 |
| រូបថត៖ ហេង រស្មី វីអូអេ ខ្មែរ |
អង្គការឃ្លាំមើលការបោះឆ្នោតទទួចឲ្យមានកំណែរទម្រង់គជប
ថ្ងៃពុធ, 20 ខែមិថុនា 2012
ដោយ គង់ សុឋានរិទ្ធ វីអូអេ ខ្មែរ | ភ្នំពេញ
«ខុមហ្វ្រែលស្នើយ៉ាងទទូច និងជាបន្ទាន់ដល់រាជរដ្ឋាភិបាល ម្ចាស់ជំនួយ និងអង្គការសង្គមស៊ីវិលដោយត្រូវចាប់ផ្តើមពិភាក្សាកែលម្អរចនា សម្ព័ន្ធសមាសភាព គជប និងយន្តការសំខាន់ៗមួយចំនួនដូចជាការចុះឈ្មោះបោះឆ្នោត ការធ្វើបច្ចុប្បន្នភាពបញ្ជីបោះឆ្នោត ការដោះស្រាយបណ្ដឹងបោះឆ្នោតការពារសេរីភាពបញ្ចេញមតិ សេរីភាពខាងសារព័ត៌មាន ការទទួលបានការផ្សព្វផ្សាយសម្រាប់គណបក្សនយោបាយនិងការបង្កើត បរិយាកាសអព្យាក្រិតដល់មន្ត្រីរាជការ និងកងកម្លាំងប្រដាប់អាវុធក្នុងន័យពង្រឹងភាពត្រឹមត្រូវ សុចរិតភាព និងភាពយុត្តិធម៌ក្នុងដំណើរការបោះឆ្នោត»។
ខុមហ្វ្រែល ដែលជាអង្គការឃ្លាំមើលការបោះឆ្នោតធំមួយនៅកម្ពុជាបានទទូចនៅថ្ងៃពុធនេះ ឲ្យមានការរុះរើសមាសភាពដឹកនាំនៃគណៈកម្មការជាតិរៀបចំការបោះឆ្នោត (គជប) ដើម្បីធ្វើឲ្យការបោះឆ្នោតមានភាពត្រឹមត្រូវ។
ការទាមទារនេះក្រោយពីគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល) បានរកឃើញថា មានបញ្ហា និងភាពមិនប្រក្រតីជាច្រើនបានកើតឡើងក្នុងអំឡុងពេលបោះឆ្នោតជ្រើសរើសក្រុមប្រឹក្សាឃុំសង្កាត់កាលពីថ្ងៃទី៣ ខែមិថុនា។
ថ្លែងក្នុងសិក្ខាសាលាស្ដីពីការវាយតម្លៃ និងលទ្ធផលចុងក្រោយនៃការបោះឆ្នោតនោះ លោកធន់ សារ៉ាយ ប្រធានអង្គការការពារសិទ្ធិមនុស្សអាដហុក និងជាប្រធានគណៈកម្មការនាយករបស់ ខុមហ្វ្រែល មានប្រសាសន៍ថា ការកែសម្រួលរចនាសម្ព័ន្ធ និងកែលម្អនីតិវិធីមួយចំនួនគឺជាការចាំបាច់សម្រាប់ធានាដល់ការបោះឆ្នោតឆ្នាំក្រោយ។
