+02.jpg) |
| ខៀវ សំផន គឺជាជនជាប់ចោទម្នាក់ក្នុងសំណុំរឿង០០២។ |
.jpg)
សាក្សីបញ្ជាក់ថាខៀវ សំផនជាមនុស្សស្មោះត្រង់បក្សកុម្មុយនិស្ត
ខៀវ សំផន ជាមនុស្សស្មោះត្រង់នឹងបក្សកុម្មុយនិស្តកម្ពុជាយ៉ាងប្តូរផ្តាច់ដោយសុខចិត្តលះបង់គ្រប់បែបយ៉ាង។
ថ្ងៃពុធ, 15 សីហា 2012
By គង់ សុឋានរិទ្ធ វីអូអេ
មុននឹងបញ្ចប់ការផ្តល់សក្ខីកម្ម លោក អុង ថុងហឿង បាននិយាយថាជនជាប់ចោទអៀង សារី បានតែងតាំងលោកហោ ណាំហុង ឲ្យធ្វើជាប្រធាន ប៣២។ ប៣២ ដែលជាផ្នែកមួយនៃគុកបឹងត្របែកភ្នំពេញ៖ សាក្សីម្នាក់គឺលោក សួង ស៊ីគឿន បានប្រាប់អង្គជំនុំជម្រះសាលាដំបូងរបស់សាលាក្តីខ្មែរក្រហមនៅថ្ងៃអង្គារនេះថា ខៀវ សំផន ជាមនុស្សស្មោះត្រង់នឹងបក្សកុម្មុយនិស្តកម្ពុជាយ៉ាងប្តូរផ្តាច់ដោយសុខចិត្តលះបង់គ្រប់បែបយ៉ាង។
អតីតអនុប្រធានផ្នែកពិធីការនៅក្រសួងការបរទេសខ្មែរក្រហមរូបនេះ បានឆ្លើយតបទៅនឹងសំណួររបស់សហមេធាវីអន្តរជាតិរបស់ខៀវ សំផនថា៖
«ចំពោះលោកខៀវ សំផន ខ្ញុំស្គាល់គាត់ច្បាស់ណាស់។ គាត់មិនទាមទារនាទីដឹកនាំអ្វីធំដុំទេ។ គាត់ប្រគល់ខ្លួនរបស់គាត់ទៅឲ្យបក្ស ស្រេចតែបក្សវិនិឆ្ឆ័យថាគាត់អាចបំពេញភារកិច្ចល្អប្រសើរនៅកន្លែងណា»។
កាលពីពេលផ្តល់សក្ខីកម្មលើកដំបូងលោក សួង ស៊ីគឿន ធ្លាប់បានប្រៀបប្រដូចអតីតប្រមុខរដ្ឋខ្មែរក្រហម ខៀវ សំផន ទៅនឹងព្រះពុទ្ធដែលមានន័យថាជាមនុស្សស្អាតស្អំ។ នៅថ្ងៃនេះសាក្សីបានបញ្ជាក់បន្ថែមថា ខៀវ សំផន ជាមនុស្សដែលមិនមានអំណាចនោះទេហើយគឺប៉ុល ពត មេស្ថាបនិកនៃរបបកាប់សម្លាប់ខ្មែរក្រហមទេជាអ្នកមានអំណាចផ្តាច់មុខ។
លោកសួង ស៊ីគឿន លើកឡើងថា ខៀវ សំផន មានជំនឿស៊ុបទៅនឹងបក្សកុម្មុយនិស្ត។
«គាត់ក៏ដូចខ្ញុំដែរ ពេលនោះគាត់មានជំនឿលើបក្សកុម្មុយនិស្តកម្ពុជា ហើយជំនឿនេះនៅមុនឆ្នាំ ១៩៧៥ គឺថាបក្សកុម្មុយនិស្តកម្ពុជាបានសម្រេចសមិទ្ធិផលយ៉ាងសន្ធោសន្ធៅដែលធ្វើឲ្យយើងខ្ញុំទាំងអស់គ្នាមានការកក់ក្តៅហើយមានជំនឿ»។
ខៀវ សំផន គឺជាជនជាប់ចោទម្នាក់ក្នុងសំណុំរឿង០០២។ ជនជាប់ចោទពីរនាក់ផ្សេងទៀតមាន នួន ជា អតីតប្រធានសភាខ្មែរក្រហមនិងអៀង សារី អតីតរដ្ឋមន្ដ្រីការបរទេស។ រីឯ អៀង ធីរិទ្ធ ដែលជាប្រពន្ធរបស់លោក អៀង សារី មិនត្រូវបាននាំយកមកកាត់ទោសទេដោយសារបញ្ហាសុខភាព។
ការផ្តល់សក្ខីកម្មរបស់លោក សួង ស៊ីគឿន បានឆ្លាស់គ្នាជាមួយសាក្សី អុង ថុងហឿង ដែលបានបញ្ចប់ការផ្តល់សក្ខីកម្មរបស់ខ្លួននៅរសៀលថ្ងៃនេះ។
មុននឹងបញ្ចប់ការផ្តល់សក្ខីកម្ម លោក អុង ថុងហឿង បាននិយាយថាជនជាប់ចោទអៀង សារី បានតែងតាំងលោកហោ ណាំហុង ឲ្យធ្វើជាប្រធាន ប៣២។ ប៣២ ដែលជាផ្នែកមួយនៃគុកបឹងត្របែក៕
No comments:
Post a Comment