តាៗ រួមដំណេក ជាមួយគ្នា ច្រើនដងណាស់ ទៅហើយ តែឥឡូវមិនព្រមចូល រោងការ - Old men refused to get married after sleeping with each others

ហ៊្វុនស៊ិនប៉ិច រណឫទ្ធិ ទើបភ្ជាប់ពាក្យ បានជាង ២០ថ្ងៃ គ្រោងចូល រោងការ ខែក្រោយ ឥឡូវផ្អាក

Friday, 15 June 2012
ដើមអម្ពិល

Synopsis: The plan to merge Funcinpec and the Norodom Ranariddh Party (NRP) into a single political party in order to partake in the upcoming general election seems to go awry and it could even lead to each party walking out from another. The reason? They do not agree on a number of points in this merger, that’s what one high-ranking party official told DAP-news. One sticking issue is the fact that both parties do not agree on the merged party’s political stance in the future. Furthermore, plan for a congress for the united merger is now tossed out. Could it be that Hun Xen did not poor enough cash to sweeten the merger for it to take place?

ភ្នំពេញ ៖ គម្រោង ច្របាច់បញ្ចូលគ្នា រវាងគណបក្ស ហ៊្វុនស៊ិនប៉ិច និងគណបក្ស នរោត្ដម រណឫទ្ធិ ឱ្យទៅជា គណបក្សតែមួយដូចដើមវិញ ដើម្បីចូលរួមធ្វើការ បោះឆ្នោត ជ្រើសរើសតំណាងរាស្ដ្រ នាឆ្នាំ២០១៣ ខាងមុខនេះ ទំនងជាមិនអាចរួបរួមគ្នា ដូចបំណងនោះឡើយ ហើយអាចនឹងឈានទៅដល់ ការចែកផ្លូវគ្នាដើរ រៀងៗខ្លួនដដែល វិញ ដោយសារតែភាគីគណបក្សទាំងពីរ មិនឯកភាពគ្នាទៅលើចំណុចមួយចំនួន ក្នុងការបង្រួបបង្រួមគ្នានេះ នេះបើតាមការបង្ហើបឱ្យដឹង ពីមន្ដ្រីជាន់ខ្ពស់មួយរូប ប្រាប់ដើមអម្ពិល កាលពីម្សិលមិញ ។

ការបង្ហើបពីភាព មិនចុះសម្រុងគ្នាខាងលើ រវាងគណបក្ស ហ្វ៊ុនស៊ិនប៉ិច និងគណបក្ស នរោត្ដម រណឫទ្ធិ ត្រូវបានគេ ជឿជាក់ថា ប្រាកដជាដូច្នេះមែន បន្ទាប់ពីលោក ញឹក ប៊ុនឆៃ បានថ្លែងជាសាធារណៈថា គម្រោងធ្វើសមាជច្របាច់ បញ្ចូលគ្នា រវាងគណបក្សហ្វ៊ុនស៊ិនប៉ិច និងគណបក្ស នរោត្ដម រណឫទ្ធិ នៅខែកក្កដា ឬសីហាខាង មុខនេះ ត្រូវបាន ពន្យារពេលសិនរួចមក ។


នៅព្រឹកថ្ងៃទី១៥ ខែមិថុនា ក្នុងជំនួបសម្ដែងការគួរសម ជាមួយនឹងនាយកថ្មីរបស់អង្គការ IRI នៅទីស្នាក់ការ គណបក្សហ្វ៊ុនស៊ិនប៉ិច លោក ញឹក ប៊ុនឆៃ ដែលជាប្រធាន ប្រតិបត្ដិរបស់គណបក្ស បានថ្លែងថា គម្រោងធ្វើសមាជ ច្របាច់បញ្ចូលគ្នា រវាងគណបក្សហ្វ៊ុនស៊ិនប៉ិច និងគណបក្ស នរោត្ដម រណឫទ្ធិ ដែលគ្រោងនឹងធ្វើនៅខែកក្កដា ឬសីហាខាងមុខនេះ នឹងត្រូវផ្អាកសិន ។ ប៉ុន្ដែលោក ញឹក ប៊ុនឆៃ មិនបានបង្ហើបឱ្យបានលម្អិត ពីមូលហេតុ ដែលនាំឱ្យមានការផ្អាកនេះនោះឡើយ ។

ប្រភពពីមន្ដ្រីមួយរូប បានបង្ហើបប្រាប់ដើមអម្ពិល កាលពីម្សិល មិញថា ការពន្យារពេលនេះ ដោយសារតែការមិនចុះសម្រុងគ្នា លើជំហរនយោបាយរបស់គណបក្ស សម្រាប់ពេល អនាគត នៅក្រោយការច្របាច់បញ្ចូលគ្នា ។ ក្នុងនោះប្រភពបានបន្ដថា តាមពិតគម្រោងធ្វើសមាជ រៀបការបញ្ចូលគ្នាជាគ្រួសារតែមួយ រវាងគណបក្សហ៊្វុនស៊ិនប៉ិច និងគណបក្ស នរោត្ដម រណឫទ្ធិ ត្រូវបានឆាចោល ទៅហើយ ហើយការនិយាយរបស់លោក ញឹក ប៊ុនឆៃ គឺគ្រាន់តែជាភាសានយោបាយ ភាសាការទូតតែប៉ុណ្ណោះ។

សូមបញ្ជាក់ថា គណបក្សហ៊្វុនស៊ិនប៉ិច និងគណបក្ស នរោត្ដម រណឫទ្ធិ បានធ្វើឱ្យមានការភ្ញាក់ផ្អើល នៅមុនបោះ ឆ្នោតជ្រើសរើសក្រុមប្រឹក្សាឃុំ-សង្កាត់ តែប៉ុន្មាន ថ្ងៃប៉ុណ្ណោះ ដោយសារតែថ្នាក់ដឹកនាំ គណបក្សទាំងពីរ ប្រកាស ធ្វើការរួបរួមគ្នា ក្រោមដំបូលគណបក្សតែមួយវិញ គឺគណបក្សហ្វ៊ុនស៊ិនប៉ិច ហើយបានធ្វើពិធីចុះ ហត្ថលេខា លើអនុស្សារណៈយោគយល់ និងរួបរួមគ្នាជាសក្ខីភាពថែមទៀតផង កាលពីថ្ងៃទី២៦ ខែឧសភា ឆ្នាំ២០១២កន្លង ទៅនេះ ។ ប៉ុន្ដែឥឡូវបែរជាធ្លាយព័ត៌មាន នៃការមិនចុះសម្រុងគ្នាវិញ ដែលគេអះអាងថា ដោយសារតែការមិន ឯកភាពគ្នា ទៅលើជំហរនយោបាយ សម្រាប់ក្រោយការបង្រួបបង្រួមគ្នា គឺជាមូលហេតុសំខាន់ ដែលនាំឱ្យមិន អាចរួបរួមគ្នាបាននេះ៕