សម្ភាស​លោកស្រី មូរ សុខហួរ ពី​ការ​ស្នើ​ឲ្យ​ម្ចាស់​ឥណទាន​ផ្អាក​ទារ​លុយ​ពី​កូន​បំណុល

ប្រជាពលរដ្ឋ​នៅ​ក្នុង​ខេត្ត​បាត់ដំបង ជាច្រើន​ពាន់​គ្រួសារ បាន​រងគ្រោះ​ដោយសារ​ជំនន់​ទឹក​ភ្លៀង​នៅ​ឆ្នាំ​២០១៣ នេះ។ គ្រោះ​ធម្មជាតិ​នៅ​ឆ្នាំ​នេះ ក្រៅ​ពី​បំផ្លាញ​លំនៅឋាន និង​ទ្រព្យ​សម្បត្តិ​របស់​ប្រជាពលរដ្ឋ ក៏​បាន​បំផ្លាញ​ផល​ដំណាំ​ស្រូវ​ជាច្រើន​ម៉ឺន​ហិកតារ បូក​នឹង​ដំណាំ​មួយ​ចំនួន​ផ្សេង​ទៀត។ បញ្ហា​នេះ បាន​ធ្វើ​ឲ្យ​ប្រជាពលរដ្ឋ​រងគ្រោះ​ទាំង​នោះ ប្រឈម​ទៅ​នឹង​ការ​ជំពាក់​បំណុល​គេ​យ៉ាង​ធ្ងន់ធ្ងរ។

ដោយ​មើល​ឃើញ​ពី​បញ្ហា​នេះ អ្នក​តំណាង​រាស្ត្រ​គណបក្ស​សង្គ្រោះ​ជាតិ លោកស្រី មូរ សុខហួរ ដែល​បាន​ចុះ​ទៅ​ជួប​ជន​រងគ្រោះ​នៅ​ខេត្ត​បាត់ដំបង បាន​ធ្វើ​លិខិត​អន្តរាគមន៍​មួយ​ជា​បន្ទាន់ ស្នើ​ទៅ​ម្ចាស់​កម្មវិធី​ឥណទាន និង​ធនាគារ​ឯកជន​ជាច្រើន សុំ​ឲ្យ​ពួក​គេ​ពន្យារ​ពេល​ក្នុង​ការ​តម្រូវ​ឲ្យ​កូន​បំណុល​ទាំង​នោះ ផ្អាក​ការ​សង​បំណុល​មួយ​រយៈពេល​សិន។ សូម​ស្ដាប់​បទ​សម្ភាសន៍​របស់ លោក សួន សុផលមុន្នី ជាមួយ​អ្នក​តំណាង​រាស្ត្រ មូរ សុខហួរ ទាក់ទិន​ទៅ​នឹង​គោលដៅ​នៃ​ការ​ធ្វើ​លិខិត​អន្តរាគមន៍​ទៅ​ម្ចាស់​ស្ថាប័ន​ហិរញ្ញវត្ថុ​ជាច្រើន

ដោយ សួន សុផលមុន្នី RFA 2013-11-02