KI Media: បក្សប្រឆាំងទាមទារអោយលោកអូបាម៉ាជួយលើកកម្ពស់ប្រជាធិបតេយ្យនិងសិទ្ធិមនុស្សនៅកម្ពុជា

លោកបារ៉ាក់ អូបាម៉ា ដែលទើបនឹងជាប់ឆ្នោតជាប្រធានាធិបតីអាណត្តិទី២ នឹងមកប្រជុំអាស៊ាននៅភ្នំពេញ

REUTERS

ថ្ងៃ អាទិត្យ 11 វិច្ឆិកា 2012

ដោយ គី សុខលីម

Radio Free Asia

លោក អូបាម៉ា នឹងទទួលស្វាគមន៍ដោយមេដឹកនាំកំពូលអាស៊ាននិងអាស៊ីបូព៌ាជាច្រើននៅក្នុងទីក្រុងភ្នំពេញនៅថ្ងៃទី១៩និងទី២០ខែវិច្ឆិកាខាងមុខនេះ។ ប៉ុន្តែ ពាក្យបណ្តឹងជាច្រើនរបស់អង្គការសង្គមស៊ីវិលនិងគណបក្សប្រឆាំងក៏កំពុងរង់ចាំទទួលស្វាគមន៍លោកដែរ

គណបក្សប្រឆាំងទាមទារអោយលោកអូបាម៉ា ជួយលើកកម្ពស់លទ្ធិប្រជាធិបតេយ្យ និងការគោរពសិទ្ធិមនុស្សទាំងនៅក្នុងតំបន់ និងនៅកម្ពុជា។ ការលើកកម្ពស់លទ្ធិប្រជាធិបតេយ្យនិងការគោរពសិទ្ធិមនុស្សនៅកម្ពុជាត្រូវបានរដ្ឋាភិបាលនិងគណបក្សប្រឆាំងមើលឃើញខុសគ្នា។

លោក យឹម សុវណ្ណ តំណាងរាស្ត្រនិងជាអ្នកនាំពាក្យគណបក្សសមរង្ស៊ី បានថ្លែងប្រាប់នៅថ្ងៃអាទិត្យនេះថា គណបក្សរបស់លោកនៅតែទទូចសូមអោយលោកប្រធានាធិបតី បារ៉ាក់ អូបាម៉ា ជួយជំរុញអោយរដ្ឋាភិបាលទីក្រុងភ្នំពេញគោរពគោលការណ៍ប្រជាធិបតេយ្យ ធានាអោយមានការបោះឆ្នោតដោយ សេរី និងយុត្តិធម៌។ ម្យ៉ាងវិញទៀត លោក យឹម សុវណ្ណ ទទូចសុំអោយលោក អូបាម៉ា ធ្វើអន្តរាគមន៍ អោយលោកប្រធាន សម រង្ស៊ី អាចចូលរួមការបោះឆ្នោតជាតិ នៅឆ្នាំ២០១៣ខាងមុខនេះ។

ស្ថានទូតសហរដ្ឋអាមេរិកប្រចាំទីក្រុងភ្នំពេញ បានជូនដំណឹងអំពីការមកដល់របស់មន្ត្រីជាន់ខ្ពស់អាមេរិក៣នាក់ នៅលើទឹកដីនៃប្រទេសកម្ពុជា នៅសប្តាហ៍ខាងមុខនេះ។ លោកប្រធានាធិបតី បារ៉ាក់ អូបាម៉ា អមដំណើរដោយរដ្ឋមន្ត្រីការបរទេស លោកស្រី ហ៊ីឡារី គ្លីនតុន នឹងមកដល់កម្ពុជានៅថ្ងៃទី១៩ វិច្ឆិកា ដើម្បីចូលរួមកិច្ចប្រជុំកំពូលរវាងអាស៊ាន និងសហរដ្ឋអាមេរិក និងកិច្ចប្រជុំអាស៊ីបូព៌ា ដែលនឹងប្រព្រឹត្តទៅនៅថ្ងៃទី១៩ និងទី២០ ខែវិច្ឆិកា នៅទីក្រុងភ្នំពេញ។

លោក យឹម សុវណ្ណ បានបន្តទៀតថា គណបក្សរបស់លោកបានទទូចសូមអោយលោក អូបាម៉ា ធ្វើអន្តរាគមន៍ជាបន្តបន្ទាប់មកហើយ ចាប់តាំងពីលោកជាប់ឆ្នោតសាជាថ្មីម្តងទៀតនោះ។ ប៉ុន្តែ នៅពេលនេះ លោក អូបាម៉ា នឹងត្រូវមកប្រទេសកម្ពុជាតែម្តង។ ដូច្នេះ គណបក្សរបស់លោកនឹងទទូចអោយប្រធានាធិបតីដ៏មានអំណាចក្នុងពិភពលោករូបនេះជួយធ្វើអន្តរាគមន៍បន្ថែមទៀត។

