 |
| អតីតរដ្ឋមន្ត្រីការបរទេសខ្មែរក្រហម លោក អៀង សារី (Reuters) |
លោក អៀង សារី ស្នើសុំសម្តេចសីហនុ លោកហ៊ុនសែន ព្រះអង្គម្ចាស់រណឫទ្ធិ និងលោក ជា ស៊ីមធ្វើជាសាក្សី
អង្គារ 08 វិច្ឆិកា 2011
ដោយ លី ម៉េងហួរ
Radio France Internationale
Synopsis: Through his defense lawyers, Ang Uddom and Michael G. Karnavas, Ieng Sary asked the ECCC (KR Tribunal or KRT) to summon Sihanouk, Hun Xen, Ranariddh and Chea Xim as witnesses and to provide their testimonials to the court. This is related to the royal decree for his pardon which was issued in 1996. However, the KRT rejected this demand, but Ieng Sary’s co-defense lawyers is already appealing this decision.
លោក អៀង សារី តាមរយៈសហមេធាវីការពារក្តី គឺលោកមេធាវី អាងឧត្តម និងលោកមេធាវី Michael G. Karnavas បានស្នើសុំឲ្យអង្គជំនុំជម្រះសាលាដំបូងយាងនិងកោះអញ្ជើញ សម្តេចព្រះវររាជបិតា នរោត្តម សីហនុ លោកនាយករដ្ឋមន្ត្រី ហ៊ុនសែន ព្រះអង្គម្ចាស់ នរោត្តម រណឫទ្ធិ និងលោកជាស៊ីម ដើម្បីធ្វើជាសាក្សី និងផ្តល់សក្ខីកម្ម នៅក្នុងតុលាការខ្មែរក្រហម។ នោះគឺដើម្បីបញ្ជាក់ពីព្រះរាជក្រឹត្យលើកលែង និងអនុគ្រោះទោសសម្រាប់លោក អៀង សារី កាលពីឆ្នាំ១៩៩៦។ ជាការស្នើសុំដែលអង្គជំនុំជម្រះសាលាដំបូង របស់តុលាការខ្មែរក្រហម បានសម្រេចបដិសេធ។ តែសហមេធាវីការពាក្តីលោកអៀងសារី បានដាក់ពាក្យប្តឹងឧទ្ធរណ៍ ជំទាស់នៅកាន់តុលាការកំពូលរួចហើយ។
អតីតរដ្ឋមន្ត្រីការបរទេស ខ្មែរក្រហមលោក អៀង សារី តាមរយៈមេធាវីរបស់លោក បានស្នើសុំឲ្យអង្គជំនុំជម្រះសាលាដំបូង យាង និងកោះអញ្ជើញសម្តេចព្រះវររាជបិតា នរោត្តម សីហនុ, លោកនាយករដ្ឋមន្ត្រី ហ៊ុនសែន, ព្រះអង្គម្ចាស់ នរោត្តម រណឫទ្ធិ និងលោក ជា ស៊ីម ធ្វើជាសាក្សី ដែលត្រូវបានស្នើសុំ ដើម្បីផ្តល់សក្ខីកម្ម នៅពេលសវនាការ។
ការស្នើសុំដូច្នេះ ដោយសារលោក អៀង សារី ផ្អែកលើព្រះរាជក្រឹត្យលើកលែងទោស និងអនុគ្រោះទោស កាលពីឆ្នាំ១៩៩៦។ នោះគឺសម្តេចព្រះ នរោត្តម សីហនុ បានឡាយព្រហស្ថលេខា លើព្រះរាជក្រឹត្យលើកលែងទោស តាមការស្នើសុំពីអតីតសហនាយករដ្ឋមន្ត្រី ព្រះអង្គម្ចាស់ នរោត្តម រណឫទ្ធិ និងលោកនាយករដ្ឋមន្ត្រីហ៊ុនសែន។ ព្រះរាជក្រឹត្យលើកលែងទោសនោះ ក៏មានការយល់ព្រមពីរដ្ឋសភាដែលកាលណោះលោកជាស៊ីម ជាប្រធានរដ្ឋសភា។
ញត្តិដែលមាន ២២ ទំព័រ ជាភាសាខ្មែរ ចុះថ្ងៃទី៩ឧសភា ឆ្នាំ២០១១ និងត្រូវបានផ្សព្វផ្សាយនៅពេលនេះ បង្ហាញថា ក្រមនីតិវិធីព្រហ្មទណ្ឌកម្ពុជាបានតម្រូវឲ្យអង្គជំនុំជម្រះសាលាដំបូង អាចប្រើប្រាស់នគរបាលយុត្តិធម៌ ប្រសិនបើលោកនាយករដ្ឋមន្ត្រី ហ៊ុនសែន ព្រះអង្គម្ចាស់ នរោត្តម រណឫទ្ធិ និងលោក ជា ស៊ីម មិនប្រតិបត្តិតាមការកោះអញ្ជើញដែលបានចេញផ្ញើជូនពួកគាត់។
លើសពីនេះទៀត មេធាវីការពារលោកអៀងសារី ក៏បានលើកឡើងថា កិច្ចព្រមព្រៀងបង្កើតតុលាការខ្មែរក្រហម រដ្ឋាភិបាលកម្ពុជា ដែលរួមមាន លោកនាយករដ្ឋមន្ត្រី ហ៊ុនសែន និងលោកជាស៊ីម ត្រូវតែជួយតុលាការខ្មែរក្រហម ក្នុងករណីមានសំណើសុំជំនួយណាមួយ។ ក្នុងនោះ ពុំមានបញ្ញត្តិណាមួយ រារាំងអង្គជំនុំជម្រះសាលាដំបូង មិនឲ្យស្នើសុំសម្តេចព្រះវររាជបិតា នរោត្តម សីហនុ មិនឲ្យព្រះអង្គ ចូលធ្វើសក្ខីកម្មនោះឡើយ។
