ខ្មែរអត់ត្រកូល (បទកាកគតិ)

.

ខ្មែរអើយប្រយ័ត្ន         បើប្រហែសបាត់         អត្តៈយើងហើយ
គួរយើងរៀបចំ            កុំធ្វើព្រងើយ              រៀបខ្លួនយើងហើយ
                                    ទើបរៀបគេបាន ។
រៀបចំត្រកូល             សង្គមទាំងមូល         ស្របតាមលំអាន
កុំដូរផ្តេសផ្តាស់          ដូរប៉ះពាល់ដាន        សត្រូវរុករាន
                                    គ្មានពេលទំនេរ ។
ត្រូវខំថែថួន                ត្រកូលរៀងខ្លួន        រៀនសូត្រតាមគេ
ងាយស្រួលចំណាំ      សាវតាពូជកេរ្តិ៍         បើមិនរិះរេ
                                    ជាតិសាសន៍នឹងសូន្យ។
បើដូរផ្តេសផ្តាស់         ត្រកូលជាតិសាសន៍    ឪពុកតកូន
បាត់ពូជបាត់ធា           ទួតតាបងប្អូន              ពូជខ្មែរនឹងសូន្យ
                                     ពេលមួយមិនខាន ​។
ពូជសត្រូវខ្លួន               ដូរដាក់បាត់យួន          បាត់ដួនបាត់ដាន
យើងពិបាកយល់         អំពល់រំខាន                  គេអាចក្លែងបាន
                                     ប្រវត្តិដូនតា​​​ ។
ត្រឹមរូបហ៊ុនសែន         ពិបាកមែនទែន            ឲ្យខ្មែរឈឺផ្សារ
ធ្វើការឲ្យយួន               ដើរពេញក្រឡា            គ្មានគិតពូជធា
                                     ជាតិសាសន៍ខ្លួនឡើយ។
ឬមួយហ៊ុនសែន          ចូលសាសន៍មែនទែន     ជាយួនរួចហើយ
បើមិនដូច្នោះ               ម្តេចធ្វើព្រងើយ                យួនប្លន់ដីហើយ
                                     នៅទ្រគេទៀត ។
នេះឬកូនខ្មែរ               យួនប្លន់ហូរហែ                នៅតែចូលបៀត
ទឹកដីរួញអស់              គ្មានយសខំឆ្លៀត             តបគុណយួនទៀត
                                     ចោលម្សៀតមែនទែន។
​                                                                              ៨​​ ​កញ្ញា ២០០០ Anonymous said...