Thursday, January 05, 2012

អ្នកបុរីកី​ឡា២០០គ្រួសា​រត្រូវបានជ​ម្លៀសទៅទីតាំ​ងថ្មីខណៈខ្​លះទៀតនាំចូ​លតុលាការ

 ផ្ទះ​អ្នក​ភូមិ​បុរី​កីឡា ឥឡូវ​នេះ​មើល​ទៅ​​នៅ​​សល់​សុទ្ធ​​តែ​​កម្ទេច​កម្ទី​រាប​ដល់​​ដី​។ កាល​ពី​​ថ្ងៃ​​អង្គារ​ អ្នកភូមិ​បុរីកីឡា បាន​ប៉ះ​ទង្គិច​ជាមួយ​​សមត្ថ​កិច្ច​​នៅ​​ពេល​​ដែល​​សមត្ថ​កិច្ច​​ ចាប់​ផ្តើម​​ឈូស​​កម្ទេច​​ផ្ទះ​របស់​​ពួក​គេ​​​។ រូបថត ហេង ជីវ័ន​​
លោក វ៉ា ពន្លក កង​ទ័ព​​នៅ​​ព្រះ​វិហារ​​មក​​រៀប​ការ​ចំថ្ងៃ​គេ​រុះ​រើ​។ រូបថត ចរិយា
ក្មេង​ៗ​​កូន​​អ្នក​​ភូមិ​​បុរី​កីឡា​ពី​​ម្សិល​មិញ​ ក្រោយ​​ពី​​រុះ​រើ​​ផ្ទះ​​។ រូបថត ជីវ័ន
តំណាង​រាស្ត្រ​បក្ស​​ប្រឆាំង​​​ជួប​​ជា​មួយ​​ប្រជា​ជន​​ម្សិល​មិញ​​។ រូបថត ជី​វ័ន
ប៉េអឹម​កំពុង​រុះរើ​ផ្ទះ​ខណៈ​ពេល​ដែល​ពលរដ្ឋ​កំពុង​កើត​ទុក្ខព្រួយ​ពី​ជោគ​វាសនា​អនាគត។ រូបថត Will Baxter
កូន​​អ្នក​​បុរី​​កីឡា ពេល​​ជម្លៀស​​ដល់​​ទួល​​សំបួរ​។ រូបថត លី​ណា
 ស្រ្តី​កូន​ខ្ចី​ដើរ​​សម្លឹង​​មើល​​របស់​​រប​​​របាត់​បង់​​។ រូបថត ជីវ័ន
អ្នក​​ភូមិ​​ជាប់​​ចោទ​​​ត្រូវ​ដាក់​ខ្នោះ​នាំ​ទៅ​សួរ​នៅ​តុលាការ​។ រូបថត​ មិនា
អ្នក​​ភូមិ​​ចុះ​​ពី​​ឡាន​ ពេល​​ដឹក​​ដល់​ភូមិ​​ទួល​​សំបួរ​។ រូបថត លីណា
កុមារា-កុមារី ​ពី​ម្សិលមិញ​​ ឈរ​នៅ​​ពី​​មុខ​គំនរ​ផ្ទះ​​របស់​ពួកគេ​ដែល​ត្រូវ​បាន​កម្ទេច។ ចរិយា
ស្ត្រី ​​ចំណាស់​​អ្នក​​ភូមិ​​បុរី​កីឡា យួ​រ​អីវ៉ា​ន់​ឡើង​​ឡាន​​ទាំង​​​ក្តី​​អស់​​សង្ឃឹម ​ដោយ​​សារ​​សមត្ថ​កិច្ច​​បង្ខំ​។ រូបថត ហេង ជីវ័ន


Thursday, 05 January 2012
ឃុត សុភចរិយា និង គឹម យុទ្ធណា
The Phnom Penh Post

ភ្នំពេញៈ ក្រុមហ៊ុន​ផានអ៊ីម៉ិច និង​កង​កម្លាំង​សមត្ថកិច្ច​ចម្រុះ បាន​ជម្លៀស​ប្រជាពល​រដ្ឋ​ក្នុង​សហគមន៍​បុរី​កីឡា​ជាង​ ២០០ ​គ្រួសារ​ ទៅ​កាន់​ភូមិ​ទួលសំបួរ នៅ​ជាយ​ក្រុង​ភ្នំពេញ និង​ភូមិ​ភ្នំបាត​ ក្នុង​ស្រុក​ពញាឮ ​ខេត្ត​កណ្ដាល កាល​ពី​ម្សិលមិញ មួយ​ថ្ងៃ​បន្ទាប់​ពី​ការ​ឈូស​ឆាយ​វាយ​កម្ទេច​ផ្ទះ​អ្នក​ភូមិ ដែល​បណ្តាល​ឲ្យ​កើត​មាន​អំពើ​ហិង្សា យ៉ាង​ខ្លាំង​ក្លា បណ្តាល​ឲ្យ​រង​របួស​ទាំង​សមត្ថកិច្ច ទាំង​អ្នក​ភូមិ។

រថយន្ត​ដឹក​ទំនិញ​ជាង​ ១០​ គ្រឿង​ ត្រូវ​បាន​គេ​រៀប​ចំ​ជា​ស្រេច កាល​ពី​ព្រឹក​ព្រលឹម​ម្សិលមិញ ជាមួយ​នឹង​ក្រុម​កម្មករ​របស់​ក្រុមហ៊ុន​ជាង ១០០​ នាក់​ រួម​ទាំង​កម្លាំង​សនិ្តសុខ និង​កង​កម្លាំង​សមត្ថកិច្ច​ចម្រុះ​រាជធានី​ភ្នំពេញ​ សរុប​ប្រមាណ​ជាង ​៣០០​ នាក់ បាន​នាំ​គ្នា​លើក​អីវ៉ាន់ អ្នក​ភូមិ បោះ​ចូល​ក្នុង​រថយន្ត ដើម្បី​បង្ខំ​ឲ្យ​ម្ចាស់​ទ្រព្យ​ទាំង​នោះ​ចេញ​ទៅ​កាន់​ទី​តាំង​ថ្មី​ ដែល​អ្នក​ភូមិ​មិន​ចង់​ទៅ​។

