.jpg) |
| កម្មករទៅតវ៉ា ប្រឆាំងការចាប់ឃាត់ខ្លួន ព្រះសង្ឃពីរអង្គ។ រូបថត លីណា |
ព្រះសង្ឃពីរអង្គដែលបានប្រោះព្រំដល់អ្នកតវ៉ាត្រូវឃាត់ខ្លួន
Wednesday, 23 January 2013
សែន ដាវីត និង Shane Worrell
The Phnom Penh Post
ភ្នំពេញៈ ព្រះសង្ឃពីរអង្គ ដែលមួយអង្គមានព្រះជន្ម ៧៨ វស្សា ត្រូវបានចាប់ខ្លួនបន្ទាប់ពីព្រះសង្ឃទាំងពីរអង្គនេះ បានទៅសូត្រមន្តប្រោះព្រំទឹកដល់កូដករនៅរោងចក្រកាត់ដេរ មួយ ក្នុងខណ្ឌដង្កោកាលពីថ្ងៃចន្ទ។
ព្រះតេជគុណ មីន សេង ព្រះជន្ម៧៨ព្រះវស្សា គង់នៅវត្តភូមិ ថ្មី ក្នុងស្រុកអង្គស្នួល ខេត្តកណ្តាល បានមានសង្ឃដីកាថា ព្រះតេជ គុណ និងព្រះសង្ឃមួយអង្គទៀត ព្រះនាម ឯតា ទូល ព្រះជន្ម ១៨វស្សា ត្រូវបានឃាត់ខ្លួន បន្ទាប់ពីត្រូវបាននិមន្តទៅសូត្រមន្តស្រោចទឹករយៈពេល២០ នាទីដល់កម្មករប្រមាណ ២០០០នាក់នៅរោងចក្រ Yakjin ក្នុងខណ្ឌដង្កោ។
ព្រះតេជគុណ សេង មានសង្ឃដីកាថា៖«អាត្មាមិនដឹងថា ការទៅសូត្រមន្តស្រោចទឹកនោះជាការចូលរួមតវ៉ាទេ»។ ព្រះតេជគុណ បន្តថា ខណៈដែលព្រះតេជគុណទាំងពីរអង្គចាកចេញពីរោងចក្រដោយជិះ ម៉ូតូកង់បី មន្រ្តីនគរបាលបានធ្វើការឃាត់ព្រះតេជគុណ ទាំងពីរអង្គ ហើយបាននាំយកទៅអធិការដ្ឋាននគរបាលខណ្ឌពោធិ៍សែនជ័យ។
ព្រះតេជគុណបន្តថា៖ «អាត្មាមានអារម្មណ៍ភ័យខ្លាច និងឆ្ងល់ថា ហេតុអ្វីបានជាពួកគេ ធ្វើការឃាត់អាត្មាដូច្នោះ។ អាត្មាគ្រាន់តែសូត្រមន្ត ប្រោះព្រំដល់ឧបាសកឧបាសិកាតាមលក្ខណៈព្រះពុទ្ធ សាសនាតែប៉ុណ្ណោះ»។
លោក ផាន់ ផឿន អធិការនគរបាលខណ្ឌពោធិ៍សែនជ័យ បានបដិសេធថា ព្រះសង្ឃទាំងពីរអង្គនេះ មិនត្រូវបាននគរបាលចាប់ខ្លួនទេ។ លោក បន្តថា៖ «យើងបានសាកសួរទៅព្រះតេជគុណទាំងពីរអង្គ។ យើងគ្រាន់តែចង់ស្វែងរកការពិតថា ព្រះតេជគុណទាំងពីរអង្គនេះ គឺជាព្រះសង្ឃពិតប្រាកដមែនឬអត់? និងសួរអំពីគោលបំណងរបស់ពួកគាត់»។
បើទោះបីជាព្រះតេ ជគុណទាំងពីរអង្គត្រូវបានដោះលែងវិញតែ ២០ នាទីបន្ទាប់ពីនោះក៏ដោយ ក៏ការឃាត់ខ្លួននេះ បានធ្វើឲ្យកម្មករមានការខឹងសម្បា ហើយបានបង្វែរការតវ៉ារបស់ពួកគេ ទៅអធិការដ្ឋាននគរបាល ដើម្បីគាំទ្រព្រះតេជគុណទាំងពីរអង្គនេះ។
