ប្រមុខរដ្ឋាភិបាលដឹកនាំប្រតិភូជាន់ខ្ពស់ចូលរួមប្រជុំG-20
ដោយ សុខ សេរី 2012-06-17
ប្រមុខរដ្ឋាភិបាលកម្ពុជា លោក ហ៊ុន សែន នៅថ្ងៃទី១៦ ខែមិថុនា ឆ្នាំ២០១២ បានដឹកនាំប្រតិភូជាន់ខ្ពស់មួយក្រុម ចំនួនជិត ២០នាក់ ទៅចូលរួមក្នុងកិច្ចប្រជុំនៃប្រទេសឧស្សាហកម្មជឿនលឿន (G-20) នៅប្រទេសមិកស៊ិក (Mexico) ចាប់ពីថ្ងៃទី១៨ ដល់ថ្ងៃទី១៩ ខែមិថុនា ឆ្នាំ២០១២។ ការចូលរួមក្នុងកិច្ចប្រជុំនេះ គឺក្នុងនាមកម្ពុជាជាប្រធានអាស៊ាននៅឆ្នាំ២០១២ តាមការអញ្ជើញរបស់ប្រធានាធិបតីនៃប្រទេសមិកស៊ិក លោក ហ្វីលីព កាល់ដីរូន ហីណូហ្វូសា (Felipe Calderon Hinojosa)។ កិច្ចប្រជុំនេះ គឺធ្វើឡើងនៅក្នុងទីក្រុងឡូសកាបូស នៃប្រទេសមិកស៊ិក។ កិច្ចប្រជុំនោះនឹងផ្ដោតលើការធ្វើឲ្យមានកំណើនសេដ្ឋកិច្ចឲ្យ ខ្លាំងជាងមុន ពិនិត្យលើការអនុវត្តន៍ផែនការសកម្មភាពសេដ្ឋកិច្ចកន្លងមក ការដោះស្រាយវិបត្តិសេដ្ឋកិច្ចនៅតំបន់អឺរ៉ុប (Europe) ប្រឆាំងអំពើពុករលួយ និងការអភិវឌ្ឍដោយគ្មានការបំផ្លាញ ឬបំពុលបរិស្ថាន និងបញ្ហាសំខាន់ៗមួយចំនួនទៀត។ រដ្ឋមន្ត្រីអមប្រតិភូនាយករដ្ឋមន្ត្រី លោក ស្រ៊ី ថាមរុង្គ បានមានប្រសាសន៍នៅឯអាកាសយានដ្ឋានអន្តរជាតិភ្នំពេញ នៅថ្ងៃទី១៦ ខែមិថុនា ឆ្នាំ២១០២ ថា លោកនាយករដ្ឋមន្ត្រី ហ៊ុន សែន នឹងបញ្ជាក់ជំហរអាស៊ានក្នុងកិច្ចប្រជុំនោះ៖ «គឺថា បញ្ហាស្បៀង និងបញ្ហាថាមពលឲ្យមានវាស្ថិតក្នុងការដោះស្រាយ ...ត្រូវធ្វើម៉េចដោះស្រាយ ពីព្រោះថ្លៃប្រេងវាចេះតែឡើង កាលណាថ្លៃប្រេងឡើង ប៉ះពាល់ដល់ស្អីទាំងអស់។ ការដឹកជញ្ជូនតម្លៃស្បៀងអីទាំងអស់ធ្វើឲ្យប៉ះពាល់ដល់ប្រទេសដែល មានចំណូលទាប ប្រជាជនដែលមានបៀវត្សទាប។ សម្ដេចនឹងនាំសារហ្នឹងមួយ»។ អ្នកវិភាគឯករាជ្យ លោក បណ្ឌិត សុខ ទូច បានមានប្រសាសន៍ថា អាស៊ានគឺជាដៃគូយ៉ាងសំខាន់សម្រាប់ប្រទេស G-20 នោះ៖ «អាស៊ាន គឺជាប្រទេសមួយដែលផលិតស្បៀងធំជាងគេ។ នៅក្នុងពិភពលោក ដើម្បីឲ្យប្រទេសដែលផលិតប្រឹងហ្នឹង ឲ្យមានតុល្យភាពគ្នាដើម្បីថា សន្តិសុខស្បៀង គឺមានសារៈសំខាន់សម្រាប់មនុស្សនៅលើពិភពលោក ហើយបើសិនប្រេងឡើងថ្លៃ ស្បៀងក៏ឡើងថ្លៃដែរ ...អីចឹង ធ្វើឲ្យមានតុល្យភាពគ្នា ទី១។ ទី២ ចង់បង្ហាញថា អាស៊ានគឺជាទីផ្សារសម្រាប់ G-20 ហ្នឹង នៅក្នុងប្រទេសមហាអំណាចឧស្សាហកម្មហ្នឹង។ ហើយទី៣ ក៏ចង់បង្ហាញដែរថា អាស៊ានមានគោលដៅរួមគ្នា ដើម្បីសន្តិសុខនៅក្នុងអាស៊ីប៉ាស៊ីហ្វិក (Asia Pacific) អាហ្នឹង ចំណុច ៣ហ្នឹង ដែលខ្ញុំគិតបាទ»។ ប្រទេសដែលជាសមាជិកនៃG-20 ដែលមានឧស្សាហកម្មជឿនលឿននៅលើពិភពលោកនោះ មានដូចជា ប្រទេស កាណាដា (Canada) បារាំង (France) អាល្លឺម៉ង់ (Germany) អ៊ីតាលី (Italy) ជប៉ុន (Japan) រុស្ស៊ី (Russia) សហរដ្ឋអាមេរិក (U.S.A) អង់គ្លេស (U.K) និងប្រទេសនៅសហគមន៍អឺរ៉ុប (Europe)។ ក្រៅពីនេះ មានស្ថាប័នហិរញ្ញវត្ថុពិភពលោកមួយចំនួនចូលរួមដែរ មានដូចជា រូបិយប័ណ្ណអន្តរជាតិ (IMF) ធនាគារពិភពលោក (World Bank) អង្គការពលកម្មអន្តរជាតិ (ILO) និងអង្គការសហប្រជាជាតិ (UN) និងអង្គការអន្តរជាតិមួយចំនួនទៀត៕
When the rich countries meet with each other, the beggars need to seize the opportunity to ask for some "change".
ReplyDeleteKhmer people knew who ah Hun Sen is.
ReplyDeleteHe is a world vagabond asking money
for his own pocket.
Cambodia is is the Asean leader to join the G20 meeting. it is represent to over 500 millions people of Asean.
ReplyDeleteធ្វើល្អបានល្អ អាក្រក់បានអាក្រក់ ចង់ឃើញហ៊ុនសែន
ReplyDeleteនិងក្រុមគេ ពេលត្រឡប់វិញ យន្តហោះអស់សាំង
កណ្ដាលផ្លូវ...។