ហ៊ុន សែន ព្រមាន​អ្នក​ហៅថ្ងៃ ៥.៦កក្កដាថា​រដ្ឋប្រហារ ព្រោះរអើល គូទថ ខ្លាចគេចាប់ យកទៅកាត់ទាស

លោកហ៊ុន សែន ព្រមាន​អ្នក​ហៅថ្ងៃ ៥.៦កក្កដាថា​រដ្ឋប្រហារ

Friday, 03 February 2012 12:01
វង្ស សុខេង
The Phnom Penh Post

លោក យឹម សុវណ្ណ ​អ្នកនាំពាក្យ​គណបក្ស​ប្រឆាំង​ថ្លែងថា ៖ «​ប្រវត្តិសាស្រ្ត​មិនអាច​កែប្រែ​បានទេ គណបក្ស​សម​រង្ស៊ី​នៅតែចាត់ទុក​[ថ្ងៃទី ៥‑៦​ កក្កដា​១៩៩៧]​ថា ជារដ្ឋប្រហារ​»៕

ភ្នំពេញៈ លោក​នាយក​រដ្ឋមន្រ្តី ហ៊ុន សែន បានព្រមាន​កាលពី​ថ្ងៃម្សិលមិញ​ទៅ អតីត​មន្រ្តី​ស្មោះត្រង់​នឹងព្រះអង្គម្ចាស់ នរោត្តម រណឫទ្ធិ មិនឲ្យហៅ​ព្រឹត្តិការណ៍​ថ្ងៃ៥‑៦​កក្កដា ១៩៩៧ ជា​រដ្ឋប្រហារ​ទេ​។

ថ្លែង​ទៅកាន់​មន្រ្តី​នគរបាល នៅ​សាលា​បណ្ឌិតសភា​នគរបាល​ក្នុងស្រុក​កៀនស្វាយ ​ខេត្ត​កណ្តាល​ លោក ហ៊ុន សែន បានថ្លែង​ព្រមាន ដោយ​សំដៅ​ទៅលើ​លោក សេរី កុសល លោក លី ធុច លោក គៀង វ៉ាង ​អតីត​មន្រ្តី​យោធា​ជាន់ខ្ពស់​នៃ​គណបក្ស​ហ៊្វុនស៊ិនប៉ិច ស្ថិត​ក្នុង​រដ្ឋាភិបាល​ចម្រុះ​ជាមួយ​គណបក្ស​ប្រជាជន​កម្ពុជា​។ ឥស្សរជន​ទាំងបីរូបនេះ បាន​ចុះចូល​ជាមួយ​គណបក្ស​ប្រជាជន​កម្ពុជា បន្ទាប់ពី​ការបោះឆ្នោត​ឆ្នាំ ២០០៨​។

លោក​ ហ៊ុន សែន ​បានថ្លែងថា ​៖ «​កុំចោទ​ប្រកាន់​ខ្ញុំថាធ្វើ​រដ្ឋប្រហារ​។ កុំចោទឲ្យសោះ​អារឿងហ្នឹង​មួយ!​។ ឥឡូវ​យករូបភាព​មកមើលមក ព្រោះ​ពេលនោះ​(ហ៊្វុនស៊ិនប៉ិច)ថត ហើយ​មិនដឹង​យ៉ាង​ម៉េចរូបភាព​នោះជ្រុះ ហើយ​យើង​យកបាន​»។​ លោកបន្តថា ឥឡូវនេះ​ឲ្យប្រយ័ត្ន​សម្តី​ព្រោះ​លោក​មាន​វីដេអូ​ជាភស្តុតាង​។


នៅថ្ងៃទី​៥‑៦​ ខែ​កក្កដា ឆ្នាំ​១៩៩៧ កងទ័ព​ស្មោះត្រង់​នឹង​លោក ហ៊ុន សែន ​និង​កងទ័ព​ព្រះអង្គ​ម្ចាស់ នរោត្ត​មរណឫទ្ធិ បានពើប​ប្រយុទ្ធគ្នា​យ៉ាងខ្លាំង​នៅភ្នំពេញ​។ ទ្រង់ រណឫទ្ធិ ត្រូវចោទថា​បាន​រៀបចំ​ផែនការ​អាក្រក់​ជាមួយ​មេខ្មែរក្រហម ដើម្បី​ផ្តួលរំលំ​គណបក្ស​ប្រជាជន​។

លោក ញឹក ប៊ុនឆៃ មិនអាច​ទាក់ទង​សុំ​ការធ្វើអត្ថាធិប្បាយ​បានទេពីម្សិលមិញ។

លោក យឹម សុវណ្ណ ​អ្នកនាំពាក្យ​គណបក្ស​ប្រឆាំង​ថ្លែងថា ៖ «​ប្រវត្តិសាស្រ្ត​មិនអាច​កែប្រែ​បានទេ គណបក្ស​សម​រង្ស៊ី​នៅតែចាត់ទុក​[ថ្ងៃទី ៥‑៦​ កក្កដា​១៩៩៧]​ថា ជារដ្ឋប្រហារ​»៕