លោក អ៊ុំ វិសាល មន្រ្តីដោះស្រាយវិវាទនៅសម្ព័ន្ធសហជីពប្រជាធិបតេយ្យកម្មករកាត់ ដេរកម្ពុជា (C.CAWDU) បានថ្លែងថា៖ «ព្រះសង្ឃទាំងពីរអង្គកំពុងជួយប្រជាជនកម្ពុជា ដែលត្រូវការការជួយពីព្រះតេជគុណ»។
ដោយមិនបានប្រាប់ព្រះនាមព្រះ ចៅអធិការវត្តភូមិថ្មី មានសង្ឃដីកាថា៖ «ព្រះសង្ឃ មិនគួរសូត្រមន្ត ឲ្យនរណាម្នាក់ ដែលពាក់ព័ន្ធក្នុងការតវ៉ាទេ។ ប្រសិនបើពួកគេ ចង់ពាក់ព័ន្ធនៅក្នុងការតវ៉ាឬនយោបាយ ពួកគេគួរតែសឹកទៅ»។
ព្រោះមន្រ្តីសង្ឃជាន់ខ្ពស់ មិនចង់ឲ្យព្រះសង្ឃពាក់ព័ន្ធនៅក្នុងសកម្មភាពនយោបាយ ឬបញ្ចេញមតិយោបល់ នៅក្នុងការតវ៉ាផងដែរ។ ជាឧទាហរណ៍ករណីបង្ក្រាបទៅលើព្រះតេជគុណ លួន សុវ៉ាត ដែលជាសកម្មជនសិទ្ធិមនុស្ស ទទួលបានពានរង្វាន់សិទ្ធិមនុស្ស តាមរយៈសកម្មភាពគាំទ្រប្រឆាំង ទៅនឹងការបណ្តេញប្រជាជនចេញពីដីធ្លី។ ព្រះតេជគុណ ត្រូវបានហាមប្រាមមិនឲ្យចូលវត្ត និងត្រូវបានឃាត់ខ្លួន ដោយសារការតវ៉ា និងត្រូវបានបង្ខំដោយសម្តេចសង្ឃ នន្ទ ង៉ែត ឲ្យចុះកិច្ចសន្យាឈប់ទៅចូលរួមការតវ៉ាទៀត។
លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា មានក្តីបារម្ភចំពោះការគ្រប់គ្រងព្រះសង្ឃតឹងរ៉ឹងនៅតាម វត្តអារាម។
លោកបន្តថា៖«វត្តអារាមគឺមិនត្រូវបាន ផ្តាច់ចេញពីរដ្ឋនោះទេ»។ លោកបន្ថែមថា ឋានានុក្រមព្រះពុទ្ធសាសនា ជាញឹកញាប់អះអាងថា ខ្លួនព្យាយាមឲ្យព្រះសង្ឃចេញពីនយោបាយ ប៉ុន្តែការធ្វើឲ្យព្រះសង្ឃនៅស្ងៀម គឺគ្រាន់តែជាវិធីមួយរបស់រដ្ឋាភិបាល ក្នុងការធ្វើឲ្យព្រះសង្ឃចេញពីនយោបាយប្រឆាំងតែប៉ុណ្ណោះ។
ព្រះតេជគុណ ថន វាន់ឌុង នាយកប្រតិបត្តិ និងជាស្ថាបនិកនៃអង្គការព្រះពុទ្ធសាសនា ដើម្បីសកម្មភាពអភិវឌ្ឍន៍សង្គម មានសង្ឃដីកាថា ការគ្រប់គ្រងព្រះសង្ឃឲ្យនៅស្ងៀម គឺមិនមែនជាអ្វីកំពុងផ្លាស់ប្តូរទេ។ ព្រះតេជគុណបន្តថា៖ «សាសនាព្រះពុទ្ធ គឺជាសិទ្ធិមនុស្ស។ នាពេលឥឡូវនេះ សហគមន៍ក្រីក្រជាច្រើន កំពុងងាយទទួលរងគ្រោះនិងកំពុងត្រូវបានបណ្តេញចេញដោយអ្នកមាន ឲ្យចេញពីផ្ទះរបស់ពួកគេ។ យើងត្រូវតែជួយប្រជាជនទាំងនេះ»។
ដោយឡែកអ្នកស្រី ផន ដាវី ប្រធាននាយកដ្ឋាននៅក្រសួងធម្មការ និងសាសនា បានបដិសេធមិនធ្វើអត្ថាធិប្បាយ ចំណែកឯសម្តេចសង្ឃ នួន ង៉ែត និងអ្នកនាំពាក្យក្រសួងមហាផ្ទៃ មិនអាចទាក់ទងសុំអត្ថាធិប្បាយបានឡើយ៕ PS
