2012-10-25
ដោយ សុខ សេរី
Radio Free Asia
Click here to listen to the audio program:
អ្នកនាំពាក្យគណបក្ស សម រង្ស៊ី លោក យឹម សុវណ្ណ និងជាតំណាងរាស្ត្រ នៅថ្ងៃទី២៥ ខែតុលា បានសម្ដែងការសោកស្ដាយយ៉ាងខ្លាំង ដោយសារតែលិខិតលើកទី៣ របស់លោក សម រង្ស៊ី ចុះថ្ងៃទី២២ ខែតុលា កន្លងទៅនេះ ត្រូវបានរដ្ឋាភិបាលច្រានចោលជាថ្មីទៀត។
លិខិតនោះ គឺលោក សម រង្ស៊ី បានសុំការអនុញ្ញាតដើម្បីចូលមកកម្ពុជា គោរពព្រះវិញ្ញាណក្ខន្ធនៃព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ។
លិខិតលើកទី៣ នោះ គឺមានខ្លឹមសារដូចលិខិតលើកទី១ និងលើកទី២ ដែរ។ លិខិតទាំងនោះ គឺលោក សម រង្ស៊ី បានផ្ញើជូនលោក ជា ស៊ីម ប្រធានគណៈកម្មាធិការជាតិរៀបចំបុណ្យព្រះបរមសព នៃព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ និងលោកនាយករដ្ឋមន្ត្រី ហ៊ុន សែន ជាអនុប្រធាន ប៉ុន្តែលិខិតទាំងនោះ ត្រូវបានគេបញ្ជូនមកគណបក្ស សម រង្ស៊ី វិញ ដោយគ្មានការបញ្ជាក់អំពីមូលហេតុឡើយ។
ដោយឡែក លិខិតដូចគ្នានេះ បានផ្ញើជូនលោក ហេង សំរិន ជាអនុប្រធាននៃគណៈកម្មាធិការជាតិនេះដែរ ប៉ុន្តែលិខិតនោះមិនត្រូវបញ្ជូនត្រឡប់មកវិញទេ ហើយក៏គ្មានចម្លើយតបវិញដែរ។
អ្នកនាំពាក្យគណបក្ស សម រង្ស៊ី លោក យឹម សុវណ្ណ និងជាតំណាងរាស្ត្រ បានមានប្រសាសន៍ថា លោកមានការសោកស្ដាយចំពោះឥរិយាបថបែបនេះ៖ «ឯកឧត្តមប្រធាន លោក សម រង្ស៊ី លោកសម្ដែងកាយវិការទន់ភ្លន់គាំទ្រព្រះរាជតម្រិះ ព្រះមហាវីរក្សត្រ ព្រះរាជតម្រិះ ក្នុងការបង្រួបបង្រួមជាតិ ឯកភាពជាតិ ដូច្នេះយើងមានការសោកស្ដាយ ដែលរដ្ឋាភិបាលមិនបានយកលិខិតនោះទៅពិចារណា បែរជារុញទៅរុញមក យើងខ្ញុំយល់ថា នេះជារឿងមួយគួរឲ្យសោកស្ដាយមែនទែន»។
ប្រតិកម្មទៅនឹងការចោទប្រកាន់នេះ អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានមានប្រសាសន៍ពន្យល់ថា លិខិតនោះមិនបានឆ្លើយតបនឹងនីតិវិធី ហើយរដ្ឋាភិបាលបានពិនិត្យមើលយ៉ាងយកចិត្តទុកដាក់លើខ្លឹមសារលិខិតនោះ គឺមិនបានឆ្លើយតបទៅនឹងអ្វីដែលរដ្ឋាភិបាលកំពុងតែពង្រឹងនីតិរដ្ឋ។
ព្រះរាជក្រឹត្យចុះថ្ងៃទី១៦ ខែតុលា ឆ្នាំ២០១២ កន្លងមកនេះ បានបង្កើតគណៈកម្មាធិការជាតិមួយ និងបានតែងតាំងប្រធាន និងអនុប្រធាន និងសមាជិក សរុបចំនួន ៤៩នាក់ ដើម្បីរៀបចំបុណ្យព្រះបរមសព នៃព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ ដែលបានយាងចូលទិវង្គតនៅថ្ងៃទី១៥ ខែតុលា ឆ្នាំ២០១២ កន្លងមកនេះ នៅមន្ទីរពេទ្យ នៅទីក្រុងប៉េកាំង ប្រទេសចិន៕
3 comments:
Sam Rainsy, your letters: please to three top leaders of the CPP and supports 23 October as a holiday will not help you to return back to Cambodia. In order to get forgiveness from PM Hun Sen, you must eat all your words for the last 4 years that have insulted PM and the CPP. Plus sincere apology to PM Hun Sen.
Pi Anh.
ពិនិត្យមើលទៅ លោកយឹម សុវណ្ណ ហាក់ដូចជា
មាន សេចក្តីស្រេកឃ្លានដ៏ពន់ប្រមាណ។ទាំងនេះ
ក៏ជាល្បិចរបស់ពួកលោភលន់អំណាច សំដែង
ឆាកកំប្លែងបំភ័ន្តភ្នែកប្រជាពលរដ្ឋខ្មែរ។
Pi Anh Trou de Cul,
Hun Sen and his clan are not respected Paris Peace Agreements of 1991. In addition, Hun Sen signed a supplementary treaty in 2005. The reason why the people who live along the border lost land Khmer Youn . They cry all day but Hun Sen did not even think one second loss a lot of land. Hun Sen took this dated October 23, 1991 to tell the people that I am the defendant of sovereignty but the reality is something else. History will judge.
------------
Hun Sen et son clan ne sont pas respectés des accords de Paix de Paris de 1991. En plus, Hun Sen a signé le traité supplémentaire en 2005. La raison pour laquelle le peuple qui vivent tout au long de la frontières Khmer Youn ont perdu la terre. Ils pleurent tous les jours mais Hun Sen ne pense même pas une seconde de la perte énormément de la terre. Hun Sen a pris cette date du 23 octobre de 1991 pour dire au peuple que je suis le défendeur de la souveraineté mais la réalité est autre chose. Histoire le jugera.
Post a Comment