CNRP in Kampong Cham this June 1

យ៉ែម បុញ្ញឬទ្ធិៈ ការចាញ់ឆ្នោត របស់ គណបក្សប្រជាជនកម្ពុជា នឹងធ្វើឲ្យរាស្រ្តរុងរឿង

នៅព្រឹក ថ្ងៃទី១ ខែមិថុនានេះ គណបក្សសង្រ្គោះជាតិ ខេត្តកំពង់ចាម បានរៀបចំវេទិកាសាធារណៈ នៅភូមិឈ្លើង ឃុំកោះរការ ស្រុកកំពង់ចាម ខេត្តកំពង់ចាម ដែលពិធីនេះ ត្រូវបានអញ្ជើញចូលរួម ដោយលោក យ៉ែម បុញ្ញឬទ្ធិ អគ្គនាយករដ្ឋបាល គណបក្សសង្រ្គោះជាតិ លោក គួយ ប៊ុនរឿន ប្រធានក្រុមការងារខេត្ត រួមជាមួយថ្នាក់ដឹកនាំ មួយចំនួនផ្សេងទៀត ។  ថ្លែងក្នុងពិធីនេះ លោក គួយ ប៊ុនរឿន បានមានប្រសាសន៍ថា ភាពជោគជ័យ របស់ គណបក្សសង្រ្គោះជាតិ នៅក្រោយការបោះឆ្នោត ថ្ងៃទី២៨ ខែកក្កដា គឺជាភាពប្រសើរឡើង នៃជីវភាពប្រជាពលរដ្ឋ ព្រោះ គណបក្សសង្រ្គោះជាតិ នឹងសម្រេចនូវអ្វី ដែលជាគោលនយោបាយ របស់គណបក្ស ក្នុងគោលដៅ លើកស្ទួយកម្រិតជីវភាពរស់នៅ របស់ប្រជាពលរដ្ឋ។ ទន្ទឹមគ្នានេះដែរ លោក យ៉ែម បុញ្ញឬទ្ធិ បានលើកឡើងថា បើងាកមកមើល គណបក្សប្រជាជនកម្ពុជា លោកនាយករដ្ឋមន្រ្តី ហ៊ុន សែន រមែងប្រើភាសារចាញ់ចាញ់ គ្រប់ទីកន្លែងដូចជា បើគាត់ចាញ់ ឈប់ធ្វើបុណ្យ បើគាត់ចាញ់ ដកយកម៉ាស៊ីនបូមទឹកវិញ បើគាត់ចាញ់ ឈប់ធ្វើផ្លូវ បើគាត់ចាញ់ មិនក្រោម៤០អាសនៈ។ល។ ដូច្នេះ គណបក្សប្រជាជនកម្ពុជា ប្រាកដនឹងចាញ់ឆ្នោត ប៉ុន្តែការចាញ់ឆ្នោត របស់ គណបក្សប្រជាជនកម្ពុជា វិញទេដែលនឹងធ្វើ ឲ្យប្រជារាស្រ្តខ្មែរ ទទួលបានសុខសន្តិភាព និងជីវភាពរុងរឿង៕
Cambodia National Rescue Party:
https://www.facebook.com/CNRParty