ហេតុតែដង្ហែតាមព្រះរាជតម្រិះ ដោយ អ៊ុម​ ហាក់

ហេតុតែដង្ហែតាមព្រះរាជតម្រិះ

ដោយ អ៊ុម​ ហាក់ (ថ្ងៃទី២៥ កញ្ញា ២០១៣)

   ការបោះឆ្នោតជ្រើសតាំងអ្វីដែលគេនៅតែនិយមហៅថាតំណាងរាស្រ្តនោះបានកន្លងផុត

ទៅជិតពីរខែមកហើយ តែបញ្ហាដែលការបោះឆ្នោតនោះបានបន្សល់ទុកហាក់ដូចជាស្មុគ្រ

ស្មាញដោះស្រាយមិនរួចសោះ។

   តាមការសមហេតុសមផល ទាំងអស់គ្នាដឹងច្បាស់ថាគណបក្សណាដែលឈ្នះឆ្នោតរួច

ទៅហើយ តែមិនមានគណបក្សណាព្រមទទួលបរាជ័យឡើយ។ មានគណបក្សធំពីរដែល

ប្រជាពលរដ្ឋបានបោះឆ្នោតជ្រើសរើសបេក្ខជនតំណាងនៅរដ្ឋសភា។ គណបក្សទាំងពីរគឺ

គណបក្សប្រជាជន នឹងគណបក្សសង្រ្គោះជាតិប្រកាសថាខ្លួនជាអ្នកឈ្នះឆ្នោតរៀងៗខ្លួន

មិនមានបក្សណាព្រមថាខ្លួនចាញ់ឡើយ។ ដើមបីជួយដោះស្រាយកុំឲ្យការរាំងស្ទះនយោ

បាយ មហាក្សត្រខ្មែរបានសុំឲ្យគណបក្សទាំងពីរដែលមានសមាជិកជាប់ឆ្នោតជួបគ្នាចរចា

រកដំណោះស្រាយដោយសន្តិវិធី ចៀសវាងកុំឲ្យមានអំពើហិង្សា។ គណបក្សទាំងពីរហាក់

ស្រុះស្រួលគ្នាដង្ហែតាមព្រះរាជតម្រិះ។ ជជែកគ្នាបានពីរដង គេបានធ្វើសេចក្តីថ្លែងការរួម

