sVar Kim Hong: More upcoming land swap with Vietnam

xVar Kim Hong: Xmer land xwapper

វ៉ា គឹមហុងៈ មានដី ជាច្រើនកន្លែង នឹងត្រូវផ្លាស់ប្តូរ ជាមួយ និងវៀតណាម

Wednesday, 11 July 2012
ដោយៈ បាន ចក់
DAP news

Synopsis: sVar Kim Hong, the chairman of the government border committee, said that, in addition of Thlok trach and Anlong Chrey villages, there are numerous other rice fields and farmlands that will be swapped with Vietnam. He claimed that the swapping will be done with “equity” (sic!). He told reporters at the Council of Ministers that the Cambodian and Viet sides will discuss about land swap between the two countries in July. He indicated that the land swap “will receive agreements from our [Cambodian] top leaders (sic!). It will not be swapped for nothing. We must have agreements with top leaders about our land area. The land swap will not be just swapping between villages, some of our villagers are inside their land and some of their villages are inside our land, they have rice fields that are encroaching in our land, we can take it if they are in the same province … we have Thlok Chrey and Anlong Chrey villages and only one portion of Anlong Chrey [is inside Viet land?] while a large portion is inside Cambodian land and only a small portion is inside Vietnam.”

ភ្នំពេញៈ ប្រធានគណៈកម្មការព្រំដែន របស់កម្ពុជាទេសរដ្ឋមន្រ្តី វ៉ា គឹមហុង បានមានប្រសាសន៍ថា ក្រៅតែពី ភូមិថ្លុកត្រាច និងភូមិអន្លង់ជ្រៃ គឺមានដីស្រែចំការជាច្រើន ទៀត នឹងត្រូវផ្លាស់ប្តូរជា មួយនិងប្រទេសវៀតណាម ដែលដីស្រែចំការទាំងនោះនឹងប្តូរ ដោយតុល្យភាពរវាងប្រទេសទាំងពីរ។

លោក វ៉ា គឹមហុង បានមានប្រសាសន៍ ប្រាប់ដល់អ្នកសារព័ត៌មាន នៅទីស្តីការគណៈរដ្ឋមន្រ្តី នាថ្ងៃទី១១ ខែកក្កដា ឆ្នាំ២០១២នេះថា ភាគីកម្ពុជានិងវៀតណាម នឹង ពិភាក្សាការដោះដូរភូមិ រវាងប្រទេសទាំងពីរនេះ នឹងប្រព្រឹត្តឡើងក្នុងខែកក្កដានេះ។

លោកបានបញ្ជាក់ថា ការដុះដូរនេះ "គឺមានការឯកភាពពីថ្នាក់កំពូលយើង វាមិនចេះតែដោះដូរដីទទេៗនោះទេ យើងត្រូវការឯកភាពពីថ្នាក់កំពូល ទាល់តែគេឯកភាព គ្នាពីផ្ទៃក្រឡាដីរបស់យើង។ ការដោះដូរនឹងទៀត គឺមិនមែនចេះតែដោះដូរភូមិទល់នឹងភូមិនោះទេ មានភូមិយើងមានភូមិគេចូលគ្នា គេមានដីស្រែចូលយើង យើង យកក៏បានឲ្យតែស្ថិតក្នុងខេត្តជាមួយគ្នា...យើងមានភូមិថ្លុកត្រាច និងភូមិអន្លង់ជ្រៃហើយភូមិអន្លង់-ជ្រៃគឺតែមួយផ្នែកទេ មួយភាគធំចូលដីខ្មែរ ហើយមួយភាគតូចចូល ទឹកដីវៀតណាម " ។


លោកទេសរដ្ឋមន្ត្រី បានមានប្រសាសន៍បន្តទៀតថា ការផ្លាស់ប្តូរនេះគឺធ្វើឡើងតាមប្រវត្តិសាស្រ្តតែប៉ុណ្ណោះ មិនមែនធ្វើទៅតាមការនឹកឃើញ របស់គណៈកម្មការ របស់លោកឡើយ ពោល "ប្រវត្តិសាស្រ្ត ជាកេរមរតក ប្រវត្តិសាស្រ្តយើងគ្រប់គ្នា មិនមែនតែជំនាន់យើងទេ ដែលទទួលខុសត្រូវ គឺតាំងពីជំនាន់ដើមមក គេទុក បន្សល់ឲ្យយើង ហើយយើងធ្វើបន្តទៅទៀតទៅ ហើយកិច្ចដែលយើងខំធ្វើនេះ គឺសម្រួលមិនឲ្យបងប្អូនយើង បាត់ភូមិបាត់ដីស្រែចំការ បាត់ភូមិកររបស់គាត់ គាត់ នៅបន្តទៀត គឺអត់មានបាត់ទេ ហើយអ្នកដែល តិះទៀន រដ្ឋាភិបាល មិនជាពួកគាត់លើកទឡ្ហីករណ៍អី មកតិះទៀននោះទេ ហើយបាត់នៅត្រង់ណា ប្រាប់មកហើយ យើងនឹងទាមទារឲ្យភាគីម្ខាងទៀតសងយើងវិញ។”

លោក វ៉ា គឹមហុង បានប្រាប់ដល់អ្នកសារព័ត៌មាន ជាបន្តទៀតថា នេះគឺជាការសម្រេចរបស់ថ្នាក់កំពូល មិនមែន ជាការសម្រេចរបស់ គណៈកម្មការ របស់លោក តែឯកឯងនោះទេ ដោយថ្នាក់កំពូលបានប្រាប់ ដល់គណៈ កម្មការថា ត្រូវតែដោះដូរគ្នា ហើយការដោះដូរនេះ ក៏គ្មានភាគីណាបាត់បង់ដីធ្លីឡើយ។

លោក វ៉ា គឹមហុង បានបន្តទៀតថា ការធ្វើឡើងរបស់គណៈកម្មការ របស់លោកយ៉ាងដូច្នេះ គឺដើម្បីទប់ស្កាត់ មិនឲ្យមានការបាត់បង់តទៅទៀត។ “តើយើងទៅសើរើយ៉ាងម៉េច បើសាវតា យ៉ាងដូច្នេះនោះ យើងក៏ដឹង គេក៏ដឹង ប៉ុន្តែយើងនិយាយមិនកើត នេះគឺជាកេរតំណែល របស់ប្រវត្តិសាស្ត្រដែលទុកឲ្យយើងជំនាន់ ក្រោយ...យើងរក្សាត្រឹមប៉ុណ្ណឹង! ឬក៏យើងចង់បាត់បង់តទៅទៀត? បើយើងចង់រក្សាប៉ុណ្ណឹង បោះបង្គោលទៅ”។

កាលពីថ្ងៃទី១០ ខែកក្កដា ឆ្នាំ២០១២កន្លងទៅថ្មីៗនេះ គណកម្មការព្រំដែន រវាងប្រទេសទាំងពីរកម្ពុជា-វៀត ណាម បានបើកកិច្ចប្រជុំមួយ នារាជធានីភ្នំពេញ ដើម្បី ពិភាក្សាគ្នាអំពីផែនទី នៃប្រទេសទាំងពីរ ជាពិសេសអំពី សាវនាកម្មនៅតាមព្រំដែន រវាងប្រទេសទាំងពីរ ហើយការពិភាក្សាគ្នានេះ គឺដើម្បីសម្លឹងរកទីតាំង ដែល ប្រទេសទាំងពីរ មានភាពស្រពិចស្រពិលនោះ៕