ដែក​​ ជោរ ច្រណែនក្រេវក្រោធ នឹងយុទ្ធសាស្ត្ររបស់គណបក្សប្រឆាំង

ល្បង សែន ខឹងដាច់ក្បាលដាច់កន្ទុយ!

ក្រុមសិទ្ធិមនុស្ស ត្រូវតែមានយោបល់ ពី ការគំរាមកំហែង របស់ មេបក្សប្រឆាំង ជ ទៅ កាន់កូនចៅ

Wednesday, 28 December 2011
ដោយ ៖ ស៊ន សុភក្ដ្រ
DAP-New

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានផ្ញើសារមួយ ទៅកាន់ក្រុម សិទ្ធិមនុស្ស ទាំងឡាយ ដែល តែងតែរិះគន់ឥតសំចីមាត់ដល់រដ្នាភិបាលនោះ ត្រូវមាន យោបល់ និង ចេញសេចក្ដីថ្លែងការណ៍ថ្កោល ទោស ឬប្រឆាំងទៅ នឹងការគំរាមកំហែង របស់ថ្នាក់ ដឹកនាំ គណបក្សប្រឆាំង ដែលបិទ សិទ្ធិសេរីភាពបញ្ចេញមតិ ចំពោះ សមាជិក សមា ជិកា គណ បក្ស របស់ខ្លួនសម្រាប់ការ ចូលរួមបោះឆ្នោតសមាជិកព្រឹទ្ធសភា នាពេល ខាងមុខនេះ ។

ប្រមុខនៃរាជរដ្ឋាភិបាល ក៏បានផ្ដាំផ្ញើទៅ កាន់សមាជិក-សមាជិកា បក្សប្រឆាំងនៅ តាមបណ្ដាខេត្ដថា តើគួរបន្ដ បោះ ឆ្នោតឱ្យ គណបក្សរបស់ខ្លួនទៀត ឬយ៉ាងណា នៅ ពេលដែលមេបក្សរបស់ខ្លួន បានគាបសង្កត់ ឱ្យស្បថ និងដកហូតទូរស័ព្ទ មុនពេលចូល ទៅបោះឆ្នោត ។


សូមបញ្ជាក់ថា បណ្ដាញប្រជាជនកម្ពុជា ដើម្បីសន្ដិភាព ដែលមានសមាជិកជាអង្គការ មិនមែនរដ្ឋាភិបាល សមា គម និងសហជីព នៅកម្ពុជាចំនួន ១៩៩ បានលើកឡើងថា សមាជិកក្រុមប្រឹក្សាឃុំ-សង្កាត់ របស់គណ បក្សសម រង្ស៊ី អាចនឹងត្រូវគំរាមកំហែងបង្ខំ ឱ្យស្បថត្រូវតែបោះឆ្នោត ឱ្យគណបក្សសម រង្ស៊ី ហើយព្រមានដកទូរ ស័ព្ទ នៅ ថ្ងៃទី២៨ ខែមករា ឆ្នាំ២០១២ មុនការបោះឆ្នោតព្រឹទ្ធ សភា ។ បណ្ដាញប្រជាជនតាមរយៈសេចក្ដី ថ្លែង ការណ៍ របស់ខ្លួនបានបន្ដថា កាលពីពេល កន្លងទៅថ្មីៗនេះ មេដឹកនាំគណបក្សប្រឆាំង លោក សម រង្ស៊ី បានបញ្ជាក់ តាម ទូរស័ព្ទពី ក្រៅប្រទេសយ៉ាងដាច់អហង្ការ តម្រូវឱ្យ សមាជិក-សមាជិការបស់ខ្លួនទាំងអស់ ត្រូវ តែស្បថស្បែថា បោះឆ្នោតឱ្យគណបក្សនឹង ត្រូវដកហូតទូរស័ព្ទ មុនពេលចូលទៅបោះ ឆ្នោត ។