គ្រឿង​ចក្រ​ បាន​ឈូស​កាក​សំណល់​នៃ​ផ្ទះ​បាក់​បែក ដែល​នៅ​សេស​សល់​ពី​ការ​ឈូស​កម្ទេច​កាល​ពី​ម្សិលម្ង៉ៃ សម្រែក​ក្មេង​យំ​រក​ឪពុកម្ដាយ​ ដែល​តាម​រក​មើល​អីវ៉ាន់​របស់​ខ្លួន ដែល​គេ​អូស​ទីណាត់​ទីណែង​​យក​ទៅ​ដាក់​ឡាន លាយ​ឡំ​នឹង​សំឡេង​ស្រែក​តវ៉ា​ជម្នះ​មិន​ព្រម​ចាក​ចេញ​របស់​អ្នក​ភូមិ​មួយ​ ចំនួន​ បាន​ធ្វើ​ឲ្យ​គេ​នឹក​ស្រមៃ​ទៅ​ដល់​ព្រឹត្តិការណ៍​ថ្ងៃ ១៧ មេសា ឆ្នាំ​ ១៩៧៥ ដែល​កង​ទ័ព​ស្លៀក​ខ្មៅ​ពាក់​ខ្មៅ របស់​ខ្មែរ​ក្រហម​ បាន​ចាប់​ផ្តើម​បណ្តេញ​ប្រជា​ពល​រដ្ឋ​ចេញ​ពី​ទីក្រុង​។


នៅ​ក្បែរ​គ្រែចាស់​ ដែល​មាន​នៅ​សេស​សល់​របស់​របរ​កំប៉ិក​កំប៉ុក ក្នុង​តំបន់​បុរី​កីឡា ជាទី​ដែល​មាន​ការ​ឈូស​ឆាយ​កម្ទេច​ផ្ទះ​រាប់​រយ​ខ្នង​នោះ អ្នក​ស្រី ពុំ សាម៉ីឌី អាយុ​ ៣១ ​ឆ្នាំ បាន​ប្រាប់​ភ្នំពេញ​ប៉ុស្តិ៍​ថា គ្រួសារ​របស់​គាត់​ នឹង​មិន​ចាក​ចេញ​ទៅ​ទី​ណា​ឡើយ បើ​ទោះ​ជា​អាជ្ញាធរ ​មក​ចាប់​បង្ខំ​ក្តី។ អ្នក​ស្រី​ថ្លែង​ថា៖«យើង​ស៊ូទ្រាំ​នៅ​ទី​នេះ [បុរីកីឡា] ដើម្បី​ទាម​ទារ​សំណង​ជា​ផ្ទះ​ល្វែង​មួយ​ល្វែង​ពី​ក្រុម​ហ៊ុន​ផានអ៊ីម៉ិច​ឲ្យ​ ខាន​តែ​បាន ព្រោះ​យើង​មាន​ឯក​សារ​គ្រប់គ្រាន់ ដើម្បី​បញ្ជាក់​ថា​ យើង​មិនមែន​ជា​ប្រជាជន ក្លែង​បន្លំ នោះ​ទេ»។

លោក​យឹម សុវណ្ណ តំណាង​រាស្ត្រ​ និង​ជា​អ្នក​នាំ​ពាក្យ​គណ បក្ស​សម រង្ស៊ី ដែល​បាន​ចុះ​ទៅ​ពិនិត្យ​ពី​ស្ថាន​ភាព​ប្រជា​ពលរដ្ឋ​ក្នុង​តំបន់​បុរីកីឡា ជា​មួយ​លោក​ស្រី​មូរ សុខ​ហួរ និង​អ្នក​តំណាង​រាស្ត្រ​ផ្សេង​ទៀត របស់​គណបក្ស​នេះ បាន​ស្តី​បន្ទោស ​ទៅ​លើ​ទង្វើ​របស់​ក្រុម​ហ៊ុន​ស៊ុយ​សុផាន និង​អាជ្ញាធរ​រាជធានី​ភ្នំពេញ​ថា​ជា​អំពើ​«អមនុស្ស​ធម៌»។

លោក​យឹម សុវណ្ណ ​បាន​បន្ថែម​ថា នៅ​ប្រទេស​កុម្មុយ​នីស្តចិន និង​វៀត​ណាម ប្រជាពល​រដ្ឋ​របស់​ពួក​គេ ដែល​ស្ថិត​ក្នុង​តំបន់​អភិវឌ្ឍន៍​មាន​ការ​រីករាយ​សប្បាយ​ចិត្ត​ជា​ខ្លាំង​ ព្រោះ​ពួក​គេ​ទទួល​បាន​ផល​ពី​ការ​អភិវឌ្ឍ​ទាំង​នោះ​យ៉ាង​ពិត​ប្រាកដ​ ហើយ​គ្មាន​នរណា​ម្នាក់ ត្រូវ​បណ្ដេញ​ចេញ​នោះ​ទេ។ ប៉ុន្តែ​ នៅ​កម្ពុជា​ ទី​ណា​មាន​ការ​អភិវឌ្ឍ ទី​នោះ​មាន​ទឹក​ភ្នែក​រាស្ត្រ​យំ​ស្រែក​កាន់​តែ​ខ្លាំង។ ​

ទោះ​ជា​យ៉ាង​ណា លោក​យឹម​សុវណ្ណ បាន​អំពាវ​នាវ​ដល់​ប្រជា​ពលរដ្ឋ ​កុំ​ប្រើ​អំពើ​ហិង្សា​តបត ទៅ​នឹង​អាជ្ញាធរ​សាធារណៈ បើ​ទោះ​ជាពួកគេ​ ប្រើ​អំពើ​រំលោភ​ច្បាប់​ និង​សិទ្ធិ​ពល​រដ្ឋ​ក្ដី។ លោក​ថ្លែង​ថា៖«បើ​ពួក​គេ​[អាជ្ញាធរ និង​ក្រុម​ហ៊ុន]​ឆ្កួត យើង​មិន​ត្រូវ​ឆ្កួត​តាម​គេ​ទេ»។

ដោយ​ក្ដី​បារម្ភពី​ប្រជាពលរដ្ឋ ដែល​ប្រឈម​និង​ការ​បណ្ដេញ​ចេញ​ដោយ​បង្ខំ លោក​ស្រី​មូរ សុខហួរ តំណាង​រាស្ត្រ​គណបក្ស​សម​រង្ស៊ី​ បាន​សម្រេច​ចិត្ត​ នៅ​ជា​មួយ​ប្រជាពល​រដ្ឋ​ទាំង​នេះហើយ​បាន​ព្យាយាម​ទំនាក់​ទំនង​សុំ​ជួប អ្នក​ស្រី​ស៊ុយ សុផាន​ ប្រធាន​ក្រុម​ហ៊ុន​ផានអ៊ីម៉ិច ដើម្បី​រក​ផ្លូវ​ចរចា​ដោះស្រាយ ប៉ុន្តែ​ត្រូវ​បាន​បរាជ័យ។

