កម្មករ កម្មការិនី ធ្វើកូដកម្មនាពេលកន្លងមក
Monday, 21 January 2013
រ៉ាន់ រើយ
ភ្នំពេញប៉ុស្តិ៍
ភ្នំពេញៈសមាគមរោងចក្រកាត់ដេរកម្ពុជាបានបង្ហាញ
ពីក្តីបារម្ភថាការផ្ទុះឡើងធ្វើកូដកម្ម
និងបាតុកម្មនៅតាមបណ្តារោងចក្រនៅឆ្នាំនេះនិងធ្វើឲ្យវិស័យកាត់
ដេរប្រឈមនឹងបញ្ហានៃការបញ្ជាទិញ។
លោក វ៉ាន់ ស៊ូអៀង
ប្រធានសមាគមរោងចក្រកាត់ដេរនៅកម្ពុជាបានឲ្យដឹងថាបាតុកម្មក្នុង
ពេលថ្មីៗមិនមែនជាសញ្ញាល្អសម្រាប់វិស័យកាត់ដេររបស់កម្ពុជាទេ។
លោកបន្តថា៖
«ប្រសិនបើបាតុកម្មកើតឡើងច្រើនដូច្នេះយើងនឹងខាតបង់នៅក្នុង
ឆ្នាំនេះវាមិនល្អសោះ!
បើគេធ្វើបាតុកម្មបែបនេះតើអ្នកណាទទួលខុសត្រូវចំពោះការខាតបង់
»។
លោក ជាតិ ខេមរា
មន្រ្តីជាន់ខ្ពស់នៃសមាគមរោងចក្រកាត់ដេរកម្ពុជាក៏បានលើកឡើងដែរ
ថាការធ្វើបាតុកម្មនេះបានប៉ះពាល់ដល់អ្នកទិញដែលបានចុះកុងត្រា
រួចជាមួយភាគីរោងចក្រដោយមានកាលបរិច្ឆេទត្រឹមត្រូវសម្រាប់ការ
ផលិតនិងបញ្ជូនទំនិញ។
លោកបានថ្លែងថា៖«បើពួកគេធ្វើបាតុកម្មវាមានផលប៉ះពាល់ពិត
ប្រាកដសម្រាប់រោងចក្រ។ផលប៉ះពាល់គឺទំនិញផលិតមិនទាន់ពេលហើយយើង
មិនដឹងថាតើអ្នកបញ្ជាទិញអនុញ្ញាតឲ្យពន្យារពេលឬក៏អត់។បើគេមិន
អនុញ្ញាតភាគីរោងចក្រជាអ្នកខាតបង់ធ្ងន់ធ្ងរហើយទទួលខុសត្រូវ
រាល់ការចំណាយតាមកិច្ចសន្យាក្នុងករណីទំនិញបញ្ជូនមិនទាន់ពេល»។
លោក អាត់ ធន់ ប្រធានសហភាពការងារកម្ពុជាបានប្រាប់ភ្នំពេញ
ប៉ុស្តិ៍កាលពីសប្តាហ៍មុនថាយ៉ាងហោចណាស់ក៏មានកម្មករប្រមាណ១ម៉ឺន
នាក់មកពីរោងចក្រចំនួន៨បានផ្ទុះការតវ៉ានៅដើមឆ្នាំនេះ។ការ
តវ៉ានោះគឺទាមទារដំឡើងប្រាក់ខែនិង
លក្ខខណ្ឌការងារកាន់តែប្រសើរជាងមុន។
លោកបានទទួលស្គាល់ថាការធ្វើបាតុកម្មនាំឲ្យខាតបង់មិនត្រឹមតែ
ភាគីរោងចក្រទេតែកម្មករក៏ខាតបង់ដែរ
តែជម្រើសបាតុកម្មជាជម្រើសចុងក្រោយបង្អស់ពេលដែលសំណើរបស់គេត្រូវ
បដិសេធនិងគ្មានដំណោះស្រាយនោះ។
លោកបានបន្តទៀតថា៖«យើងដឹងថាមានផលប៉ះពាល់ប៉ុន្តែកម្មករក៏
មានផលប៉ះពាល់ផងដែរ។បាតុកម្មជាជម្រើសចុងក្រោយពេលដែលពួកគេ
បរាជ័យក្នុងការសម្របសម្រួល»។
លោកបានលើកឡើងថាបាតុកម្មនៅក្នុងដើមឆ្នាំថ្មីនេះទំនងជាកើន
ឡើងលើសឆ្នាំទៅបើធៀបក្នុងរយៈពេលដូចគ្នា
ហើយបាតុកម្មភាគច្រើនលើសលប់ទាមទារដំឡើងប្រាក់ខែនិងលក្ខខណ្ឌការ
ងារប្រសើរជាងមុន៕
No comments:
Post a Comment