កែន សារ៉ា៖ ប្រើក្បាលចប់ ចាប់បញ្ចូលទ្រុងសេក! - Ken Sara: Used and tossed away by Hun Xen like a piece of trash

Ken Sara (Photo: DAP-news)

បញ្ជូនលោក កែន សារ៉ា សមាជិក ក្រុមលេខា សម្ដេចតេជោ ទៅតុលាការ​ រាជធានីភ្នំពេញ

Tuesday, 17 April 2012
ដោយ ៖ សយ​ សុភាព
DAP-News

Synopsis: Ken Sara, a defector from the Sam Rainsy Party, who was nominated as secretary to Hun Xen and was sometimes charged with writing Hun Xen’s speeches, was immediately sacked from his position on 17 April 2012. He was accused of illegal use of handgun, wild shooting in public, and committing violence on a victim. On 13 April 2012, he allegedly called over a moto-doop (motorcycle-taxi), but, under the influence of alcohol, he ordered the motorcycle driver to kneel and pay respect to him beforehand. He then proceeded to smack the driver. Ken Sara, a former opposition activist, defected from the SRP to serve the CPP party which used to oppress him. Let this be a lesson the defectors: Unlike Chhouk Bandith who is protected by the CPP, you, the defectors, will be used and you are guaranteed to be tossed away by Hun Xen! 

ភ្នំពេញ ៖ មន្ដ្រីខុទ្ទកាល័យ សម្ដេចតេជោ ហ៊ុន សែន បានថ្លែងប្រាប់មជ្ឈមណ្ឌលព័ត៌មានដើមអម្ពិល ឱ្យដឹងនៅថ្ងៃអង្គារ ទី១៧ ខែមេសា ឆ្នាំ២០១២ថា អតីតសមាជិកក្រុមលេខាខុទ្ទកាល័យ សម្ដេចតេជោ ហ៊ុន សែន លោក កែន សារ៉ា ត្រូវបានសម្ដេចតេជោ ហ៊ុន សែន ចុះហត្ថលេខា លើអនុក្រិត្យ នៅថ្ងៃអង្គារនេះតែម្ដង ដកតួនាទីរបស់គាត់ ចេញពីសមាជិកក្រុមលេខា ហើយបានបញ្ជូន ទៅដល់តុលាការរាជធានីភ្នំពេញ រួចជាស្រេចហើយដែរ នៅព្រឹកថ្ងៃអង្គារ ដើម្បីចាត់ការតាមច្បាប់ ដែលគេបានប្រព្រឹត្ដបទល្មើស ដោយប្រើប្រាស់អាវុធខ្លីខុសច្បាប់ និងបានបាញ់បោះសេរី និងថែមទាំងប្រើហិង្សាទៅលើជនរងគ្រោះ ដោយទះកំភ្លៀង កាលពីថ្ងៃទី១៣ ខែមេសា ឆ្នាំ២០១២ នៅម្ដុំផ្សារចាស់ ខណ្ឌដូនពេញ។


មន្ដ្រីខុទ្ទកាល័យ ដែលសុំមិនបញ្ចេញឈ្មោះ បានថ្លែងឱ្យដឹងថា ការសម្រេចបញ្ឈប់ការងារ និងបញ្ជូនជនល្មើស កែន សារ៉ា ទៅតុលាការ ជាការព្រមានចំពោះមន្ដ្រីផ្សេងៗទៀត ដែលនៅជិតថ្នាក់ដឹកនាំ បានប្រើប្រាស់អំណាចខុសច្បាប់ និងបង្កហិង្សាទៅលើជនស្លូតត្រង់ ខណៈដែលជនល្មើស កែន សារ៉ា ត្រូវបានគេរាយការណ៍ថា មានអាការស្រវឹង ហើយបានហៅ ម៉ូតូឌុបមកជិះ ប៉ុន្ដែគេបានប្រព្រឹត្ដអំពើដ៏ឆ្គាំឆ្គងបំផុតនោះ ដោយហៅអ្នករត់ម៉ូតូឌុបមកជិះ ប៉ុន្ដែមុនឡើងជិះ ជននេះបង្ខំឱ្យអ្នករត់ម៉ូតូឌុបថ្វាយបង្គំគេជាមុនសិន រួចហើយថែមទាំងបានទះកំភ្លៀង ទៅលើអ្នករត់ម៉ូតូឌុបនោះថែមទៀត។ ដូច្នេះទង្វើដ៏ខុសឆ្គងបំផុតនេះ មិនសក្ដិសមជាមន្ដ្រីនៅជិតថ្នាក់ដឹកនាំនោះឡើយ ។

ប្រភពមន្ដ្រីបានឱ្យដឹងទៀតថា ខុទ្ទកាល័យសម្ដេចតេជោ សូមជម្រាបបងប្អូនឱ្យបានជ្រាបថា អ្នកដែលមានតួនាទី ហើយបាន ប្រព្រឹត្ដខុសបែបនេះ មិនត្រូវបានអត់ឱនទេ ហើយក៏ជាសារមួយព្រមានទៅដល់មន្ដ្រីដទៃទៀត កុំឱ្យយកគម្រូតាម ដូចជនល្មើស កែន សារ៉ា ដែលបានប្រព្រឹត្ដកំហុសឆ្គង ដ៏ធ្ងន់ធ្ងរដូចខាងលើ៕