«ខុមហ្វ្រែលស្នើយ៉ាងទទូច និងជាបន្ទាន់ដល់រាជរដ្ឋាភិបាល ម្ចាស់ជំនួយ និងអង្គការសង្គមស៊ីវិលដោយត្រូវចាប់ផ្តើមពិភាក្សាកែលម្អរចនាសម្ព័ន្ធសមាសភាព គជប និងយន្តការសំខាន់ៗមួយចំនួនដូចជាការចុះឈ្មោះបោះឆ្នោត ការធ្វើបច្ចុប្បន្នភាពបញ្ជីបោះឆ្នោត ការដោះស្រាយបណ្ដឹងបោះឆ្នោតការពារសេរីភាពបញ្ចេញមតិ សេរីភាពខាងសារព័ត៌មាន ការទទួលបានការផ្សព្វផ្សាយសម្រាប់គណបក្សនយោបាយនិងការបង្កើតបរិយាកាសអព្យាក្រិតដល់មន្ត្រីរាជការ និងកងកម្លាំងប្រដាប់អាវុធក្នុងន័យពង្រឹងភាពត្រឹមត្រូវ សុចរិតភាព និងភាពយុត្តិធម៌ក្នុងដំណើរការបោះឆ្នោត»។
ក្នុងរបាយការណ៍របស់ខ្លួនខុមហ្វ្រែលរកឃើញថា មានភាពមិនប្រក្រតីចំនួន៣.០០០ ករណីក្នុងការិយាល័យបោះឆ្នោតចំនួន៥.៨១០។ ភាពមិនប្រក្រតីទាំងនោះ រួមមានអ្នកបោះឆ្នោតរកឈ្មោះមិនឃើញ គ្មានបណ្ណព័ត៌មាន រកការិយាល័យបោះឆ្នោតមិនឃើញ គ្មានឯកសារបញ្ជាក់អត្តសញ្ញាណ ខុសទិន្នន័យជាដើម។ ជាងនេះទៅទៀត អាជ្ញាធរមូលដ្ឋានឃ្លាំមើលការបោះឆ្នោត ការប្រកួតប្រជែងមិនស្មើភាពរវាងគណបក្សកាន់អំណាច និងគណបក្សក្រៅអំណាច គម្លាតនៃការប្រើប្រាស់ធនធានរវាងគណបក្សកាន់អំណាច និងគណបក្សប្រកួតប្រជែង ប្រពន្ធ័ផ្សព្វផ្សាយពិសេសបណ្ដាញទូរទស្សន៍បម្រើការឃោសនាឲ្យគណបក្សប្រជាជនកម្ពុជា ហើយបានរំលោភលើបទបញ្ជា និងគោលការណ៍របស់ គជប។ បន្ថែមពីនោះកងកម្លាំងប្រដាប់អាវុធ និងមន្ដ្រីរាជការបានបម្រើឲ្យគណបក្សកាន់អំណាច ហើយគណៈកម្មាធិការជាតិរៀបចំការបោះឆ្នោត គជប មិនមានតម្លាភាពក្នុងការដោះស្រាយបណ្តឹង។
លោកយឹម សុវណ្ណ តំណាងរាស្ត្រ និងជាអ្នកនាំពាក្យគណបក្សសម រង្ស៊ី និងលោក អ៊ូ ចន្ទរិទ្ធ តំណាងរាស្ដ្រមកពីគណបក្សសិទ្ធិមនុស្ស បានគាំទ្ររបាយការណ៍រកឃើញរបស់ខុមហ្វ្រែលនេះ។ ហើយពួកលោកបានគាំទ្រឲ្យមានការរៀបចំរចនាសម្ព័ន្ធដឹកនាំ គជប ឡើងវិញផងដែរ។
ដោយឡែកអង្គការចំនួនប្រាំមួយផ្សេងទៀត ក៏បានរកឃើញថាមានបញ្ហាដូចគ្នានេះដែរ ក្នុងការបោះឆ្នោតឃុំសង្កាត់កន្លងទៅថ្មីៗនេះ។
