគណបក្ស ប្រជាជនកម្ពុជា ខេត្ត ព្រះវិហារ និងសមាជិកគណបក្សប្រជាជនកម្ពុជាជាច្រើនរូបទៀត បានចុះជួបសំណេះសំណាលការងារ ជាមួយ សមាជិក សមាជិកា ប្រមាណ ៣.៣២៥នាក់ មកពីឃុំចំនួន ០៤ នៃស្រុករវៀង កលពីថ្ងៃទី២០ ខែឧសភា នៅ បរិវេណសាលាបឋមសិក្សារីករាយត្បូង ស្ថិតក្នុងឃុំរីករាយ ស្រុករវៀង។

នៅក្នុងឱកាសនោះ គណៈអធិបតីទាំងអស់ ក៏បានធ្វើពិធីស្មិងស្មាធិ៍គោរពដល់វិញ្ញាណក្ខន្ធ ប្រជាពលរដ្ឋខ្មែររាប់ លាននាក់ ដែលបានស្លាប់បាត់បង់ជីវិតក្នុងរបបអាវខ្មៅ ប្រល័យពូជសាសន៍ប៉ុលពត ព្រមទាំងដង្ហែក្បួន ឃោស នា នៃការបោះឆ្នោតក្រុមប្រឹក្សា ឃុំ-សង្កាត់ផងដែរ។


ក្នុងឱកាសនោះ នាយឧត្តមសេនីយ៍ មាស សុភា បានគូសបញ្ជាក់ជូនសមាជិក សមាជិកា នៃអង្គពិធីអំពីគោល នយោបាយដឹកនាំ ដ៏ត្រឹមត្រូវរបស់គណបក្សប្រជាជនកម្ពុជា ដែលមានសម្តេចទាំងបីជាប្រមុខដឹកនាំ បានដឹកនាំ ប្រទេសពីចំណុចសូន្យពីថ្ងៃរំដោះ ០៧ មករា ១៩៧៩ រហូតមានការអភិវឌ្ឍលើគ្រប់វិស័យ ដែលមិនគួរឲ្យជឿ ខុសពីក្រុមអគតិមួយចំនួន ដែលមិនហ៊ានទទួលស្គាល់សច្ចធម មិនហ៊ានទទួលស្គាល់ការពិត និងចេះតែនិយាយ ថា រាជរដ្ឋាភិបាលដឹកនាំប្រទេសកាន់តែក្រទៅៗ។

ជាមួយគ្នានេះនាយឧត្តសេនីយ៍ មាស សុភា ក៏បានស្នើឲ្យសមាជិក សមាជិកា ទាំងអស់ត្រូវនាំគ្នាទៅបោះឆ្នោត នាថ្ងៃទី០៣ ខែមិថុនា ខាងមុខនេះ ឲ្យបានគ្រប់ៗគ្នា៕