រស្មី ពន្លឺភ្លើងទៀនដ៏ចិញ្ចាចចិញ្ចែងនាំឆ្ពោះទៅមុខ (The glorious candle light is the sign of success)

នៅថ្ងៃទី០១ ខែមិថុនា ឆ្នាំ២០១២ គឺជាថ្ងៃចុងបញ្ចប់នៃការឃោសនារកសម្លេងឆ្នោត ក្នុងការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៣ ដែលនិងប្រព្រឹត្ត ទៅនៅថ្ងៃអាទិត្យ ទី០៣ ខែមិថុនា​ឆ្នាំ​២០១២ ។

កម្លាំមហាសាមគ្គីរបស់គណបក្ស សម រង្ស៊ី គឺបានដំណើរការទៅយ៉ាង អាធិកអាធម​ដែល មាន​ប្រជាពលរដ្ឋ អ្នកគាំទ្រ សកម្មជន សកម្មនារី និងថ្នាក់ដឹកនាំខណ្ឌ​ទាំង៩ និង៩៦ សង្កាត់បានចូល​រួម​ក្នុងការឃោសនា នៅថ្ងៃបញ្ចប់គឺមានចំនួនរាប់ម៉ឺននាក់ ក្បួនបានធ្វើ​ដំណើរ​ចាកចាញ​ក្បួនបានធ្វើ​ដំណើរ​ចាប់ផ្តើមចេញលូនលយ ទៅតាមដងមហាវិថីនានា នៅក្នុងទីក្រុងភ្នំពេញ ដោយ​មានលោក គង់ គាំ ប្រធានស្តីទីគណបក្ស សម រង្ស៊ី ធ្វើការ ដឹកនាំក្បួនឃោសនាដ៏ធំ របស់គណបក្សឆាំងមួយនេះ​ នៅថ្ងៃ​ចុង​បញ្ចប់នៃការ ឃោសនារកសម្លេងឆ្នោត ។

សម្លេងជ័យឃោស អមទៅដោយបទចំរៀង សម្រែកស្រែកច្រៀងបន្ទរអមពីក្រោយ​« ចង់បាន មេឃុំ សម រង្ស៊ី » ដែលជាការពេញនិយមពីប្រជាពលរដ្ឋទូទៅ ក៏ដូចជា សកម្មជនគណបក្ស សម រង្ស៊ី បានបន្លឺ​ឡើងទ្រហឹងអ៊ឺងកង សាសងផ្តុះផ្តងអមទៅដោយ សម្រែកស្រែកឡើងព្រមគ្នាថា « ដូរចេញទៅ » ពេល​នោះ​​រឹតរឹងតែធ្វើឲ្យការអបអរសាទរ ហូរកញ្ជ្រៀវ ក៏បានចាប់ផ្តើមបន្លឺឮឡើង​ បណ្តាក់គ្នាជាប់មិនដាច់ នៅ​តាមដងផ្លូវ និងដង មហាវិថីនានាទូទាំងក្រុងភ្នំពេញ។

ស្របពេលជាមួយគ្នានេះផងដែរ ការចេញមកទទួលអបអរសាទរ ពីសំណាក់ ប្រជាពលរដ្ឋក៏មាន កាន់​តែច្រើន នៅតាមដងផ្លូវនិងតាមដងមហាវិថីនានា នៅពេលដែល ក្បួនឃោសនារបស់​គណ​បក្ស សម រង្ស៊ី បានទៅដល់ ។ មានប្រជាពលរដ្ឋខ្លះដែលផ្ទះនៅ ជាន់​លើក៏បានរត់ចេញមក ​ព្រោងព្រាត លើកដៃរា និង​សំពះ ស្រែកអបអរសាទរ ជាមួយនិងគណបក្ស សម រង្ស៊ី ជាសញ្ញាបញ្ជាក់​ថាជោគជ័យ​ហើយ​កម្លាំងមហា ​សាមគ្គីគណបក្ស សម រង្ស៊ី នៅអាណត្តិនេះ។ (អត្ថបទសង្ខេប)!