ជោរសែនចេះឈឺចាប់ពេលឮគេហៅអាខ្វាក់

ជេរ គេ វា គ្រាន់ តែ គេ ជេរ ទាន់ វា ចុក ក្រែល!

សម្តេច ហ៊ុន សែន ស្នើឱ្យមាន ការបញ្ឈប់ការ ហៅជនពិការថា "អាខ្វាក់ អាខ្វិន"

Monday, 03 December 2012 
ដោយ៖ ដើមអម្ពិល : (DAP)

ភ្នំពេញ៖ ក្នុងឱកាសចូល រួមអបអរសាទរ ទិវាជនពិការ នៅព្រឹកថ្ងៃទី៣ ខែធ្នូ ឆ្នាំ២០១២នេះ សម្តេចតេជោហ៊ុន សែន បានអំពាវនាវ សារជាថ្មីទៅដល់សាធារណៈជនទាំងអស់ ត្រូវបញ្ឈប់ការម៉ាក់ងាយមកលើជនពិការដោយការហៅអាខ្វាក់រឺអាខ្វិនជាដើម។

សម្តេចតេជោ ហ៊ុន សែន នាយករដ្ឋមន្រ្តី កម្ពុជាមានប្រសាសន៍នៅក្នុងពិធីអបអរសាទរទិវា ជនពិការលើកទី១៤ ទិវាជនពិការ អន្តរជាតិ លើក ទី៣០ និងពិធីបើកសិក្ខាសាលាស្តីពីការដាក់បញ្ចូល ពិការភាព នៅក្នុងការអភិវឌ្ឍ ការផ្សព្វផ្សាយរបាយ ការណ៍ពិភពលោក ស្តីពីពិការភាព និងអនុសញ្ញាស្តីពីសិទ្ធិជនពិការ ដែលប្រារព្ធធ្វើឡើងនៅសាលសន្និសីទកោះពេជ្រ នាព្រឹកថ្ងៃចន្ទ ទី០៣ ខែធ្នូឆ្នាំ២០១២ នេះដោយសូមអំពាវនាវជាសាធារណៈ ទាក់ទិនទៅនឹងការម៉ាក់ងាយជនពិការ ដែលពាក្យសម្តីទាំងនោះ ធ្វើឲ្យអ្នកពិការឈឺចាប់ ដូចជា ការ ប្រើពាក្យអាខ្វាក់អាខ្វិន ដូច្នេះសូមបញ្ឈប់ ការប្រើប្រាស់ពាក្យអសុរោះទាំងនោះ នោះក៏ព្រោះតែសម្តេចផ្ទាល់ ក៏ឈឺចាប់ដែរ ពេលដែលគេប្រើពាក្យ យ៉ាងដូច្នេះមកលើសម្តេច ។

សម្តេចតេជោ ហ៊ុន សែន បានមានប្រសាសន៍ថា «ខ្ញុំជាជន ពិការម្នាក់ ក្នុងចំណោម ជនពិការនៅកម្ពុជា»។“ជាក់ស្តែងខ្លួនខ្ញុំផ្ទាល់ក៏ធ្លាប់ត្រូវបានគេហៅអាខ្វាក់ ខ្ញុំមានការឈឺចាប់ជាពន់ពេក ទៅលើបញ្ហានេះ សូមអំពាវនាវឲ្យបញ្ឈប់ទាំងស្រុង នូវពាក្យពេចន៍ដ៏អាក្រក់ ហើយដែលសង្គមស្អប់ខ្ពើម។ ខ្ញុំគិតថា ជនរួមជាតិរបស់យើងអាចទទួលយកបាននូវការអំពាវនាវនេះ”។

សម្តេចបានបន្តថា គ្រោះថ្នាក់ចរាចរ និងគ្រាប់មីនមិនទាន់ផ្ទុះ បានធ្វើឲ្យមានភាពពិការ ដូច្នេះសម្តេច សូមអំពាវនាវឲ្យបងប្អូនទាំងអស់ បើមិនស្រឡាញ់ជីវិតអ្នកដទៃ ត្រូវស្រឡាញ់ជីវិតខ្លួនឯងផង មួយ ប៉ព្រិចធ្វើឲ្យអ្នកដទៃពិការ។

ក្រៅពីនេះ សម្តេចនាយករដ្ឋមន្រ្តី បានស្នើឲ្យលោក អ៊ិត សំហេង រដ្ឋមន្រ្តីក្រសួងសង្គមកិច្ចនិងអតីតយុទ្ធជន ត្រួតពិនិត្យមើល របាយការណ៍នៅចុងខែធ្នូ ឆ្នាំ ២០១២ ថា តើក្រសួងណាខ្លះ បានធ្វើ និងក្រសួងណាខ្លះមិនបានធ្វើ ទាក់ទិនទៅនឹងអនុក្រឹតរបស់រាជ រដ្ឋាភិបាល ដែលតម្រូវឲ្យជ្រើសរើសជនពិការចូលបម្រើការងារតាមមន្ទីរ និងក្រសួងរបស់រដ្ឋឲ្យបាន២ភាគរយ និងឯកជន១ភាគរយ ដោយសម្តេចបានបញ្ជាក់ថា ក្រសួងនានា ត្រូវពិនិត្យមើលចំពោះបញ្ហានេះ៕