ថាគេបានឯកភាពគ្នាបីចំណុចគឺ៖

១- មិនឲ្យមានអំពើហិង្សា។ រំពេចនោះរបងលួសបន្លាឃាំងផ្លូវមិនឲ្យចរាចរចូលក្រុងភ្នំពេញ

ត្រូវរើចេញក្នុងមួយប៉ប្រិចភ្នែក។ រីឯ « អាតេះតង់ » នឹងកងប្រដាប់អាវុធទាំងអស់មិនបាន

វិលត្រឡប់ទៅបន្ទាយរៀងខ្លួនវិញទេ។ លោកសម-រង្ស៊ីបានប្រកាសជោគជ័យគួរឲ្យព្រឺក្បា

លក្រៃលែង ព្រោះតែខាងម្ខាងទៀតគេសន្យាថាឈប់ប្រើអំពើហិង្សាអីចឹងមែនឬ? ​ខ្ញុំសូម

អនុញ្ញាតិរំលឹកថា គេចំណាយពេលមិនដល់កន្លះម៉ោងទេសំរាប់ដកលួសបន្លាទាំងនោះ

ចេញ ហើយថាតើគេត្រូវការពេលប៉ន្មានដែរដើមបីអូសវាមកដាក់វិញ? រឿងសំខាន់មួយ

ទៀតដែលយើងមិនអាចបំភ្លេចបាននោះគឺ ពួកកុម្មុយនិស្តជាពិសេសយួននេះតែម្តង វាចុះ

ហត្ថលេខាលើកិច្ចព្រមព្រៀងទាំងអស់ តែវាមិនដែលគោរពកិច្ចសន្យារបស់វាមួយណា

ដល់ម្តងណាឡើយ។ ក្នុងចំណុចឯកភាពទីមួយនេះ បើលោកសម-រង្ស៊ីពិតជាយល់ថាជា

ជោគជ័យរបស់លោកមែននោះ ខ្ញុំសង្ស័យលោកច្រឡំធ្ងន់ហើយ។

២- ឯកភាពថានឹងជជែកគ្នាដើមបីកែទំរង់ប្រព័ន្ធបោះឆ្នោតសំរាប់ពេលក្រោយ។ ចាញ់

បោកគេទៀតហើយ។ រឿងនេះចាំបីឆ្នាំទៀតសិមជជែកគ្នាក៏បានដែរ ឯរឿងដែលត្រូវដោះ

ស្រាយគឺរឿងបច្ចុប្បន្ននេះ។ ពលរដ្ធខ្មែរចង់បានយុត្តិធម៌ ចង់ច្បាស់ថាតើបក្សណាដែលជា

បក្សឈ្នះឆ្នោត​ និយាយម្យ៉ាងទៀតថា ត្រូវតែរាប់សន្លឹកឆ្នោតឡើងវិញ។ នេះជាជំហរដាច់

ខាតខានមិនបាន មុននឹងជជែកគ្នាអំពីអ្វីដទៃទាំងអស់។

៣- ចំណុចទីបីជាចំណុចបន្ទាប់បន្សំ គេឯកភាពថានឹងជួបពិភក្សាគ្នាតទៅទៀត​ មិនមាន

សារសំខាន់បើនឹងលើកយកមកបកស្រាយនៅពេលក្រោយក៏មិនថ្វីដែរ។

   មកដល់ត្រិមនេះគេអាចមើលឃើញថា គណបក្សសង្រ្គោះជាតិចាញ់ប្រៀបគណបក្ស

ប្រជាជនគ្រប់ជំហានព្រោះតែដង្ហែតាមព្រះរាជតម្រិះ។ ស្លេះរឿងនេះត្រិមហ្នឹងសិនចុះ

យើងនាំគ្នាមកសង្កេតមើលថា​ តើមានអ្វីកើតឡើងថ្មីៗនេះ។ ទឹកខ្មៅនឹងហត្ថលេខាលើ

សេចក្តីថ្លែងការរួមរវាងបក្សប្រជាជន និងបក្សសង្រ្គោះជាតិមិនទាន់ទាំងស្ងួតផង អំពើ

ហិង្សាចម្លែកបានកើតមានឡើងនៅឳធ្យានវត្តភ្នំ។ អ្នកភូមិបឹងកក់ចំនួនប្រហែលម្ភៃនាក់

ប្រហែលដឹកនាំដោយអ្នកស្រីទេព-វ៉ាន្នី បាននាំគ្នាទៅប្រារពពីធីបួងសួងសុំសុខសន្តិភាព

នឹងបានអង្គុយស្មឹងស្មាធដោយសន្តិវិធី ស្រាប់តែមានកងប៉ូលីសនឹងរាជអាវុធហត្ថជាង

មួយរយនាក់ប្រកបដោយក្បាំងនិងដំបងឆក់មកវាយបណ្តេញពួកគាត់ចេញ មិនតែប៉ុន

នោះមានទាំងជនមួយក្រុមសម្លៀកបំពាក់ស៊ីវីលបិតមុខប្រើជំពាមកៅស៊ូបាញ់គ្រាប់ឃ្លី

ទៅលើពលរដ្ធស្លូតត្រង់ឥតអាវុធ បង្ករឲ្យមានរបួសធ្ងន់នឹងស្រាលមួយចំនួន។

យោបល់បញ្ចប់៖

- ដង្ហែតាមព្រះរាជតម្រិះ ចាញ់ប្រៀបពួកកុម្មុយនិស្ត

-  ការចរចាជាមួយពួកកុម្មុយនិស្តមិនដែលបានផលវិជ្ជមានឡើយ ពួកវាសន្យាគ្រប់យ៉ាង

ចុះហត្ថលេខាលើគ្រប់កិច្ចព្រមព្រៀង តែពួកេវាមិនដែលគោរពកិច្ចសន្យាណាមួយឡើយ។

-  សព្វថ្ងៃស្តេចខ្មែរ និងពលរដ្ធខ្មែរមានមតិមិនស្របគ្នា អ្នកនយោបាយត្រូវដង្ហែតាមព្រះ

រាជតម្រិះ ឬក៏ត្រូវបំរើពលរដ្ធខ្មែរ៕