លោក សឺន ស៊ូប៊ែរ៍ មន្ត្រីជាន់ខ្ពស់នៃគណបក្សសិទ្ធិមនុស្សបានអំពាវនាវអោយលោក អូបាម៉ា ជួយលើកកម្ពស់លទ្ធិប្រជាធិបតេយ្យនៅក្នុងតំបន់អាស៊ានទាំងមូល ជាពិសេស នៅក្នុងប្រទេសកម្ពុជា។

ការគោរពសិទ្ធិមនុស្ស ដំណើរការប្រជាធិបតេយ្យ និងដំណើរនីតិរដ្ឋ នៅក្នុងប្រទេសកម្ពុជាត្រូវបានរដ្ឋាភិបាល ដែលដឹកនាំដោយគណបក្សប្រជាជនកម្ពុជាតាំងពីច្រើនឆ្នាំមកហើយនោះ វាយតម្លៃថា មានដំណើរការវិវឌ្ឍន៍ប្រសើរជាងមុន។ ប៉ុន្តែសម្រាប់អ្នករិះគន់វិញ ពួកគេបានចោទប្រកាន់ថា ដំណើរការប្រជាធិបតេយ្យ សិទ្ធិសេរីភាពក្នុងការបញ្ចេញមតិ ការគោរពសិទ្ធិមនុស្សត្រូវបានដើរថយក្រោយទៅវិញ។

នៅក្នុងដំណើរទស្សនកិច្ចរបស់លោកនៅអាស៊ី មានតែក្នុងប្រទេសភូមាមួយគត់ដែលលោក អូបាម៉ា មានគម្រោងជួបប្រធានបក្សប្រឆាំង លោកស្រី អ៊ុង សានសូជី។ សម្រាប់នៅក្នុងប្រទេសថៃ និងប្រទេសកម្ពុជាវិញ លោក អូប៉ាមា មិនមានគម្រោងជួបមេបក្សប្រឆាំងឡើយ។

លោក អូបាម៉ា នឹងទទួលស្វាគមន៍ដោយមេដឹកនាំកំពូលអាស៊ាននិងអាស៊ីបូព៌ាជាច្រើននៅក្នុងទីក្រុងភ្នំពេញនៅថ្ងៃទី១៩និងទី២០ខែវិច្ឆិកាខាងមុខនេះ។ ប៉ុន្តែ ពាក្យបណ្តឹងជាច្រើនរបស់អង្គការសង្គមស៊ីវិលនិងគណបក្សប្រឆាំងក៏កំពុងរង់ចាំទទួលស្វាគមន៍លោកដែរ៕

4 comments:

Anonymous2:51 PM
USA is looking for their interests only. Don't rely on USA too much. They always like Viet better than Khmer.
Anonymous3:01 PM
នៅក្នុងដំណើរទស្សនកិច្ចរបស់លោកនៅអាស៊ី មានតែក្នុងប្រទេសភូមាមួយគត់ដែលលោក អូបាម៉ា មានគម្រោងជួបប្រធានបក្សប្រឆាំង លោកស្រី អ៊ុង សានសូជី។ សម្រាប់
នៅក្នុងប្រទេសថៃ និងប្រទេសកម្ពុជាវិញ លោក អូប៉ាមា
មិនមានគម្រោងជួបមេបក្សប្រឆាំងឡើយ។

ប្រសិនបើដូច្នោះមែន តើអាមេរិកនឹងបោះបង់គណបក្ស
ប្រឆាំងចោល រួចនឹងគាំទ្ររបបខ្មែរក្រហមទី២នៅកម្ពុជា ព្រោះគេ នឹងទទួលបានប្រយោជន៍មកវិញជាមិនខាន៕
Anonymous3:41 PM
President Obama will learn and get to know about Vietnamese people and leaders in Hanoi who are the most evil and monstrous Yuon-Vietnamese dog eaters in Southeast Asia including the Madam Secretary and Mr. Defense Secretary of the U.S., Southeast Asian leaders (Thai, Laos, Burma, Malaysia, Indonesia, Brunei, Philippine, Singapore), Chinese leader, Indian leader, Russian leaders, and other reporters around the world.
Anonymous9:25 PM
Correction for 3:41 PM

President Obama along with Madam Secretary of States Hillary Clinton, Mr. Defense Secretary of the U.S., Southeast Asian leaders (Thai, Laos, Burma, Malaysia, Indonesia, Brunei, Philippine, Singapore), Chinese leader, Indian leader, Russian leaders, and other reporters around the world will learn and get to know about Vietnamese people and leaders in Hanoi who are the most evil and monstrous Yuon-Vietnamese dog eaters in Southeast Asia because those Vietnamese-Yuon dog eaters are the land thieves and killers.

Monday, November 12, 2012

បក្សប្រឆាំង​ទាមទារ​អោយ​លោក​អូបាម៉ា​ជួយ​លើកកម្ពស់​ប្រជាធិបតេយ្យ​និង​សិទ្ធិមនុស្ស​នៅ​កម្ពុជា

4 comments:

បក្សប្រឆាំងទាមទារអោយលោកអូបាម៉ាជួយលើកកម្ពស់ប្រជាធិបតេយ្យនិងសិទ្ធិមនុស្សនៅកម្ពុជា