ជា​មួយ​គ្នា​នេះ​ដែរ គណ​បក្ស​សិទ្ធិ​មនុស្ស កាល​ពី​ម្សិលមិញ បាន​ចេញ​សេចក្តី​ថ្លែង​ការណ៍​មួយ ដោយ​ធ្វើ​ការ​ថ្កោល​ទោស​យ៉ាង​ខ្លាំង​ក្លា​ចំពោះ​រដ្ឋាភិបាល​។ សេចក្តី​ថ្លែង​ការណ៍ និយាយ​ថា ការ​ប៉ះ​ទង្គិច​គ្នា​នៅ​បុរី​កីឡា គឺ​បាន​បង្ក​ឡើង​ដោយ​កង​កម្លាំង​ប្រដាប់​អាវុធ​របស់​រដ្ឋាភិបាល ក្នុង​ការ​បង្រ្កាប​«យ៉ាង​ឃោរ​ឃៅ» ទៅ​លើ​ការ​តវ៉ា ទាម​ទារ​រក​យុត្តិធម៌​របស់​ប្រជា​ពល​រដ្ឋ។ គណ​បក្ស​សិទ្ធិ​មនុស្ស​បន្ត​ថា ទំនាស់​ដី​ធ្លី រវាង​ប្រជា​ពល​រដ្ឋ នៅ​ក្នុង​សហគមន៍​បុរី​កីឡា និង​ក្រុម​ហ៊ុន​ផានអ៊ីម៉ិច បាន​កើត​ឡើង​ជាង​មួយ​ទសវត្សរ៍​មក​ហើយ «ប៉ុន្តែ​អា​ស្រ័យ​ដោយ​អសមត្ថភាព​ ឬ​ខ្វះ​ឆន្ទៈ​ក្នុង​ការ​រក​ដំណោះស្រាយ របស់​រដ្ឋាភិបាល​បច្ចុប្បន្ន ទើប​បណ្តាល​ឲ្យ​មាន​អំពើ​ហិង្សា​កើត​ឡើង​ជា​បន្ត​បន្ទាប់​»។ សេចក្តី​ថ្លែង​ការណ៍​បញ្ជាក់​ថា«គណបក្ស​សិទ្ធិ​មនុស្ស គ្មាន​ជំនឿ​លើ​រដ្ឋាភិបាល ដឹក​នាំ​ដោយ​គណបក្ស​ប្រជាជន​កម្ពុជា ដែល​ដឹក​នាំ​ដ៏​យូរ​លង់​នោះ ថា​អាច​ដោះស្រាយ​បញ្ហា​ជម្លោះ​ដី​ធ្លី ផ្ទះ​សំបែង និង​ស្វែង​រក​យុត្តិធម៌​ជូន​ប្រជា​ពលរដ្ឋ​ក្រី​ក្រ​ទន់​ខ្សោយ​បាន​ឡើយ»។ គណ​បក្ស​សិទ្ធិ​មនុស្ស បាន​បញ្ជាក់​ក្នុង​ន័យ​ជា​សារ​នយោបាយ​ថា«​ដើម្បី​ដោះ​ស្រាយ​បញ្ហា​ទាំង​នោះ ដែល​រាល​ដាល​ទូ​ទាំង​ប្រទេស រក​ទី​បញ្ចប់​មិន​ឃើញ​សោះ​នោះ គឺ​ប្រជា​ពល​រដ្ឋ​ខ្មែរ មាន​តែ​ជម្រើស​ចុង​ក្រោយ គឺ​ផ្លាស់​ប្តូរ​មេ​ដឹក​នាំ​បច្ចុប្បន្ន តាម​គោល​ការណ៍​ប្រជា​ធិបតេយ្យ»។

កាល​ពី​ម្សិលមិញ អ្នក​ភូមិ​មួយ​ចំនួន ដែល​ភ័យ​ខ្លាច​ ការ​គំរាម​កំហែង ពី​កម្លាំង​សមត្ថកិច្ច​ បាន​នាំ​គ្នា​សម្រេច​ចិត្ត​ទៅ​កាន់​ភូមិ​ទួល​សំបួរ និង​ខ្លះ​ទៀត​ទៅ​ភូមិ​ភ្នំបាត​ទាំង​បង្ខំ​។ អ្នក​ស្រី​ពៅ ណារី អាយុ​ ៤៣​ ឆ្នាំ បាន​ប្រាប់​ភ្នំពេញ​ប៉ុស្តិ៍ ថា គាត់​បាន​សម្រេច​ចិត្ត ​ទៅ​នៅ​ភូមិ​ភ្នំ​បាត ដើម្បី​កសាង​ជីវភាព​ថ្មី​នៅ​ទី​នោះ​ឡើង​វិញ។ អ្នក​ស្រី​ថ្លែង​ថា៖«ខ្ញុំ​គ្មាន​ជម្រើស​ទេ ព្រោះ​ផ្ទះ​របស់​ខ្ញុំ​នៅ​ទី​នេះ ត្រូវ​គេ​ឈូស​កំទិច​អស់​ហើយ។ ខ្ញុំ​គិត​ថា ​ខ្ញុំនឹង​ចាកចេញ​ទៅ​ភ្នំបាត ដើម្បី​កសាង​ជីវភាព​ថ្មី ប៉ុន្តែ​អ្វី​ដែល​ខ្ញុំ​បារម្ភ គឺ​ខ្លាច​ក្រុម​ហ៊ុន ​និង​អាជ្ញាធរ ​មិន​ផ្ដល់​កម្មសិទ្ធិ​ដល់​ពួក​យើង»។

បុគ្គលិក​ក្រុម​ហ៊ុន​ផានអ៊ីម៉ិច អ្នកស្រី ភន មួយ បាន​អះអាង​ថា ប្រជា​ពលរដ្ឋ ​ដែល​យល់​ព្រម​ចាក​ចេញ​ទៅ​កាន់​ភូមិ​ទួលសំបួរ សង្កាត់​ព្រៃវែង​ ខណ្ឌ​ដង្កោ ក្រុមហ៊ុន និង​ឧបត្ថម្ភ​ក្នុង​មួយ​គ្រួសារ ជា​អង្ករ ៥០ គីឡូក្រាម លុយ​ពី ៥០ ម៉ឺន​ទៅ​មួយ​លាន​រៀល តាម​គ្រួសារ​តូច​ធំ និង​ផ្ទះ​ទំហំ ៣,៥ ម៉ែត្រ គុណ ៥,៥ ​ម៉ែត្រ ហើយ​អ្នក​ដែល​ទៅ​ភូមិ​ភ្នំបាត ស្រុក​ពញាឮ ខេត្ត​កណ្ដាល ក្នុង​មួយ​គ្រួសារ ​និង​ទទួល​បាន​ស័ង្កសី​ចំនួន​១០​សន្លឹក​ សរសរ​ឈើ​បួន​ដើម អង្ករ​ ៥០​ គីឡូក្រាម និង​ដី​ទំហំ ៥ ម៉ែត្រ គុណ ១២ ​ម៉ែត្រ។ អ្នក​ស្រី​បាន​បន្ត​ថា៖«ក្រុម​ហ៊ុន​ នឹង​ផ្ដល់​កម្មសិទ្ធិ​ដល់​ពួក​គេ​ទាំង​អស់​គ្នា ដើម្បី​ជា​ប្រយោជន៍ ​សម្រាប់​ពួក​គេ​ទៅ​ថ្ងៃ​អនាគត»។

