Sourn Serey Ratha's press release

យោងសេចក្តីរាយការណ៍ព័ត៌មានពី កាសែតក្នុងស្រុក ដែលរួមមាន កាសែតរស្មីកម្ពុជា និងការសែតភ្នំពេញប៉ុស្តិ៍ ដែលខ្ញុំទទួលបានតាម របស់សហការី របស់​ ចលនា អំណាចពលរដ្ឋខ្មែរ ក្នុងប្រទេសខ្មែរ ។

ខ្ញុំ សួន សេរីរដ្ឋា ប្រធាន ចលនា អំណាចអំណាចពលរដ្ឋខ្មែរ ដែលមានមូលដ្ឋាន នៅប្រទេសសហរដ្ឋអាមេរិក និងសាខា ក្នុងពិភពលោក សូមប្រកាស់ជាចំហរថា ការប្រកាស់របស់ខ្ញុំ ដែលលើកទឹកចិត្តអោយ ពួកក្រុមមេដឹកនាំ កុម្មុយនីស្ត មកប្តឹងតទល់ជាមួយនឹងខ្ញុំនៅតុលាការ ក្នុងប្រទេសសហរដ្ឋអាមេរិក និងតុលាការ ឧក្រិដ្ឋកម្មអន្តរជាតិ ដែលមានទីតាំងនៅទីក្រុង ឡាអេ ប្រទេសហូឡង់ នោះមិនមែនជាការផ្គើន អោយបុគ្គលណាម្នាក់ឡើយ ។ តែនេះជាចេតនា និងគោលនយោបាយ របស់ ចលនា អំណាចពលរដ្ឋខ្មែរ ដែលមានរូបខ្ញុំជាអ្នកនាំ ដែល យើងមិនដែលទទួលស្គាល់ច្បាប់កុម្មុយនីស្ត តុលាការកុម្មុយនីស្ត និងរដ្ឋាភិបាលដែល ដឹកនាំដោយជនកុម្មុយនីស្ត ដែលជាងាយ៉ងរបស់ប្រទេសយួន ក្រុងហាណូយ នោះទេ ។

ការបង្កើតទីលានទាត់បាល់ដោយខ្លួនឯង ធ្វើជាអាជ្ញាកណ្តាលដោយខ្លួនឯង និងធ្វើជាអ្នកទាល់បាល់ដោយខ្លួនឯង ហើយប្រកាស់ទទួល ជ័យជំនះសម្រាប់ខ្លួនឯង ដែលរដ្ឋាភិបាលកុម្មុយនីស្ត នៅភ្នំពេញរមែងអនុវត្ត និងធ្វើដាក់ចំពោះ អ្នកនយោបាយ នៃ ក្រុមបក្សប្រឆាំង កន្លងមកនោះ វាជាបទពិសោធន៍គ្រប់គ្រាន់ ដែល ចលនា អំណាចពលរដ្ឋខ្មែរ គ្មានហេតុផលអ្វីដែលត្រូវគោរព តុលាការ ស្រទបចេក នៅក្នុងប្រទេសខ្មែរនោះទេ ។

ខ្ញុំសូមរំលឹក និងលើកទឹកចិត្តសារជាថ្មីថា រដ្ឋាភិបាលកុម្មុយនីស្ត ក្រុងភ្នំពេញក៏ធ្លាប់ប្រើប្រព័ន្ធតុលាការ ក្នុងប្រទេស អាមេរិក ប្តឹងមេដឹកនាំ CFF និងយកឈ្នះលើរឿងក្តីនេះដែរ ។ ដូច្នោះ រដ្ឋាភិបាល កុម្មុយនិស្ត ក្រុងភ្នំពេញ គ្មានហេតុផលអ្វីដែលខ្លាច ប្រព័ន្ធតុលាការ ក្នុងប្រទេស សហរដ្ឋងាមេរិក ដែលគេមាន ឯករាជ្យ និងអព្យាក្រិត ច្បាស់លាស់នោះទេ ។

បើពួកមេដឹកនាំ កុម្មុយនីស្ត អាយ៉ងយួន នៅភ្នំពេញ ធ្លាប់ប្តឹង ឈុន យ៉ាសិទ្ធ ក្នុងប្រទេសអាមេរិក ហេតុអ្វីមិនហ៊ានប្តឹង សួន សេរីរដ្ឋា ក្នុង តុលាការ ប្រទេសអាមេរិក ?

ជាទីបញ្ចប់ខ្ញុំ សួន សេរីរដ្ឋា​ ប្រកាស់ថា បើ រដ្ឋាភិបាលកុម្មុយនីស្ត ក្រុងភ្នំពេញ មានសេចក្តីក្លាហាន ប្តឹងតទល់គ្នាជាមួយនឹងខ្ញុំ នៅ តុលាការ ប្រទេសសហរដ្ឋអាមេរិក ឬនៅក្នុងត តុលាការ ឧក្រិដ្ឋកម្មអន្តរជាតិ នៅទីក្រុងឡាអេ ប្រទេស ហូឡង់ នោះ ខ្ញុំ សួន សេរីរដ្ឋា នឹងប្រើសិទ្ធិធ្វើជាមេធាវី ការពារខ្លួន ដោយខ្លួនឯង ដោយមិនញញើតឡើយ ៕

ថ្ងៃទី ២៤ ខែធ្នូ ឆ្នាំ ២០១១
ហត្ថលេខា

សួន សេរីរដ្ឋា
---
SOURN SEREY RATHA
President of Khmer People Power Movement (KPPM)
Email: politics@kppmradio.org, Website: www.kppmradio.org