ថ្ងៃទី 17 មេសា 2012
ដោយ: សុខ ភក្តី
Cambodia Express News
ភ្នំពេញ: គ.ជ.ប. នៅថ្ងៃទី១៧មេសា ឆ្នាំ២០១២ បានប្រកាសកែប្រែជាថ្មីពីចំនួនឃុំសង្កាត់ ដែលគណបក្សនយោបាយចំនួន ១០ បានចុះបញ្ជីបេក្ខជន ឈរឈ្មោះបោះឆ្នោត សម្រាប់ការបោះឆ្នោតឃុំសង្កាត់ជ្រើសរើសក្រុមប្រឹក្សាឃុំសង្កាត់ អាណត្តិទី៣ ឆ្នាំ២០១២។
តាមតារាងរបស់គ.ជ.ប. បង្ហាញថា ទី១-គណបក្សប្រជាជនកម្ពុជា បានចុះបញ្ជីបេក្ខជន នៅទូទាំង ១.៦៣៣ ឃុំសង្កាត់ ដែលស្មើនឹង ១០០%។ ទី២-គណបក្សសមរង្ស៊ី បានចុះបញ្ជីបេក្ខជន នៅឃុំសង្កាត់ចំនួន ១.៦១៥ ឃុំសង្កាត់ ស្មើនឹង ៩៩%។ ទី៣-គណបក្សហ្វ៊ុនស៊ិនប៉ិច បានចុះបញ្ជីបេក្ខជន ចំនួន ១.៤១៣ ឃុំសង្កាត់ ស្មើនឹង ៨៧%។ ទី៤-គណបក្ស នរោត្តម រណឫទ្ធិ បានចុះបញ្ជីបេក្ខជន ចំនួន ១.០៧០ ឃុំសង្កាត់ ស្មើនឹង ៦៦%។ ទី៥-គណបក្សសិទ្ធិមនុស្ស ចុះបញ្ជីបេក្ខជន ចំនួន ១.០២៩ ឃុំសង្កាត់ ស្មើនឹង ៦៣%។ ទី៦-គណបក្សសញ្ជាតិកម្ពុជា បានចុះបញ្ជីបេក្ខជន ចំនួន ២២៥ ឃុំសង្កាត់ ស្មើនឹង ១៤%។ ទី៧-គណបក្សសម្ព័ន្ធដើម្បីប្រជាធិបតេយ្យ បានចុះបញ្ជីបេក្ខជន ចំនួន ១៦៤ ឃុំសង្កាត់ ស្មើនឹង ១០%។ ទី៨-គណបក្ស ខ្មែរឈប់ក្រ បានចុះបញ្ជីបេក្ខជន ចំនួន ២៣ ឃុំសង្កាត់ ស្មើនឹង ១%។ ទី៩-គណបក្ស សាធារណរដ្ឋប្រជាធិបតេយ្យ បានចុះបញ្ជីបេក្ខជន ចំនួន ៩ ឃុំសង្កាត់ ស្មើនឹង ១% និងទី១០-គណបក្ស ចលនាប្រជាធិបតេយ្យ បានចុះបញ្ជីបេក្ខជន ចំនួន ២ ឃុំសង្កាត់ ស្មើនឹង ០,១%។
សូមរម្លឹកថា កាលពីថ្ងៃទី៦មីនា ឆ្នាំ២០១២ គ.ជ.ប. បានប្រកាសលទ្ធផលបណ្តោះអាសន្ននៃការដាក់ពាក្យ សុំចុះបញ្ជីបេក្ខជនឈរឈ្មោះបោះឆ្នោត គឺមានគណបក្សនយោបាយចំនួន ១០ បានដាក់ពាក្យសុំ ចុះបញ្ជីបេក្ខជនឈរឈ្មោះបោះឆ្នោតឃុំសង្កាត់ អាណត្តិទី៣ នាថ្ងៃទី៣មិថុនា ឆ្នាំ២០១២។ ក្នុងនោះ ទី១-គណបក្សប្រជាជនកម្ពុជា បានចុះបញ្ជីបេក្ខជនឈរឈ្មោះបោះឆ្នោត ចំនួន ១.៦៣៣ ឃុំសង្កាត់ ទូទាំងប្រទេស។ ទី២-គណបក្សសមរង្ស៊ី បានដាក់បេក្ខជនឈរឈ្មោះបោះឆ្នោត ចំនួន ១.៦២១ ឃុំសង្កាត់។ ទី៣-គណបក្សហ្វ៊ុនស៊ិនប៉ិច ដាក់បេក្ខជនចំនួន ១.៤៥២ ឃុំសង្កាត់។ ទី៤-គណបក្សសិទ្ធិមនុស្ស បានដាក់បេក្ខជនឈរឈ្មោះបោះឆ្នោតចំនួន ១.១២៨ ឃុំសង្កាត់។ ទី៥-គណបក្ស នរោត្តម រណឫទ្ធិ បានដាក់បេក្ខជនឈរឈ្មោះបោះឆ្នោត ចំនួន ១.០៣៩ ឃុំសង្កាត់។ ទី៦-គណបក្សសញ្ជាតិកម្ពុជា បានដាក់បេក្ខជនឈរឈ្មោះបោះឆ្នោត ចំនួន ៣៧១ ឃុំសង្កាត់។ ទី៧-គណបក្សសម្ព័ន្ធដើម្បីប្រជាធិបតេយ្យ បានដាក់បេក្ខជនឈរឈ្មោះបោះឆ្នោត ចំនួន ១៦៥ ឃុំសង្កាត់។ ទី៨-គណបក្សខ្មែរឈប់ក្រ បានដាក់បេក្ខជនឈរឈ្មោះបោះឆ្នោត ចំនួន ២៤ ឃុំសង្កាត់។ ទី៩-គណបក្សសាធារណៈរដ្ឋប្រជាធិបតេយ្យ បានដាក់បេក្ខជនឈរឈ្មោះបោះឆ្នោត ចំនួន ១១ ឃុំសង្កាត់ និងទី១០-គណបក្សចលនាប្រជាធិបតេយ្យ បានដាក់បេក្ខជនឈរឈ្មោះបោះឆ្នោត ចំនួន ៣ ឃុំសង្កាត់៕
Subscribe to:
Post Comments (Atom)
No comments:
Post a Comment