ប៉ុន្តែ​អ្នក​ស្រី​នួន ភ័ណ្ឌ អាយុ​ ៣៤ ​ឆ្នាំ​ ដែល​ទើប​ត្រូវ​បាន​ក្រុម​ហ៊ុន​ផានអ៊ីម៉ិច ជម្លៀស​ចេញ​ពី​តំបន់​បុរី​កីឡា កាលពី​ម្សិលមិញ​ទៅ​កាន់​ភូមិ​ទួល​សំបួរ បាន​ប្រាប់​ភ្នំពេញ​ប៉ុស្តិ៍​ថា គាត់​ទទួល​បាន​អង្ករ​ ៣០ ​គីឡូក្រាម និង​លុយ​ ១០០ ដុល្លារ​ប៉ុណ្ណោះ មិន​ដូច​អ្វី​ដែល​ភាគី​ក្រុម​ហ៊ុន​បាន​អះអាង​ទេ។

អ្នក​ស្រី​បាន​ប្រាប់​ឲ្យ​ដឹង​ថា នៅទី​នោះ គេ​មិន​ទាន់​បាន​សង់​ផ្ទះ​ឲ្យ​ពួក​គាត់​ទេ ពួក​គាត់​ត្រូវ​បាន​គេ​ដាក់​ចោល​នៅ​ក្នុងដី​ទំនេរ​មួយ​កន្លែង ក្បែរ​សំណង់​ផ្ទះ​អ្នក​ដែល​ត្រូវ​បាន​គេ​ជម្លៀស​ទៅ​កាល​ចុង​ឆ្នាំ​ ២០១១។ អ្នក​ស្រី​បន្ត​ថា៖«ឥឡូវ​នេះ ​គេ​ឲ្យ​ពួក​យើង​ខ្ញុំ​សង់​តង់​រស់​នៅ​លើ​ដីថ្មី​នេះ​ជា​បណ្ដោះ​អាសន្ន​ទៀត​ ហើយ...​ពួក​យើង​ខ្ញុំ​ទាំង​អស់​គ្នា​ មាន​ក្ដី​បារម្ភ​ខ្លាំង​ណាស់»​។

នៅ​វេលា​ម៉ោង ៤:៣០​ នាទី​ល្ងាច ម្សិល​មិញ គ្រឿ​ចក្រ​ចំនួន​ ៧​ គ្រឿង ​ត្រូវ​បាន​គេ​បញ្ជូន​មក​ធ្វើ​ការ​ឈូស​សម្អាត​ទី​តាំង​លំនៅ​ដ្ឋាន​របស់​ អ្នក​ភូមិ​បុរី​កីឡា​ ជា​ទី​ដែល​មាន​មនុស្ស​ប្រមាណ​ ៧០ ​នាក់ បាន​រង​របួស​ ដោយ​សា​ការ​បង្ក្រាប​ដ៏​ហិង្សា ពី​កម្លាំង​សមត្ថ​កិច្ច និង​អ្នក​ភូមិ​ចំនួន ​៨ នាក់​ ត្រូវ​បាន​គេ​ចាប់​ខ្លួន​ បញ្ជូន​ទៅ​តុលាការ​រាជ​ធានី​ភ្នំពេញ​ ក្រោយ​ពី​ពួក​គាត់​ ចេញ​មុខ​ប្រឆាំង​នឹង​ការ​បណ្ដេញ​ចេញ កាល​ពី​ថ្ងៃ​អង្គារ។ ជា​មួយ​គ្នា​នោះ ក្រុម​អ្នក​ភូមិ​ប្រមាណ ​១០០ នាក់ ដែល​ជំនះ​មិន​ព្រម​ចាក​ចេញ បាន​នាំ​គ្នា​ធ្វើ​ដំណើរ​ទៅ​កាន់​ស្ថាន​ទូត​អាមេរិក ដើម្បី​ស្នើសុំ​កិច្ច​អន្តរាគមន៍​ពី​លោក ​William E. Todd ឯក​អគ្គរដ្ឋ​ទូត​អាមេរិក​ប្រចាំ​កម្ពុជា។ ជា​មួយ​គ្នា​នោះ​ អាជ្ញាធរ​ខណ្ឌ​ដូន​ពេញ​ បាន​ស្នើ​ឲ្យ​អ្នក​ភូមិ​ត្រឡប់​ទៅ​វិញ តែ​អ្នក​ភូមិ​បាន​បដិសេធ​ដោយ​និយាយ​ថា​ ពួក​គាត់​«គ្មាន​ផ្ទះ​ដែល​ត្រូវ​ទៅ​ទេ ព្រោះ​ផ្ទះ​ត្រូវ​គេ​ឈូស​កម្ទេច​​អស់​ហើយ»។

ដោយ​ឡែក​នៅ​ឯ​សាលា​ដំបូង​រាជ​ធានី​ភ្នំ​ពេញ អ្នក​ភូមិ​ចំនួន ​៨ នាក់ ត្រូវ​បាន​តុលា​ការ​ធ្វើ​ការ​សាក​សួរ តាម​បណ្ដឹង​ចោទ​ប្រកាន់​ ពី​អាជ្ញាធរ​រាជធានី ពី​បទ​បង្ក​របួស​ស្នាម និង​បទ​ប្រើ​ហឹង្សា ​ប្រឆាំង​អាជ្ញាធរ​សារធារណៈ។

លោក ជិន លិដា មេធាវី​មក​ពី​អង្គការ​លីកាដូ ដែល​ការពារ​អ្នក​ភូមិ​ទាំង​ ៨ នាក់​ បាន​ប្រាប់​ភ្នំពេញប៉ុស្តិ៍​ថា តុលាការ​ កាល​ពី​ម្សិលមិញ ទើប​តែ​សាក​សួរ​ចប់​ កូន​ក្ដី​របស់​គាត់​ម្នាក់​ប៉ុណ្ណោះ។

