សមត្ថកិច្ច​វាយ​សកម្មជន​សម្ព័ន្ធ​សហជីព​ម្នាក់​ឲ្យ​របួស

ដោយ.ឆាំ ឆានី ១១. កក្កដា . ២០១២

លោក រ៉ុង ឈុន ដែលកំពុងស្ថិតនៅក្នុងការរិយាល័យស្នងការនគរបាលក្រុងភ្នំពេញ បានប្រាប់ឲ្យដឹងថា នៅម៉ោងជាង១០យប់ថ្ងៃទី១១ ខែកក្កដា នេះ ប៉ូលីសមិនទាន់ដោះ​លែង​សកម្មជន​សម្ពន្ឋ័សហជីព​នៅ​ឡើយទេ ព្រោះអាជ្ញាធរប៉ូលីសបានឲ្យមន្រ្តីសហពន្ឋ័សហជីពគឺលោក រ៉ុង បញ្ញា ដែល​ប៉ូលីស​វាយ​ឲ្យ​របួស ឲ្យចុះហត្ថលេខាទទួលកំហុស ។ តែលោក រ៉ុង បញ្ញា និងលោកផ្ទាល់​មិនព្រម​ចុះ​ហត្ថ​លេខា ព្រោះ​ពួកលោកមិនបានប្រព្រិត្តខុសដូចការចោទប្រកាន់របស់អាជ្ញាធរប៉ូលីឡើយ ។ លោកបន្ថែមថា អាជ្ញាធរ​ប៉ូលីសបានប្រព្រិត្តបំពានច្បាប់ទាំងកំរោល ដោយបានវាយមន្ត្រីសហជីពឲ្យរបួស ហើយបែរជាចោទ​មន្ត្រី​​សហជីពថាបានវាយអាជ្ញាធរប៉ូលីសទៅវិញ វាជារឿងអយុត្តិធម៌ដែលមិនអាចទទួលយកបាន ។ លោក រ៉ុង ឈុន បានបញ្ជាក់ថា នៅយប់ថ្ងៃទី១១ ខែកក្កដា ឆ្នាំ២០១២ នេះ មិនប្រាកដថាអាជ្ញាធរប៉ូលីល ដោះលែងលោក រ៉ុង បញ្ញា ឡើយ ។ ប៉ុន្តែលោក រ៉ុង ឈុន បានប្តេជ្ញាថា បើអាជ្ញាធរប៉ូលីសមិនដោះលែង លោក រ៉ុង បញ្ញា នៅក្នុងយប់នេះទេ លោកក៏មិនចាកចេញពីការិយាល័យស្នងការប៉ូលីសដែរ បានន័យ​ថា បើអាជ្ញាធរឃុំខ្លួនលោក រ៉ុង បញ្ញា លោក រ៉ុង ឈុន ក៏សុខចិត្តជាប់ឃុំដូចលោក រ៉ុង បញ្ញា ដែរ ៕

http://www.youtube.com/watch?v=_qxPl5nccPE