លោក ទេព នីថា អគ្គលេខាធិការនៃ គជប បានមានប្រសាសន៍ដោយទទួលស្គាល់ថា មានភាពមិនប្រក្រតីខ្លះបានកើតឡើងដែរ ដោយគជប នឹងធ្វើការកែសម្រួលការងាររបស់ខ្លួនបន្ថែមទៀត។
«ចំពោះមុខនេះ គជបធ្វើសន្និបាទបូកសរុបដកពិសោធន៍ការងារអនុវត្តត្រឹមត្រូវ ឬខ្វះខាតយ៉ាងណានៅថ្ងៃទី២១ និង២២ នៅតាមខេត្តទាំងអស់។ ហើយ គជប នឹងធ្វើការបូកសរុបដកពិសោធន៍របស់ខ្លួនដែរនៅថ្ងៃទី១២ និង១៣ ខែកក្កដា។ យើងនឹងពិនិត្យចំណុចខ្វះខាត រួមទាំងអនុសាសន៍របស់អង្គការមិនមែនរដ្ឋាភិបាលទៀត ដើម្បីយើងធ្វើការកែលំអក្នុងការបោះឆ្នោតខាងមុខ»។
ចំពោះការរុះរើសមាសភាព គជប លោកទេព នីថា មិនធ្វើអត្ថាធិប្បាយទេ ដោយបញ្ជាក់ថាការជ្រើសតាំងសមាសភាព គជប ជាកិច្ចការរបស់ក្រសួងមហាផ្ទៃ។ សូមបញ្ជាក់ថា គជប គ្រោងនឹងធ្វើការប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់នៅថ្ងៃទី២៤ ខែមិថុនា ខាងមុខនេះ៕
2 comments:
ដរាបណា គជប នៅតែប្រតិភូកម្មអំណាចកិច្ចការបោះឆ្នោតដល់អាជ្ញាធរមូលដ្ឋាន ។ ការបោះឆ្នោតដោយសេរី និងយុត្តិធម៍មិនអាចកើតមានជាដាច់ខាត ។ ព្រោះថាមន្រ្តីទាំងនោះសុទ្ធសឹងជាសកម្មជនដ៏ឆ្នើមរបស់គណបក្សកាន់អំណាច ។ តើមានយុត្តិថម៍ឬទេ បើខ្ឡួនជាគួរប្រកួតផង ជាអាជ្ញាកណ្តាលផង ។ យើងមិនគួរប្រើពាកយថា គណៈកម្មាធិការជាតិរៀបចំការបោះឆ្នោតទេ យើងគួរប្រើពាក្យឲ្យចំថា គណៈកម្មាធិការគណបក្សប្រជាជនរៀបចំការបោះឆ្នោតវិញវាត្រឹមត្រូវជាង ។ ព្រោះថារាល់កិច្ចការបោះឆ្នោតសំខាន់មន្រ្តីគណបក្សប្រជាជនជាអ្នកអនុវត្ត ដូចជា ៖ ការចុះឈ្មោះស្មៀន និងជំនួយការស្មៀនជាអ្នកចុះ ការចេញលិខិតបញ្ជាក់ទីលំនៅចៅសង្កាត់ជាអ្នកបញ្ជាក់ ការលុបឈ្មោះប្រធានភូមិជាអ្នកស្រង់លុប ការចែកប័ណ្ណព័ត័មានប្រធានភូមិជាអ្នកបែងចែក ។ ការជ្រើសមន្រ្តីការិយាល័យរៀបចំការបោះឆ្នោតភាគច្រើនអ្នកទាំងនោះសុទ្ធសឹងជាសាច់ញាតិ បងប្អូនរបស់ចៅសង្កាត់ មេភូមិទាំងអស់ ។ សួរថាតើអ្នកទាំងនោះសុខចិត្តឲ្យគណបក្សរបស់ខ្ឡួនចុះចាញ់ដែរឬទេ ?