លោក​បាន​ឲ្យ​ដឹង​ថា ពួក​គេ ត្រូវ​បា​ន​តុលាការ​ បញ្ជា​ឲ្យ​នគរ​បាល​យុត្តិធម៌​ បញ្ជូន​ខ្លួន​ទៅ​ស្នងការ​ដ្ឋាន​នគរបាល​រាជធានី​វិញ​រង់​ចាំការ​សាក​សួរ​នៅ ​ថ្ងៃ​នេះ​ជា​បន្ត​ទៀត​។

លោក ជិន លិដា ថ្លែង​ថា៖«​ទោះ​ជា​បែប​ណា​ក្តី ខ្ញុំ​បាន​ស្នើសុំ​តុលា​ការ មេត្តា​ដោះ​លែង​កូន​ក្តី​របស់​ខ្ញុំ​ទាំង​អស់​ ឲ្យ​នៅ​ក្រៅ​ឃុំ ដោយ​ដាក់​ពួក​គាត់​ ឲ្យ​ស្ថិត​ក្រោម​ការ​ត្រួត​ពិនិត្យ​តាម​ផ្លូវ​តុលាការ​»។

កំពុង​រើ​ទំលាក់​សម្ភារ ចេញ​ពី​រថយន្ត ដែល​ទើប​ដឹក​បញ្ជូន​មក​ពី​បុរីកីឡា នៅ​ទីតាំង​ថ្មី ស្ថិត​ក្នុង​ភូមិ​ទួលសំបួរ អ្នក​ស្រី​ខាន់ សាមឿន អាយុ ៤៥ ឆ្នាំ បាន​និយាយ​ក្នុង​ទឹក​មុខ​ទាំង​អស់​សង្ឃឹម​ថា អ្នក​ស្រី​អស់​ជម្រើស​ក្នុង​ការ​តវ៉ា ជាមួយ​នឹង​ក្រុមហ៊ុន​បន្ត​ទៅ​ទៀត​ហើយ ដោយ​សារ​តែ​ក្រុម​ហ៊ុន ​បាន​ប្រើ​កំលាំង​សមត្ថកិច្ច បង្ក្រាប​មក​លើ​ពល​រដ្ឋ​អ្នក​តវ៉ា​សាហាវ​ឃោរឃៅ​ពេក និង​បាន​ឈូស​កម្ទេច​ផ្ទះ​សម្បែង​ដួល​រលំ​អស់​គ្មាន​សល់ និង​ស្ទើរ​បាត់បង់​ជីវិត​ថែម​ទៀត​។

អ្នក​ស្រី​បាន​និយាយ​ដោយ​កែវ​ភ្នែក​រំពៃ​មើល​ជុំវិញ​ខ្លួន នូវ​ទីតាំង​ថ្មី ដែល​អ្នក​ស្រី ពុំ​ទាន់​បាន​ទទួល​ផ្ទះ​ដូច​ការ​អះអាង​របស់​ក្រុមហ៊ុន​នៅ​ឡើយ ខណៈ​ដែល​គ្រួសារ​ផ្សេង​ទៀត​កំពុង​តែ​រៀបចំ​បោះតង់​សម្រាប់​ជ្រក​ជាប ណ្តោះ​អាសន្ន​លើ​ទីវាល​គ្មាន​អ្វី​សោះ​នោះ។ អ្នក​ស្រី​បញ្ជាក់​ថា៖«ខ្ញុំ​អស់​សង្ឃឹម នៅ​ពេល​មក​ដល់​ទីតាំង​នេះ​ភ្លាម ពីព្រោះ​ក្រុមហ៊ុន​មិន​ទាន់​បាន​ធ្វើ​ផ្ទះ​នៅ​ឡើយ»។

អ្នក​ស្រី​បន្ត​ថា៖«ពេល​ដែល​ចេញ​ដំណើរ​មក ក្រុមហ៊ុន​បាន​ផ្តល់​លុយ ៤០ ម៉ឺន​រៀល អង្ករ ២០ គីឡូក្រាម ជាមួយ​នឹង​ការ​សន្យា​ថា នឹង​ដោះស្រាយ​ផ្តល់​ផ្ទះ​ទៀត ប៉ុន្តែ​មិន​មាន​លិខិត​ស្នាម​បញ្ជាក់​ច្បាស់​លាស់​ទេ។ នេះ​ហើយ​ជា​មូលហេតុ​ដែល​ខ្ញុំ​ព្រួយ ខ្លាច​គេ​យក​មក​ទុក​ចោល​ហាល​វាល ហាល​ខ្យល់​នៅ​ទីនេះ»។

អង្គុយ​លើ​គ្រែ នៅ​ក្រោម​ដំបូល​តង់​ដែល​ទើប​ចង​ហើយ នៅ​កណ្តាល​វាលស្រែ ដោយ​កំពុង​បី​កូន​ប្រុស​អាយុ ១១ ខែ នៅ​លើ​ភ្លៅ លោក សឿន ប៊ុណ្ណា អាយុ ៣៣ ឆ្នាំ បាន​និយាយ​ថា គាត់​នៅ​មិន​ទាន់​ដឹង​ច្បាស់​លាស់​នៅ​ឡើយ​ទេ​ថា​ក្រុមហ៊ុន នឹង​ផ្តល់​ផ្ទះ​ដល់​ប្រជា​ពលរដ្ឋ ដែល​ទើប​ដឹក​មក​កាន់​ទីកន្លែង​ថ្មី​នេះ ខណៈ​ដែល​លឺ​ដំណឹង​ថា អ្នក​ភូមិ​បូរី​កីឡា​ជាច្រើន ត្រូវ​បាន​បង្ខំ​ឲ្យ​ទៅ​កាន់​ទីតាំង​ភ្នំ​បាត។

លោក​បាន​បញ្ជាក់​ថា​៖«ខ្ញុំ​បារម្ភ​ខ្លាច​ក្រុមហ៊ុន​កុហក​ពួក​យើង ទុក​ពួក​យើង​ចោល​របៀប​នេះ​ជា​រៀង​រហូត​នោះ​ទេ។ គ្រួសារ​ខ្ញុំ​ច្បាស់​ជា​វេទនា ប្រសិន​បើ​មិន​មាន​ផ្ទះ​ស្នាក់​នៅ​ត្រឹមត្រូវ។ រស់​នៅ​បុរី​កីឡា វា​វេទនា​ទៅ​ហើយ មក​រស់​នៅ​ទីនេះ វា​កាន់​តែ​លំបាក​ថែម​ទៀត ប៉ុន្តែ​ខ្ញុំ​មិន​ដឹង​ធ្វើ​យ៉ាង​ម៉េច​នោះ​ទេ»។

