ព្រះមហាក្សត្រ​ប្រារព្ធ​ព្រះរាជ​ពិធី​សំពះ​ព្រះ​ខែ​និង​អក​អំបុក​នៅ​រាជវាំង

Look at me! I am King Sihamoney, from Kingdom of Banana. ~Jendhamuni

ព្រះ​ករុណា ព្រះ​បាទ​សម្ដេច​ព្រះ​បរមនាថ នរោត្តម សីហមុនី
 ក្នុង​ពិធី​បុណ្យ​អុំទូក កាល​ពី​ថ្ងៃ​ទី២០ វិច្ឆិកា ២០១០ RFA/Sek Bandith

ព្រះមហាក្សត្រ​ព្រះបាទ​សម្ដេច​ព្រះ​បរមនាថ នរោត្តម សីហមុនី និង​នាហ្មឺន​សព្វមុខ​មន្ត្រី ក្រសួង​ព្រះបរមរាជវាំង នៅ​ថ្ងៃ​ទី​១៧ ខែ​វិច្ឆិកា រៀបចំ​ប្រារព្ធ​ព្រះរាជ​ពិធី​សំពះ​ព្រះ​ខែ និង​អក​អំបុក​នៅ​ព្រះទីន័ង​ទេវាវិនិច្ឆ័យ​ក្នុង​ព្រះបរមរាជវាំង។

ដោយ កែវ និមល RFA 2013-11-17

តាម​កម្មវិធី​ដែល​ផ្សព្វផ្សាយ​ដោយ​មន្ត្រី​ជាន់​ខ្ពស់​ក្រសួង​វប្បធម៌​និង​វិចិត្រ​សិល្បៈ ឲ្យ​ដឹង​ថា ព្រះរាជ​ពិធី​សំពះ​ព្រះខែ និង​អក​អំបុក​ក្នុង​ព្រះ​បរម​រាជវាំង​នេះ ចាប់​ផ្ដើម​ធ្វើ​នៅ​ម៉ោង ៩ និង ៣៥​នាទី​យប់ ដោយ​មាន​រៀបចំ​គ្រឿង​សក្ការបូជា និង​សំពះ​ព្រះ​ខែ ពិធី​នមស្សការ​ព្រះរតនត្រ័យ និង​ពិធី​សម្រក់​ទៀន ជា​និមិត្តរូប​តំណាង​ខេត្ត​ក្រុង​ទូទាំង​ប្រទេស​កម្ពុជា ដើម្បី​ទស្សន៍ទាយ​ទឹក​ភ្លៀង និង​ភោគផល​គ្រប់​ខេត្ត​ក្រុង​ក្នុង​ប្រទេស។

ជា​ធម្មតា ព្រះរាជ​ពិធី​បុណ្យ​សំពះ​ព្រះ​ខែ និង​អក​អំបុក​នេះ គឺ​ធ្វើ​ជាមួយ​ពិធី​បុណ្យ​អុំ​ទូក និង​បណ្ដែត​ប្រទីប។ ប៉ុន្តែ​នៅ​ក្នុង​ឆ្នាំ​២០១៣ នេះ រដ្ឋាភិបាល​បាន​ប្រកាស​ថា គ្មាន​រៀបចំ​ពិធី​អុំ​ទូក ប្រណាំង​ទូក នៅ​រាជធានី​ភ្នំពេញ​ទេ ដោយសារ​ទូទាំង​ប្រទេស​កម្ពុជា ជួប​គ្រោះ​ទឹក​ជំនន់​ធ្ងន់ធ្ងរ។ ទោះ​ជា​យ៉ាង​ណា ខេត្ត ខណ្ឌ​នានា ដែល​មាន​លទ្ធភាព​អាច​រៀបចំ​ពិធី​អុំ​ទូក​នេះ​បាន​ទៅ​តាម​ស្ថានភាព​ជាក់ស្តែង។

បើ​ទោះ​បី​គ្មាន​រៀបចំ​ពិធី​បុណ្យ​អុំ​ទូក ប្រណាំង​ទូក​នៅ​រាជធានី​ភ្នំពេញ​មែន តែ​មន្ត្រី​រាជការ កម្មករ និយោជិត នៅ​តែ​អនុញ្ញាត​ឲ្យ​ឈប់​សម្រាក​ចំនួន ៣​ថ្ងៃ​ដដែល។

ការ​ខកខាន​រៀបចំ​ពិធី​បុណ្យ​អុំ​ទូក​ក្នុង​ឆ្នាំ​នេះ​គឺ​ជា​លើក​ទី​៣ ហើយ គិត​ចាប់​តាំង​ពី​ឆ្នាំ​២០១០ មក ដោយសារ​ពេល​នោះ​មាន​គ្រោះ​ថ្នាក់​មនុស្ស​ផ្អើល​ជាន់​គ្នា​ស្លាប់​លើ​កោះពេជ្រ ចំនួន ៣៥៣​នាក់ និង​របួស​ជិត ៤០០​នាក់៕