សមត្ថកិច្ចនាំខ្លួន លោក ឌឿន សុវណ្ណ ទៅសាកសួរ ក្រោយដកហូត តំណែង

មិនមែនជារឿងថ្មីទេដែល ហ៊ុន សែន ចាត់ការពួក​មន្រ្តី​ដែលគាំទ្រ ជា ស៊ីម ព្រោះ ហ៊ុន សែន ចង់ឲ្យ ជា ស៊ីម ប្រគល់តំណែងប្រធានគណបក្សប្រជាជនឲ្យខ្លួន ចំណែក ជា ស៊ីម វិញ កុំថាឡើយជួយដល់ក្រុមមន្ត្រីដែល​ស្មោះ​និង​ខ្លួន​ សូម្បីតែជួយខ្លួនឯងមិនបានផង ។

ដោយៈ ដើមអម្ពិល (DAP)-ID: 009 

ភ្នំពេញៈ យោងតាមប្រភពព័ត៌មានពីមន្រ្តីនគរបាល ជាន់ខ្ពស់ នៃក្រសួងមហាផ្ទៃ បានឲ្យដឹងថា លោក ឌឿន សុវណ្ណ ដែលមានឋារនន្តរស័ក្តិ ថ្នាក់ឧត្តមសេនីយ៍ពាក់ផ្កាយ៣ និងជាទីប្រឹក្សា​ក្រសួងមហាផ្ទៃ ត្រូវ បានកម្លាំងសមត្ថកិច្ច នាំខ្លួនទៅសួរនាំនៅរសៀលថ្ងៃសៅរ៍ ទី១៣ ខែតុលា ឆ្នាំ២០១២នេះ បន្ទាប់ពីដក ហូតតំណែង។

សមេ្តចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ពីស្រុកស្ទឹងត្រង់ ខេត្ត​កំពង់ចាម កាលពីព្រឹកថ្ងៃទី១៣ ខែតុលា បានបញ្ជាឲ្យអគ្គស្នងការនគរបាលជាតិ និងក្រសួងដែនដី ចាត់វិធានការ តាមផ្លូវច្បាប់លើលោក ឌឿន សុវណ្ណ និងដកហូតតួនាទីចេញពីក្របខណ្ឌអគ្គ​ស្នងការដ្ឋាននគរបាល ជាតិ។

សម្តេចតេជោបានថ្លែងទៀតថា ការដកហូតតំណែងមន្ត្រីនគរបាលផ្កាយបី រូបនេះ គឺពាក់ព័ន្ធ​នឹងបញ្ហាដីធ្លី នៅខេត្ត ពោធិ៍សាត់ ដោយសារតែ លោក ឌឿន សុវណ្ណ បង្ខិតបង្ខំអាជ្ញាធរមូលដ្ឋាន និងយុវជនស្ម័គ្រចិត្ត របស់សម្តេចតេជោឲ្យវាស់វែងដីឲ្យខ្លួន៕