Sourn Serey Ratha's response to Lim Piseth of the Free Press Magazine

សូមជំរាបសួរ បង ឡឹម ពិសិដ្ឋ

ខ្ញុំបាទបានអានលិខិតរបស់បុគ្គលម្នាក់នោះហើយ។ សុភាសិត ខ្មែរមួយ បាន ចែងថា « ចេះឯង អោយក្រែងចេះគេ” ហើយក៏គ្មាន បុគ្គលណាម្នាក់ មកតាំងខ្លួន ធ្វើជាអាទិទេព ទៅសង្គ្រោះជាតិខ្មែរម្នាក់ឯងបានទេ ។ ដូច្នេះ បើសិន ធ្វើជាមេដឹកនាំ ក៏ត្រូវមាន សុជីវធម៌ និង សីលធម៌ ធ្វើជាគំរូដើម្បីដឹកនាំគេដែរ ។

សូមអរគុណបង!

គុជ លី

ជំរាបជូន លោក ឡឹម ពិសិដ្ឋ,

ខ្ញុំអគុណ នូវការបកស្រាយដ៏អន្លង់អន្លោចរបស់លោក និងអគុណនូវការឆ្លើយតបដែលលោកបានបញ្ជាក់ថា ពាក្យ ដែលលោកចោទប្រកាន់មកលើ ចលនា អំណាចពលរដ្ឋខ្មែរ ថាជា ចលនាមួយមានបំណងផ្តួលរំលំ រដ្ឋាភិបាលដោយកម្លាំងប្រដាប់អាវុធនោះ គឺលោក និយាយតាម លោក ហ៊ុន សែន ទេ ។ នេះហើយទើប សម ជាអ្នកសារព័ត៌មាន ដែលប្រើវិជ្ជាជីវៈ កុំនិយាយជាប់មាត់ អត់ប្រធាន អត់កិរិយា អត់កម្មបទ ដូចកាលពីថ្ងៃមុន ដែលចោទ មកលើ ចលនា អំណាចពលរដ្ឋខ្មែរ ហើយមិនបានលើកប្រាប់អ្នកស្តាប់ថា លោក និយាយតាម លោក ហ៊ុន សែន នោះ ។

អ្វីដែលខ្ញុំ ចង់បាន គឺបានរួចហើយ នោះគឺ លោបាននិយាយថា លោកនិយាយចោទមកលើ ចលនា អំណាចពលរដ្ឋខ្មែរ ថា ជា ចលនា មានបំណងចង់ផ្តួលរំលំរដ្ឋាភិបាល ដោយកម្លាំងប្រដាប់អាវុធនោះ គឺលោក និយាយតាមលោក ហ៊ុន សែន ទេ គ្រាន់តែកាលពីថ្ងៃទី ២១ ខែកក្កដា ប្រហែលជាលោកមិនចង់ប្រាប់អ្នកស្តាប់ ថា លោក និយាយ ចោទប្រកាន់ ចលនា អំណាចពលរដ្ឋខ្មែរ តាមពាក្យ លោក ហ៊ុន សែន ។

ចំពោះខ្ញុំនិងលោក បើលោក ចង់បូបាច់បំប៉ោង វែងអន្លាយដល់ណាក៏ទៅតាមចិត្តលោកចុះ ខ្ញុំមិនខ្វល់នឹងលោក ទេ ព្រោះលោកមិនមែនជាមនុស្ស ដែលត្រូវខ្ញុំត្រូវយកចិត្តទុកដាក់នោះទេ ។ អ្វីដែលខ្ញុំយកចិត្តទុកដាក់ គឺ ចលនា អំណាចពលរដ្ឋខ្មែរ និងសមាជិក របស់​ ចលនា គឺមិនអោយអ្នកសារព័ត៌មាន «អ្នកក្រសែត» ណាម្នាក់ មកលាបពណ៌ ចោទប្រកាន់ ឬដាក់ឈ្មោះតាមតែអំពើរចិត្ត របៀបដូចលោក ហ៊ុន សែន ចង់បាន​ ដែលត្រូវ ទាញ យក​ ចលនា អំណាចពលរដ្ឋខ្មែរ ថាជា ចលនា ប្រដាប់អាវុធ នោះទេ ព្រោះយើងមានច្បាប់ ធ្វើតាមច្បាប់ និងប្រឆាំងនូវរាល់រូបភាព ហឹង្សាប្រដាប់អាវុធ ។

ចំពោះក្រុមមនុស្សមួយចំនួន ដែលលោក លើកឡើង ដែលដែលត្រៀមខ្លួនទៅរួមចំណែកជាមួយលោក ដើម្បី ជួយធ្វើសង្រ្គាមជាមួយនឹងខ្ញុំនោះ សូមលោកសហការជាមួយដោយរីករាយចុះ ។​


