សៀ ភារម្យ អគ្គលេខាធិការដ្ឋានសិទ្ឋិលំនៅដ្ឋាន ត្រូវបាន ហ៊ុន សែន បញ្ជាឲ្យក្រុមក្មេងវត្តទាត់ក្មេងវាំងគម្រាមជាសាធារណៈ

ដោយ. ឆាំ ឆានី

២៣ កញ្ញា ២០១២

ការគម្រាមជាសាធារណៈរបស់ក្រុមក្មេងវត្តដែលគេដឹងថា ជាក្រុមដែលរៀបចំឡើងដោយលោក ហ៊ុន សែន សំរាប់បង្រ្កាបបាតុកម្មដោយសន្តិវិធីរបស់សកម្មជនប្រជាធិបតេយ្យ អង្គការសង្គមស៊ីវីល សហជីព និស្សិតបញ្ញវន្ត័ និងគណបក្សប្រឆាំង ជាដើម ។ នៅពេលនេះបាន​ចេញ​សេចក្តីថ្លែងការណ៍​គម្រាមដល់អាយុជីវិតរបស់លោក សៀ ភារម្យ  អគ្គលេខាធិការដ្ឋាន​សិទ្ឋិលំនៅ​ដ្ឋាន បន្ទាប់​ពីលោក​បានផ្តល់បទសម្ភាសន៍ឲ្យវិទ្យុអាស៊ីសេរីស្តីការប្រើប្រាស់កម្លាំងយុវជនទៅវាស់ដីជូនប្រជាពល​​រដ្ឋ ។​ការគម្រាបរបស់ក្រុមក្មេងវត្តមកលើលោក សៀ ភារម្យ នេះមិនត្រូវបានអាជ្ញាធរ​ចាត់វិធាន​ការតាម​ផ្លូវច្បាប់​ចំពោះបទល្មើសរបស់ក្រុមក្មេងវត្តនោះទេ តែអ្វីគួរឲ្យកត់សម្គាល់នោះគឺ វិទ្យុ ទូរទស្សជាតិ និងឯកជន នៅទូទាំងប្រទេសកម្ពុជា បានជួយ​ផ្សព្វ​ផ្សាយនូវការគម្រាម​នេះយ៉ាង​ទូលំទូលាយទៀត ។ ទាំងនេះ​ជាការបញ្ជាក់ឲ្យឃើញថា វប្បធម៌និទណ្ឌភាពបាននិងកំពុងលើក​ទឹកចិត្តដល់ក្រុមដែលគាំទ្រលោក ហ៊ុន សែន ក្នុងកាគម្រាម សម្លាប់ អាយុជីវិតសកម្មជនប្រជាធិប​តេយ្យ អង្គការសង្គមស៊ីវីល ដែលធ្វើការទាមទារនូវសិទ្ឋិសេរីភាពជូនប្រជាពលរដ្ឋខ្មែរ ៕