លោក ឃុំ ឃឿន មេភូមិ​ទួលសំបួរ បាន​ថ្លែង​ឲ្យ​ដឹង​ថា លោក​នៅ​មិន​ទាន់​ដឹង​ចំនួន​ប្រជា​ពលរដ្ឋ​ពិតប្រាកដ ដែល​ត្រូវ​បញ្ជូន​មក​ពី​បុរី​កីឡា​នេះ​ទេ។ លោក​បាន​បញ្ជាក់​ថា​៖«ក្រុមហ៊ុន​បាន​ប្រាប់​ខ្ញុំ​ថា នឹង​សាង​សង់​ផ្ទះ ១៤ កន្លែង​បន្ថែម​ទៀត​ជូន​ដល់​ពលរដ្ឋ​បុរី​កីឡា»។

ប៉ុន្តែ​បើ​តាម​ការ​ឲ្យ​ដឹង​របស់​ក្រុម​គ្រួសារ ដែល​ទើប​ត្រូវ​បាន​ជម្លៀស​មក​ពី​បូរី​កីឡា មាន​ប្រជាពលរដ្ឋ​មិន​ដល់ ១០ គ្រួសារ​នោះ​ទេ ដោយ​គ្រួសារ​ភាគ​ច្រើន ត្រូវ​បាន​ជម្លៀស​ទៅ​កាន់​ភ្នំ​បាត ក្នុង​ស្រុក​ឧដុង្គ។

អ្នកស្រី​ នាង សុផាត អ្នក​ភូមិ​បុរី​កីឡា​ម្នាក់​ទៀត បាន​ប្រាប់​ឲ្យ​ដឹង​បន្ថែម​ថា ក្រុមហ៊ុន មិន​បាន​ផ្តល់​តង់ សម្រាប់​ជ្រក និង​សម្ភារ​ប្រើ​ប្រាស់​អ្វី​ទេ ខណៈ​ដែល​សម្ភារ​ប្រើប្រាស់​ប្រចាំ​ថ្ងៃ​ទាំង​អស់​របស់​គាត់ ត្រូវ​បាន​បំផ្លាញ​ដោយ​គ្រឿង​ចក្រ​របស់​ក្រុមហ៊ុន​នៅ​តំបន់​បុរី​កីឡា។

ជាមួយ​គ្នា​នេះ​ដែរ គណ​កម្មាធិការ​ប្រព្រឹត្តិ​កម្ម ដែល​បណ្តុំ​ទៅ​ដោយ​អង្គការ​ចំនួន ២៣ ក៏​បាន​ធ្វើ​ការ​ថ្កោល​ទោស ចំពោះ​ការ​បង្ក្រាប​ទៅ​លើ​ប្រជា​ពលរដ្ឋ​សហគមន៍​បុរី​កីឡា​ផង​ដែរ​ដោយ យល់​ឃើញ​ថា ការ​ប្រើប្រាស់​កង​កម្លាំង​សាធារណៈ​ទៅ​គំរាម​កំហែង និង​រុះរើ​វាយ​កម្ទេច​ផ្ទះ​សម្បែង​របស់​ប្រជា​ពលរដ្ឋ យ៉ាង​ឃោរឃៅ​បែប​នេះ គឺជា​ទង្វើ​រំលោភ​សិទ្ធិ​មនុស្ស​យ៉ាង​ធ្ងន់ធ្ងរ ថែម​ទាំង​មិន​បាន​បំពេញ​នូវ​កាតព្វកិច្ច​របស់​ខ្លួន ក្នុង​នាម​ជា​ភ្នាក់ងារ​របស់​រដ្ឋ ការពារ​ប្រជា​ពលរដ្ឋ​នោះ​ឡើយ»។ នៅ​ក្នុង​សេចក្តី​ថ្លែង​ការណ៍​រួម ដែល​ចេញ​កាល​ពី​ម្សិលមិញ ក្រុម​អង្គការ​ទាំង​នេះ បាន​បន្ត​ទៀត​ថា ការ​បណ្តេញ​ប្រជា​ពលរដ្ឋ​ចេញ​ពី​ផ្ទះ​សម្បែង​ដោយ​បង្ខំ​នេះ បាន​កើត​ឡើង​ជា​រឿយៗ ដោយ​មាន​ទាំង​ការ​ប្រើ​ហិង្សា ពី​សំណាក់​អាជ្ញាធរ​របស់​រដ្ឋាភិបាល ហើយ​វិធានការ​ទាំង​ឡាយ ដែល​បាន​ចាត់​នោះ ហាក់​ដូច​ជា​ពុំ​មាន​ការ​ទទួល​ខុស​ត្រូវ និង​គិត​គូរ​ពី​ផ្លូវ​ច្បាប់​ឡើយ។ បើ​តាម​គណៈកម្មាធិការ​ប្រព្រឹត្តិកម្ម ក្រុមហ៊ុន​ផានអ៊ីម៉ិច បាន​ទទួល​សិទ្ធិ​អភិវឌ្ឍន៍​លើ​ផ្ទៃដី​ទំហំ​ជាង ៤ ហិកតា ដោយ​សន្យា​សាងសង់​អគារ​ចំនួន ១០ ចែក​ជូន​ប្រជាពលរដ្ឋ ចំនួន ១៧៧៦ គ្រួសារ ជា​ការ​ដោះដូរ។ ប៉ុន្តែ​ផ្ទុយ​ទៅ​វិញ ក្រុមហ៊ុន​មួយ​នេះ មិន​បាន​បំពេញ​កិច្ច​សន្យា​របស់​ខ្លួន​ឲ្យ​បាន​ចប់​សព្វ​គ្រប់​ទេ ដោយ​បាន​បញ្ឈប់​ការ​សាងសង់​ត្រឹម ៨ អគារ​ប៉ុណ្ណោះ ក្រោម​លេស​ថា ខាតបង់​ថវិកា។ ក្នុង​បញ្ហា​នេះ រដ្ឋាភិបាល បាន​ផ្តល់​ការ​គាំទ្រ​យ៉ាង​ពេញ​ទំហឹង ទៅ​លើ​ក្រុមហ៊ុន ដែល​បាន​រំលោភ​លើ​កិច្ច​សន្យា ហើយ​បែ​ជា​ប្រើ​កម្លាំង​បណ្តេញ​ប្រជាពលរដ្ឋ ដែល​នៅ​សេស​សល់​ជាង​២០០​គ្រួសារ ឲ្យ​ទៅ​នៅ​តំបន់​ជាយ​ក្រុង​ទៅ​វិញ៕

10 comments:

Anonymous said...

If these don't provoke Lotus Revolution in Cambodia that is very great new to CPP because Cambodians are now scare of war and very chicken shit coward. They can't even form unity to stand for what is right!