បញ្ហាមួយដែលខ្ញុំ ត្រូវបំភ្លឺនាពេលនេះ គឺកិច្ចសំភាសរបស់ខ្ញុំ ជាមួយនឹងលោក ម៉ាញ ញ៉ាឬទ្ធិ កាលពីពេលដែល ពួកភ្នំពេញ ប្រមូលដុតទស្សនាវដ្តីរបស់លោកនោះ ខ្ញុំថា វាជាកំហុសរបស់លោក ទេ ពីព្រោះបើលោក មិនសរសេរដាក់ឈ្មោះរបស់ខ្ញុំនៅលើទំព័រផ្សាយ ជា ចាងហ្វាងនយោបាយ និងមិនសរសេរដាក់ថា ឩបត្ថម្ភការបោះពុម្ពផ្សាយ ដោយៈ គណកម្មាធិការប្រព្រឹត្តិកម្មខ្មែរ ដើម្បីយុត្តិធម៌ និងសមធម៌ (CACJE) ដែលមាន ខ្ញុំជាប្រធានទេនោះ ក៏ប្រហែលលោក ម៉ាញ ញ៉ាឬទ្ធិ នៃ វិទ្យុអាស៊ីសេរី មិនយល់ច្រឡំថា ទស្សនាវដ្តី នោះជារបស់ខ្ញុំនោះទេ (សូមមើល សំណៅដើម ទស្សនាវដ្តីរបស់លោក) ។ ដូច្នោះ កាលណោះខ្ញុំសំភាស និយាយថា ទស្សនាវដ្តីនេះ ជាគំរោងរបស់ គណកម្មាធិការប្រព្រឹត្តិកម្មខ្មែរ​ដើម្បីយុត្តិធម៌ និងសមធម៌ (CACJE) តើមានអីខុស? ព្រោះលោកទទួលប្រាក់ជំនួយ ៥០០ ដុល្លា សម្រាប់បោះពុម្ពផ្សាយ ក្នុងមួយលេខ ។

ចំណែកលោក ធ្លាប់បានប្រើឈ្មោះផ្សេង ធ្វើជាអ្នកនាំពាក្យ អោយ គណកម្មាធិការប្រព្រឹត្តិកម្មខ្មែរ ដើម្បីយុត្តិធម៌ និងសមធម៌ (CACJE) ប្រចាំនៅប្រទេសខ្មែរនោះ តើលោកនៅចាំឈ្មោះខ្លួនេងទេ? ឬមួយក៏លោកចង់អោយខ្ញុំ និយាយរំលឹកប្រាប់លោកដែរ? ចំណែករឿងផ្សេងទៀតដែលលោកនិយាយជាមួយខ្ញុំ និងបានយល់ព្រមជាមួយខ្ញុំ ហើយធ្វើមិនបាន​នោះ ខ្ញុំក៏មិនចាំបាច់ទៅលើកយកមករ៉ាយរាប់អី រំលឹកលោកវិញនោះដែរ ព្រោះយើងគ្រាន់តែជាស្គាល់គ្នា ដោយមិនដែលជួបមុខគ្នាតែប៉ុណ្ណោះ ។

ខ្ញុំសូមជំរាបលោកថា ខ្ញុំមិនខ្លាចទេ តែខ្ញុំដើរចៀសមនុស្សដែល ជុះលាមក៍ចេញមកហើយៗ ក្លាហាន ហ៊ានទំពៀរលេបលាមក៍របស់ខ្លួនចូលទៅវិញ ដោយសារតែខ្លាចគេដឹងថាខ្លួនស៊ីជុះផ្តេសផ្តាស់ ។

ឯរឿងថវិកា ដែលលោកនិយាយថា ទទួលលុយពី សួន សេរីរដ្ឋា គឺ​ សួន សេរីរដ្ឋា ប្រើអស់សាច់ និងប្រើអោយទៅ ស្លាប់ ដោយមិនគិតថា អ្នកនោះជាមិត្តភក្តិ ដែរ នោះ ខ្ញុំសូម ជំរាបលោកថា លុយដែលខ្ញុំ អោយទៅលោកក្តី ឬអោយទៅអ្នកណាក្តី ដែលយកទៅធ្វើការដើម្បីរំដោះជាតិ មិនមែនជាលុយរបស់ខ្ញុំទេ ដូច្នោះ បើសន្យាថាធ្វើបាន ទទួលយកលុយហើយត្រូវតែធ្វើ តាមសកម្មភាពដែលបានសន្យាថាធ្វើ និងបើធ្វើ មិនបានត្រូវមានមូលហេតុច្បាស់លាស់ ឬបង្វិលលុយមកអោយក្រុមវិញ ។ ចំពោះការងារគ្រោះថ្នាក់​ច្រើន ឬ តិច នោះ ពេលមុនទទួលលុយទៅធ្វើការ គឺគ្រប់គ្នាសុទ្ធដឹងអសើហើយថា ធ្វើការប្រឆាំងរបប ហ៊ុន សែន​ ពោល គឹមិនមែនយកលុយគេជួយ ដើរស៊ី ដើរផឹក នោះទេ ។

ចុងក្រោយខ្ញុំសូមបញ្ចាក់ប្រាប់លោកថា រឿងខ្ញុំថានឹងប្តឹងលោកនោះ ឥឡូវនេះខ្ញុំអត់ប្តឹងលោកទេ ព្រោះទោះបីលោក មាត់រឹង មិនព្រមសុំទោស សមាជិក សមាជិកា ចលនា អំណាចពលរដ្ឋខ្មែរ តែលោកបានសារភាពក្នុងការសំភាសថ្ងៃទី ៣១ កក្កដា នេះហើយថា លោកនិយាយតាម លោក ហ៊ុន សែន ទេ ។ ហើយ ខ្ញុំក៏មិនដឹងដែរថា លោកខំនិយាយតាមលោក ហ៊ុន សែន ចោទមកលើ ចលនា អំណាចពលរដ្ឋខ្មែរ​ នេះលោក បានអ្វីពីលោក ហ៊ុន សែន ដែរ ។ តែសូមលោកបន្តកិច្ចការរបស់លោក តទៅទៀតចុះ អ្នកស្តាប់គេមានត្រចៀក គេមានខួរក្បាល និងគេមានការចងចាំ ។

ចំលងជូន តាមអ៊ីម៉ែល​ ដល់សាខា ចលនា អំណាចពលរដ្ឋខ្មែរ ទូទាំងពិភពលោក !

សូមអគុណ !
--
SOURN SEREY RATHA
President of Khmer People Power Movement (KPPM)