ដើម្បីឲ្យមានការបោះត្រឹមត្រូវ សេរី និងយុត្តិធម៍ ទៅបានទាល់តែប្តូប្រព័ន្ធនៃការបោះឆ្នោត ។ យើងមិនត្រូវប្តូរសមាសភាព គ.ជ.ប ទេ ទោះជាយើងដូររាប់ពាន់ដងក៏នៅតែដដែលហ្នឹង ។ ដំណោះស្រាយ ៖
១.ចុះឈ្មោះសារជាថ្មី ដោយចេញជាប័ណ្ណបោះឆ្នោតតែមួយ មិនត្រូវមានឯកសារណាផ្សេងពីនេះឡើយ។
២.ជ្រើសរើសមន្រ្តីចុះឈ្មោះជាសាធារណៈដោយមិនឲ្យមានការពាក់ព័ន្ធជាមួយបងប្អូន សាច់ញាត់របស់គណបក្សកាន់អំណាចឡើយ ។
៣.កំណត់ច្បាប់ថវិការបស់គណបក្សនយោបាយ
៤.បែងចែកប្រព័ន្ធផ្សព្វផ្សាយព័ត៍មានឲ្យស្មើភាព
៥.មន្រ្តីរាជការគ្រប់ក្រសួងមន្ទីរមិនត្រូវបំរើការឲ្យគណបក្សណាមួយឡើយ
៦.ទ្រព្យសម្បត្តិរបស់រដ្ឋទាំងអស់មិនត្រូវយកបំរើឲ្យគណបក្សណាមួយឡើយ ។
៧.រាល់ការចេញឯកសារដែលពាក់ព័ន្ធនឹងការបោះឆ្នោតជាសម្ថកិច្ចរបស គ.ជ.ប ។
បើអាចអាចធ្វើបានទើបអ្នកប្រជាធិបតេយ្យមានសង្ឃឹមអាចស្រោចស្រង់ប្រទេសជាតិបាន ។ បើពុំដូច្នោះទេ មិនយូរមិនឆាប់ស្រុកខ្មែររបស់នឹងក្លាយទៅជាកម្ពុជាក្រោមទី២ជាក់ជាមិនខាន ។
យុវជនខ្មែរចាកចោលស្រុកទៅរការងារធ្វើនៅបរទេស មិនបានវិលត្រឡប់មកបោះឆ្នោតទេ តែយួនហូរចូលរាល់ថ្ងែ មកបោះឆ្នោតជំនួសខ្មែរ ។ សូមបងប្អូនទៅមើលនៅការិយាល័យធ្វើលិខិតឆ្លងដែនក្បែរក្រសួងកសិកម្ម តើក្នុងមួយថ្ងៃមានយុវជនប៉ុន្មាននាក់មកធ្វើលិខិតឆ្លងដែន ជាពិសេសសូមបងប្អូនទៅមើលនៅព្រលានយន្តអន្តរជាតិភ្នំពេញ បងប្អូននឹងដឹងការពិតហើយ ។ ខ្ញុំសូមនិយាយដោយសង្ខេបតែប៉ុណ្ណឹងសិនចុះ ថ្ងៃក្រោយខ្ញុំនឹងនិយាយន្បន្តទៅទៀតអំពីផែនការរបស់យួនលេបយកទឹកដីខ្មែរដោយស្រច្បាប់ ។
២.
អ្វីទៅដែលហៅថា៖ គ ជ ប ? ។
តាមពិតទៅខ្មែរទាំអស់គ្នាត្រូវដូរពាក្យ គ ជ ប
នេះចេញ ? ត្រូវយកពាក្យ ៖ គ ច ប មកជំនួស
វិញទើបត្រូវនឹងស្ថានការណ៏នៅក្នុងប្រទេសសព្វ
ថ្ងៃនេះដែលដឹកនាំប្រទេសដោយក្រុមចោរ។
អាហ៊ុន សែន ជាអតិតចោរលួចគោលួចក្របីពីភូមិ
ដូងស្រុកស្ទឹងត្រងខេត្តកំពង់ចាម យកទៅលក់ឧ្យ
អាហេង សំរិន នៅភូមិអន្លង់ជ្រៃនៅក្នុងស្រុកពញា
ក្រែកខេត្តកំពង់ចាម នៅជាប់ទល់ដែនយួន យក
ទៅលក់ជាបន្តឧ្យទៅយួន ។
អាហ៊ុន សែន ជានាយករដ្ឋមន្ត្រីមេចោរធំនៃព្រះ
រាជាណាចក្រអច្ឆិរិយៈចោរនៅក្នុងប្រទេសខ្មែរ។
ដូច្នេះពាក្យ គ ច ប ជាពាក្យអក្សរកាត់ថាៈ
គណកម្មាធិការចោររៀបចំការបោះឆ្នោតសម្រាប់
លួចសន្លឹកឆ្នោតដើម្បីឧ្យគណបក្សប្រជាជនយួន
នៅកម្ពុជាឈ្នះឆ្នោតរហូតអាចដឹកនាំប្រទេសខ្មែរ
ជារៀងរហូត អាចនឹងបណ្ចូលប្រទេសកម្ពុជាទៅ
នៅក្នុងសហពន្ធឥណ្ឌូចិនដឹកនាំដោយយួន
Post a Comment