From now on CPP can do anything in Kingdom of wonder without worry about any bullshit Lotus Revolution or Jasmine revolution chicken shit anymore.

It is the fail of Khmer people themself, not other.

Anonymous said...

MR HUN SEN ET VOS PROCHES SI VOUS ETES PARMIS LES VICTIMES DE BOREY KEYLA OU DE BOEURNG KAOK ETES VOUS HEUREUX DE CETTE VIOLENCE OU DE CETTE AGRESSION? ........................SAVEZ VOUS QUE VOS DEUX MAINS SONT BEIGNÉES DE SANG KHMER?........ ET PAR CONSÉQUENCE MR KADAFI, MRSADAMHUN SEN,MR MOUBARAK(UN ÉGYPTIEN) ET AUTRE TRAITRES VOUS ATTENDENT ET PAS SI LONGUE POUR VOTRE TOUR CHER MR HUN NAL=MR K5=MR MAFIA=MR DESTRUCTEUR DES RICHESSES KHMERS=MR COUP D'ÉTAT=MR ASSASSIN=MR DEUXIEME POL POT ET ENFIN VOUS ETES PLUS MAUVAIS QUE POL POT ET VOUS LE SAVEZ PAR VOUS MEME.ET QUE TU NE PEUT PAS MENTIR VOUS MEME ET C'EST LA NATURE VOUS ALLEZ VOIR ,A VOUS D'AGIR........BIEN A VOUS

Anonymous said...

If all Khmer as muslim like Libyan, the dictator will disappear. But as long as Khmer are Buddhists, poor khmers will be slave in ouwn country.

Anonymous said...

i see this as a social reform than a tyranny gov't, you know! yes, cambodia can sure use social reform and social development. some people do need help than other, really! cambodia must called on social reform or social development, you know! no excuse is good excuse, ok! wake up, people, stop being stupid forever, ok!

Anonymous said...

I can tell you all Khmers:
Have you ever think why te rich will richer and the will poorer:

1)Riche People are only a small group (Elit), they take state land and then sell to foreign companies
2) their business not pay tax and manipulated tax
3) They break the law of business
4) they can the increase of goods what they want and alway try to get max. win.
5) without import (in France or Germany, this Tax is between 7%-19%) tax of goods or tax manipulated.

Anonymous said...

it's called reform, ok! look up reform, that's what dictionaries are for, ok!

Anonymous said...

សេចក្តីបំភ្លឺនៃសាលារាជធានីភ្នំពេញ្៖
ការ​ផ្ទុះ​អំពើ​ហិង្សា​ចំនួន​២​ដង​បន្តបន្ទាប់​គ្នា​រវាង​ប្រជាពលរដ្ឋ​សហគមន៍​បូរី​កីឡា ​និង​ សមត្ថកិច្ច​ចម្រុះ​កាល​ពី​ព្រឹក​ថ្ងៃ​០៣​ ខែ​ មករា ​ឆ្នាំ​២០១២​ ដែល​អាជ្ញាធរ​អះអាង​ថា​បាន​ធ្វើ​ឲ្យ​សមត្ថកិច្ច​​ចំនួន​៣០​នាក់​រង​របួស​ធ្ងន់​និង​ស្រាល​ ហើយ​ប្រជាពលរដ្ឋ​មួយចំនួន​ត្រូវ​បាន​ធ្វើ​ការ​ឃាត់​ខ្លួន​ដែរ​នោះ ​បាន​ធ្វើ​ឲ្យ​មានការ​ចាប់អារម្មណ៍​ពី​មជ្ឈដ្ឋាន​ជា​ច្រើន។ ​​ការ​ផ្ទុះ​អំពើ​ហិង្សា​ដាក់គ្នា​នេះ ​ត្រូវ​បាន​គេ​​ដឹង​ថា​ផ្ដើម​ឡើង​ពី​ការ​ដោះស្រាយ​រវាង​ក្រុមហ៊ុន​ផាន​អ៊ី​ម៉ិច​ ជាមួយ​ប្រជាពលរដ្ឋ​សហគមន៍​បូរី​កីឡា​មិនទាន់​ចប់​សព្វគ្រប់​ និង​ ម្យ៉ាងទៀត​ដោយសារតែ​ប្រជា​ពលរដ្ឋ​មួយ​ចំនួន​បាន​សង់​សំណង់​មិន​មាន​​ច្បាប់​អនុញ្ញាត​ទៅលើ​ដី​របស់​រដ្ឋ។​

ជុំវិញ​ការ​ប៉ះទង្គិច​គ្នា​យ៉ាង​ក្ដៅ​គគុក​ខាងលើនេះ​ត្រូវបាន​មន្ត្រី​សាលា​រាជធានី​ភ្នំពេញ​ធ្វើការ​បកស្រាយ​ថា តំបន់​ប្លុក​បូរី​កីឡា​ត្រូវ​បានសម្រេច​ឲ្យ​មានការ​អភិវឌ្ឍន៍​នៅ​នឹងកន្លែង​ដោយមាន​ការសាងសង់​លំនៅដ្ឋាន ប្រជាពលរដ្ឋ​តំបន់​នេះ​បាន​រស់នៅ​ក្រោម​ការសាងសង់​ដោយ​ក្រុមហ៊ុន​ផាន​អ៊ី​ម៉ិច។ ប៉ុន្តែ​ក្រោយពី​មានការ​សាងសង់​អគារ​ស្នាក់​របស់​ប្រជាពលរដ្ឋ ហើយ​មាន​ប្រជាពលរដ្ឋ​មួយចំនួន​នោះ បាន​យក​អាគារ​​​ស្នាក់នៅ​នោះ លក់​ឬ​ជួល​បន្ត​ឲ្យ​គេ​បាន​ចុះ​មក​សាងសង់​សំណង់​មិន​រៀបរយ​នៅ​ក្រោម​ទៀត ​ហើយ​ប្រជាពលរដ្ឋ​ពី​ខាងក្រៅ​មួយចំនួន​ក៏បាន​លួច​ធ្វើការ​សាងសង់​សំណង់​គ្មាន​ច្បាប់​អនុញ្ញាត​ព្រមទាំង​បោះតង់​លើ​ដី​រដ្ឋ​ដែល​ត្រូវ​អភិវឌ្ឍ​នេះ​ថែមទៀត។ ​ទន្ទឹម​នឹង​សកម្ម​ភាព​មិនប្រក្រតី​នេះ សមត្ថកិច្ច​បាន​ធ្វើការ​ណែនាំ​ឲ្យ​ពួកគាត់​ធ្វើការ​រុះរើ​សង់​សំណង់​គ្មាន​ច្បាប់ ចំនួន២០ខ្នង​នេះ​ចេញ ប៉ុន្តែ​ប្រជាពលរដ្ឋ​ពួកគាត់​មិន​ព្រម​រុះរើ​ចេញ​នោះ​ទេ រហូត​បាន​នាំគ្នា​ធ្វើបាតុកម្ម​តវ៉ា​ជាច្រើន​លើ​ច្រើន​សារ ​ហើយ​នៅ​ថ្ងៃទី៣ ខែ មករា ឆ្នាំ២០១២ ក៏បាន​ប៉ះទង្គិច​គ្នា​ថែមទៀត​បណ្ដាល​ឲ្យ​សមត្ថកិច្ច​ចម្រុះ​ចំនួន៣០នាក់​បាន​រង​របួស។



