សមាសភាព​ថ្នាក់ដឹកនាំ​គណបក្ស​សង្គ្រោះ​ជាតិ​សំរាប់​ចូល​ជួប​ចរចា​នា​ថ្ងៃទី​៥​ ខែវិច្ឆិកា​ខាងមុខ​នេះ​

សមាសភាព​ថ្នាក់ដឹកនាំ​គណបក្ស​សង្គ្រោះ​ជាតិ​សំរាប់​ចូល​ជួប​ចរចា​នា​ថ្ងៃទី​៥​ ខែវិច្ឆិកា​ខាងមុខ​នេះ​
ភ្នំពេញ​៖ លោក យឹម សុវណ្ណ មន្ត្រី​អ្នកនាំពាក្យ​គណបក្ស​សង្គ្រោះ​ជាតិ​បាន​ឲ្យ​ដឹង​ថា សមាសភាព​ដែល​ត្រូវ​ចូល​ប្រជុំ​ជាមួយ​គណបក្ស​ប្រជាជន​កម្ពុជា នៅ​ថៃ្ង​ទី​០៥ ខែវិច្ឆិកា ឆ្នាំ២០១៣ ខាងមុខ​នោះ​រួមមាន លោក សុន ឆ័យ សមាជិក​គណៈកម្មាធិកា​រ​នាយក និង​ជា​សមាជិក​គណៈកម្មការ​អចិន្ត្រៃយ៍(​ជា​ប្រធាន​ក្រុម​ដឹកនាំ​), លោក យឹម សុវណ្ណ ប្រធាន​គណៈកម្មាធិការ​ប្រតិបត្តិ និង​ជា​អ្នកនាំពាក្យ​, លោក អេង ឆៃអ៊ាង សមាជិក​គណៈកម្មាធិកា​រ​នាយក​, លោក យ៉ែម ប៉ុ​ញ្ញ​ប្ញ​ទ្ធិ សមាជិក​គណៈកម្មា ធិកា​រ​ប្រតិបត្តិ និង​ជា​អ្នកនាំពាក្យ និង​លោក គួ​យ ប៊ុន​រឿន សមាជិក​គណៈកម្មាធិកា​រ​ប្រតិបត្តិ​។​

សូម​បញ្ជាក់​ដែរ​ថា សមាសភាព​ក្រុមការងារ​បច្ចេកទេស​គ​ណ​បក្ស​ប្រជាជន​កម្ពុជា ដែល​នឹង​ត្រូវ​ចូលរួម​ប្រជុំ​ជាមួយ​គណបក្ស​សង្គ្រោះ​ជាតិ​នោះ គឺ​ទី​១, លោក ព្រំ សុខា រដ្ឋលេខាធិការ​ក្រសួង មហាផ្ទៃ ទី​២, លោក សក់ សេដ្ឋា រដ្ឋលេខាធិការ​ក្រសួងមហាផ្ទៃ ទី​៣, លោក កើត រិ​ទ្ធ រដ្ឋលេខាធិការ​ក្រសួងយុត្តិធម៌ ទី​៤, លោក សោម សឿន នាយរង​ខុ​ទ្ធ​កាល័យ​គណបក្ស​ប្រជាជន​កម្ពុជា និង​ទី​៥, លោក ឡេង វី អនុរដ្ឋលេខាធិការ​ក្រសួងមហាផ្ទៃ​។​ជំនួប​លើក​ទី​២ កាលពី​ថ្ង​ទី​១៦ ខែកញ្ញា គណ បក្ស​ទាំង​ពីរ​បាន​ឯកភាព​គ្នា​៣ ចំណុច​សំខាន់ៗ គឺ ទី​១, ភាគី​ទាំង​២ បាន​ឯកភាព​គ្នា​គោរព និង​អនុវត្តន៍​ដោយ​ហ្មត់ចត់​តាម​ព្រះរាជសារ​របស់​ព្រះ​ករុណា​ព្រះមហាក្សត្រ ចុះ​ថ្ងៃទី​១៦ ខែកញ្ញា ឆ្នាំ​២០១៣ ទី​២.​ភាគី​ទាំង​២ ព្រមព្រៀងគ្នា នឹង​បង្កើត​យន្តការ​មួយ​ដើម្បី​កែទម្រង់​ការបោះឆ្នោត​នា​ពេល​ខាង​មុខ និង​ទី​៣.​ភាគី ទាំង​២​នឹង​បន្ត​ជួប​ចរចា​គ្នា​តទៅទៀត តាម​គ្រប់​កម្រិត​ដើម្បី​ដោះស្រាយ​បញ្ហា​របស់​ជាតិ​៕ Courtesy Kampuchea Thmei News Nov. 2, B.E.2557 A.D.2013