លោក នេត្រ ភក្ត្រា អ្នកនាំពាក្យសាលាក្តីខ្មែរក្រហម បានលើកឡើងថា អង្គជំនុំជម្រះសាលាដំបូង បានច្រានចោលការស្នើសុំរបស់លោកអៀងសារី និងបានបញ្ជាក់ថា ការជំនុំជម្រះក្តីនៅក្នុងឆ្នាំ១៩៧៩ លើលោកអៀងសារី គឺវាមិនរំខានដល់ការធ្វើការចោទប្រកាន់លោកអៀងសារី នៅតុលាការខ្មែរក្រហមទេ។ ចំណែកការលើកលែងទោស ក៏មិនមានអ្វីជះឥទ្ធិពល លើការជំនុំជម្រះក្តីនៅពេលនេះឡើយ។
ក្រោយពីការសម្រេចដូច្នេះ សហមេធាវីការពារក្តីរបស់លោក អៀង សារី បានដាក់ពាក្យបណ្តឹងជំទាស់ទៅកាន់តុលាការកំពូល។ តែការសម្រេចយ៉ាងណានោះ គឺមិនទាន់ដឹងនៅឡើយទេ។ កាលពីខែសីហា ឆ្នាំ១៩៧៩ លោក អៀង សារី ត្រូវបានកាត់ទោស និងផ្តន្ទាទោស កំបាំងមុខ ចំពោះការប្រព្រឹត្តឧក្រិដ្ឋកម្មប្រល័យពូជសាសន៍ ក្នុងរបបខ្មែរក្រហម។ សាលក្រមរបស់តុលាការប្រជាជនបដិវត្តក្រុងភ្នំពេញ បានផ្តន្ទាទោសប្រហារជីវិត លោក អៀង សារី និងបានរឹបអូសទ្រព្យសម្បត្តិទាំងអស់របស់គាត់។
ជាការកត់សម្គាល់ការផ្សព្វផ្សាយពីញត្តិរបស់លោកអៀងសារី នៅពេលនេះ បានធ្វើឡើង ខណៈដែលសំណុំរឿង០០២ ដែលរួមមាន៖ លោក នួនជា លោកខៀវសំផន លោកអៀងសារី និងលោកស្រី អៀងធីរិទ្ធ នឹងត្រូវអង្គជំនុំជម្រះសាលាដំបូង របស់តុលាការខ្មែរក្រហម បើកសវនាការជំនុំជម្រះលើអង្គសេចក្តី ចាប់ពីថ្ងៃទី២១វិច្ឆិកា ឆ្នាំ២០១១៕
8 comments:
do ma ahn tah Youn laws not international laws!!! choy duck euuuy!!!
That is the way to go,tarted business together,while profit only Hun Sen SiHaknuk ,Jea Sim &Norith got to walk away free? Come on dumber acting SMART?
it's a trick when they tried to get other official involved, then it wouldn't be independent court. i thought they want gov't to stay out of their business, why they then think about getting some official involved? that's so ironic in a way, you know!
when we learn to think and analyze for ourselves, we can avoid misfortune, fear, etc in life, you know!
No comment.
you know!
really!
ok!
etc!
Keep going guys!! Get those murderers to testify, later on, when the CPP are not in power, we can use those evidence against them!
To find justice for the victim of genocide between 1975-1979 we need an independent court to do their job.
So first things first :
1. Does this ECCC independent?
2. why it is not independent?
3. Why Hun Sen and CPP keep interfering this ECCC?
4. The real and sole reasons that Hun Sen and CPP keep intering this court so ECCC can not go on full and opne public hearing of Case 002?
5. Why Hun Sen and CPP do not want to see and hear the Case 002 go on full and open hearing?
6. Because Hun Sen and Hanoi have been afraid of Case 002 speaking out.
So the main duties of this ECCC are:
1. Arrested.
2. Detained.
3. No full and open public hearing.
of Case 002.
4. Declair lives sentences of
every single one in Case 002.
5. Declair justice has done and close ECCC.
ត្រូវតែ អូស-ក ស៊ីហនុ អោយទៅបំភ្លឺ នៅតុលាការ ចំពោះទង្វើរ ក្បត់ជាតិរបស់ខ្លួន
Post a Comment