មន្ត្រី​សាលា​រាជធានី​ភ្នំពេញ​បាន​បញ្ជាក់​ថា ប្រជាពលរដ្ឋ​នៅ​ម្ដុំ​ប្លុក​បូរី​កីឡា​នេះ​មួយចំនួន​ពេល​បាន​ផ្ទះ​ពី​រដ្ឋ​ហើយ ពួកគាត់​បាន​លក់​ឬ​ជួល​ផ្ទះ​ខាងលើ ឲ្យ​ទៅ​គេ ហើយ​ចុះ​មក​នៅ​ខាងក្រោម​វិញ រួច​ធ្វើការ​ទាមទារ​ផ្ទះ​ពី​រដ្ឋ​ជាថ្មីទៀត។ ចំពោះ​ទង្វើ​ប្រជាពលរដ្ឋ​បែបនេះ​មិនអាច​ទទួល​បាន​ផ្ទះ​ពី​រដ្ឋ​ទៀត​ទេ។

ទី២ទៀត​អ្នកទិញ​ផ្ទះ​ទុកចោល​ឥត​ស្នាក់នៅ ក៏​គ្មាន​លក្ខណៈ​ត្រូវ​បាន​ផ្ទះ​ពី​រដ្ឋ​ដែរ ដោយ​រដ្ឋ​ឲ្យ​គោលនយោបាយ​ជា​ផ្ទះ​នៅ​ភូមិ​ទួលសំបូរ សង្កាត់​ព្រៃវែង ខណ្ឌដង្កោ ឬ ប្រជាពលរដ្ឋ​មួយ​ចំនួនទៀត​ឲ្យ​ដីឡូត៍​នៅ​ភ្នំ​បាត ស្រុក ពញាឮ ខេត្តកណ្តាល។

ទី៣ អ្នក​បោះតង់​ថ្មី​នៅ​លើ​ដី​របស់​រដ្ឋ​ឥតមាន​ឯកសារ​អ្វី​ទាំងអស់ និង អ្នកចូលរួម​មក​រស់នៅ​លើ​ដី​ដែល​ប្រជាពលរដ្ឋ​បាន​​ទៅ​រស់នៅ​ជាន់​ខាងលើ​ដែល​រដ្ឋ​ចែក​ឲ្យ​ហើយ ក៏​មិន​មាន​គោលនយោបាយ​ដោះស្រាយ​ឲ្យ​ដែរ។

ទី៤. ចំពោះ​អ្នក​បន្លំ​ឯកសារ ដើម្បី​បាន​ផ្ទះ​របស់​រដ្ឋ ក៏​មិន​ត្រូវ​បាន​ដោះស្រាយ​គោលនយោបាយ​របស់​រដ្ឋ​ដែរ។

មន្ត្រី​រាជធានី​ភ្នំពេញ​បន្ត​ថា ដំបូង​ឡើយ​អាជ្ញា​ធរមាន​សមត្ថកិច្ច​មិន​មាន​ចេតនា​ណាមួយ​ធ្វើការ​រុះរើ​សំណង់​របស់​ប្រជាពលរដ្ឋ​នោះ​ទេ​ដោយបាន​ធ្វើការ​ជូនដំណឹង​ឲ្យ​ពួកគាត់​ធ្វើការ​រុះរើ​ចេញ​ដោយ​ខ្លួនឯង។ ប៉ុន្តែ​បែរជា​ប្រជាពលរដ្ឋ ពួកគាត់​នាំគ្នា​ធ្វើបាតុកម្ម ហើយ​ឈាន​ដល់​ប្រើ​អំពើ​ហិង្សា​បណ្ដាល​ឲ្យ​សមត្ថកិច្ច​រង​របួស​ជាច្រើន​នាក់​ថែមទៀត ទើប​អាជ្ញាធរ​សម្រេច​សំអាត​ទីនោះ​ឲ្យ​បាន​ស្អាត​តែម្ដង៕

Anonymous said...

Where are the lotus or Jasmine Revolution? The Khmer are chicken shit coward now.

This is the positive move for CPP to do anything in the kingdom of wonder.

Anonymous said...

ថ្ងៃ១៧មេសា និងថ្ងៃ៧មករា តើមានអ្វីខុសគ្នា?
គេដេញប្រជាជនចេញពីលំនៅដូចតែគ្នា។ ទីបំផុតគឺ វេទនា? ខ្វះអាហារ, កាប់សម្លាប់ បាត់បង់អ្វីៗទាំងអស់។ នៅសល់តែការអស់សង្ឃឹម។ លើកទីមួយរលាយពាក់កណ្តាល។ លើកទី២រលាយពាក់កណ្តាលដែលនៅសល់។ លើកទីបីជិតអស់អ្វីដែលនៅសល់ពីនៅសល់។ លើកទីបួនគឺគ្មានខ្មែរត្រូវព្រួយ។ Nothing to worry about Cambodian. No Khmer identity? ខ្ញុំជាជនជាតិនៃរដ្ឋាភិបាលថ្មី របស់ប្រទេសថ្មី, មានទេ? អក្សរនេះប្រហែលជា លែងមានប្រើទៀតហើយ។

Anonymous said...

To a pro-Vietnamese puppet regime
Hun Sen, Heng Samrin, Chea Sim :

Why Khmer oppose January 7, 1979 ???
It’s the day Vietnamese killing more Khmer, strafing people,
Burning houses, seizing cattle and properties, raping , K5
Plan and occupation in Cambodia.

An ancient story known to all Cambodians tells of Vietnamese
Conquerors burying Khmer up to their necks, in groups of three,
forming a triangle. A fire was made in the area between the
victims. They then put a kettle over the Khmer’s heads to boil
water for master’s tea. The Khmer were told to keep their heads still
and “not to spill the master’s tea.”

Will it happen again ? (see pictures)
If the history has repeated, then Khmer haven’t learned anything!