រាយការណ៍បន្ថែម មុំ គន្ធា
5 comments:
ព្រះសង្ឃបច្ចុប្បន្ននេះជាព្រះសង្ឃរបស់ប្រជាជន
ព្រះលោករស់នៅក្នុងសង្គមត្រូវមានភារកិច្ចជួយ
មនុស្សក្នុងសង្គម ព្រោះជីវិតរបសលោកជាប់នឹង
ប្រជាជន ហើយលោកមិនមែនជាព្រះអរហន្ដដែរ
ប្រជាជនក្រខ្សត់លោកក៏ក្រខ្សត់ចង្ហាន់មិនដូច
លោកសង្ឃមានបុណ្យសក្ដិរស់ដោយពួកក្បត់ជាតិ
ប្លន់ប្រជាជនឯងចិញ្ចឹមនោះទេ ពួកយើងរស់នៅ
បរទេសមានគំនិតចង់ឲ្យជាតិរស់ឡើងវិញក្នុងរបប
ប្រជាធិបតេយ្យមួយពិតប្រាកដ ចង់ឲ្យបងប្អូនខ្មេរ
រួចរដោះពីក្រញាំរបបកុម្មុយនិស្ដផ្ដាចឮការ បង្ហិន
បង្ហោចជាតិ នាំខ្មាំងសត្រូវចូលស្រុក ដេញខ្មែរ
និរាសចាកស្រុកភូមិ អត់ការធ្វើក្ររហេមរហាម
ចំពោះលោកសង្ឃដែលកំពុងគាំទ្ររបបផ្ដាច់ការ
សូមឈប់ទាក់ទងមកខ្មែរនៅបរទេសកសាងនេះនោះដើម្បីមេដាយពីក្រុមផ្ដាច់ការនោះទៀតទៅ
គួរឲ្យខ្មាសអៀនណាស់ បើជាតិរលាយ សាសនា
ក៏រលត់ដែរ ដូច្នេះបើព្រះសង្ឃដែលជួយខ្មែរសុទ្ធ
តែខុសនោះ លោកសង្ឃដែលថាគេខុស មិនគួរ
ទទួលបាយទឹកពីខ្មែរអ្នកស្នេហាជាតិទៀតឡើយ
គួរចាំទទួលពីយួនទៅ ។
supporting 9:16pm-
condemning monks who are kanjeas yuon and kanjeas of kanjeas yuon.
former monk,
During Lon Nol Govt., Lon Nol soldiers had never executed the monks but Vietcon & Khmer Rouge YES. Why Khmer don't see the events in the past and compare with this presently regime? They know & see but they are staying calm when you all will speak out? Or waiting intill you're in gabe?
តាមយោបល់ខ្ញុំ យើងគួរឈប់ប្រើពាក្យទមិឡនេះទៀតទៅ ពីព្រោះខ្លាចប៉ះពាល់ដូចលោកឈាងវុន។ សព្វថ្ងៃមានជនជាតិទមិឡរាប់រយលាននាក់រស់នៅប្រទេសឥណ្ឌាភាងខាងត្បូងនិងស្រីលង្កា។
ប្រើពាក្យហ្នឹងតទៅទៀតព្រោះពួកនោះគ្មានសាសនា
មែនទើបគេប្រដូចទៅនឹងពួកនោះ។ហើយពាក្យទមិឡ
នេះគេប្រ់ក្នុងសម័យលន់ណុលដែលពួកខ្មែរក្រហមជាទមិឡឥតសាសនាបាញ់ផ្លោងគ្រាប់កាំភ្លើងបំផ្លាញវត្ត
អារាមនិងផ្សឹកព្រះសង្ឃទាំងអស់។
Post a Comment