នៅក្នុងពិធីប្រគល់សញ្ញាបត្រជ័យលាភី ដល់និស្សិតវិទ្យាស្ថានវ៉ាន់ដា គណនេយ្យ នៅព្រឹកថ្ងៃទី២៨ ខែធ្នូ ឆ្នាំ២០១១ នេះ សម្ដេចនាយករដ្ឋមន្ដ្រី ហ៊ុន សែន បាន ពិពណ៌នាថា សមាជិក-សមាជិកា ក្រុមប្រឹក្សា ឃុំ-សង្កាត់ របស់គណ បក្សសម រង្ស៊ី ដូច ជាប់គុកឥតជញ្ជាំង នៅពេលដែលមេដឹកនាំ របស់ខ្លួនបង្ខំឱ្យស្បថ និងដកហូតទូរស័ព្ទ ដូច្នេះ តើសមាជិក-សមាជិកាទាំងនោះនៅ បន្ដបោះឆ្នោតគាំទ្រទៀត ឬមួយយ៉ាងណា។ សម្ដេចនាយករដ្ឋមន្ដ្រី ក៏បាន អំពាវនាវឱ្យ ក្រុមអង្គការសិទ្ធិមនុស្ស ត្រូវមានយោបល់ និងចេញសេចក្ដីថ្លែងការណ៍ ជុំវិញបញ្ហាទាំង អស់នេះ ។

តំណាងរាស្ដ្រ គណបក្សប្រឆាំងមណ្ឌល ព្រៃវែង លោក ជា ប៉ូច បានចាត់ទុកថា ការ លើកឡើងរបស់សម្ដេច នា យករដ្ឋមន្ដ្រី គ្រាន់ តែជាការលើកឡើងលក្ខណៈបុគ្គល តែ ប៉ុណ្ណោះ ។ លោក ជា ប៉ូច បានប្រាប់មជ្ឈ មណ្ឌលព័ត៌ មានដើមអម្ពិល តាមទូរស័ព្ទនៅ ព្រឹកថ្ងៃទី២៨ ខែធ្នូ ថា “នេះគឺជាកិច្ចការផ្ទៃ ក្នុងរបស់ គណ បក្សសម រង្ស៊ី ហើយ បក្ស នីមួយៗមានយុទ្ធសាស្ដ្រនយោបាយ រៀងៗ ខ្លួន ”។

តំណាងរាស្ដ្ររូបនេះ បន្ដអំពាវនាវដល់ សកម្មជនទាំងអស់របស់ខ្លួន គាំទ្រគណបក្ស សម រង្ស៊ី និងដើរតាមបន្ទាត់ នយោបាយ គណបក្ស ។
ជុំវិញព័ត៌មានដែលលើកឡើងថា ប្រធាន គណបក្សប្រឆាំងបានគំរាមកំហែង ឱ្យសមា ជិក-សមាជិការបស់ខ្លួន ស្បថ និងព្រមានដក ហូតទូរស័ព្ទនេះ អង្គការសិទ្ធិមនុស្សអាដហុក នៅកម្ពុជាបានចាត់ទុកថា ជាទង្វើខុសឆ្គង ជាខ្លាំង ដែលជាការរំលោភសិទ្ធិបុគ្គល ។

ប្រធានក្រុមមន្ដ្រីស៊ើបអង្កេត នៃសមា គមសិទ្ធិមនុស្សអាដហុក លោក ចាន់ សុវ៉េត បានថ្លែងថា ប្រសិនបើគណ បក្សប្រឆាំងធ្វើ បែបនេះ ដូចតាមសេចក្ដីរាយការណ៍មែន នោះ អង្គការរបស់លោកមិនគាំទ្រឡើយ ហើយចាត់ ទុកថា ជាការរំលោភសិទ្ធិបុគ្គល និងរំលោភលើសិទ្ធិនៃការសម្រេចចិត្ដ ។ តែ ទោះជាយ៉ាងណា ប្រធានក្រុមស៊ើប អង្កេត អង្គការសិទ្ធិមនុស្សរូបនេះ បានបញ្ជាក់ថា កន្លងទៅពុំទាន់មានពាក្យបណ្ដឹង ពីសំណាក់ សមាជិក-សមា ជិកា បក្សប្រឆាំងនៅឡើយ ទេ ជុំវិញបញ្ហានេះ គ្រាន់តែជាសេចក្ដីរាយ ការណ៍ និងព័ត៌មានតែប៉ុណ្ណោះ ។

សម្ដេចនាយករដ្ឋមន្ដ្រី ហ៊ុន សែន ក៏បាន លើកឡើងថា ថ្នាក់ដឹកនាំគណបក្សប្រឆាំង តែងតែលាបពណ៌ដល់មន្ដ្រី និងសមាជិក ថ្នាក់ក្រោមរបស់ខ្លួន និងធ្វើការចោទប្រកាន់ ថា លក់ក្បាលឱ្យគណបក្សកាន់អំណាច ។ សម្ដេចតេជោបានបញ្ជាក់ថា “ខ្ញុំសោកស្ដាយ ណាស់ ដែលសមាជិក-សមាជិកា ក្លាយជា ទំនិញ ”៕