ក្អែកពាំផ្លែល្វាមករា​យគ្រប់ស្រុ​ក

គ្រូពេទ្យស្ម័គ្រចិត្តមនុស្សធម៌វៀតណាម មកព្យាបាលអ្នកជំងឺ

ថ្ងៃទី 28 កុម្ភៈ 2013 | ដោយ: សូផុន
Cambodia Express News

កាលឆ្នាំ៧០ យៀកកុង បេះម្ទេស ហើយចង លុយ ឥឡូវជិត បោះឆ្នោត ពួកក្អែក ពាំផ្លែល្វា មករាយ គ្រប់ស្រុក តំណ ទៅមុខ ទើបខ្មែរ ដឹងខ្លូន?

បន្ទាយមានជ័យ: ​ថ្នាក់ដឹកនាំ​ខេត្ត និង​ក្រុមយុវជន​ស្ម័គ្រចិត្ត កាកបាទក្រហមកម្ពុជា ជួយ​សម្រួល​អ្នកជំងឺ ដើម្បី​ឲ្យ​ក្រុមគ្រូពេទ្យ​ស្ម័គ្រចិត្តមនុស្សធម៌​វៀតណាម ព្យាបាល​បាន​ងាយស្រួល កាលពី​ព្រឹក​ថ្ងៃទី​២៨ ខែកុម្ភៈ ឆ្នាំ២០១៣ នៅក្នុង​សាលា​ចុង​វ៉ា (​ចិន​) ឃុំ​ឫស្សី​ក្រោក ស្រុក​មង្គល​បូរី ខេត្តបន្ទាយមានជ័យ​។​

​លោក​ឧកញ៉ា អ៊ឹម ភាន់​សុផល អភិបាលរង​ខេត្ត ជា​ប្រធាន​សាខា​គណៈកម្មការ​កាកបាទ​ក្រហម​កម្ពុជា ខេត្តបន្ទាយមានជ័យ បាន​ដឹកនាំ​ក្រុមយុវជន​ស្ម័គ្រចិត្ត កាកបាទក្រហមកម្ពុជា ជួយ​សម្របសម្រួល​ដល់​អ្នកជំងឺ ចូលមក​ព្យាបាល​ក្រុមគ្រូពេទ្យ​មនុស្សធម៌​វៀតណាម​។ ក្រុមយុវជន​ស្ម័គ្រចិត្ត​កាកបាទក្រហមកម្ពុជា បាន​ចែកជា​៤​ក្រុម ក្នុងនោះ​មាន​សមាជិក​ពី​៩​ទៅ​១២​នាក់ ដោយ​ក្រុមទី​១ ជួយ​សម្រួល ដំណើរ​អ្នកជំងឺ​មាន​អាកា​រៈ​ធ្ងន់ធ្ងរ​អ្នកជំងឺ ជា​ជនពិការ អ្នក​ចាស់ជរា ស្ត្រី​មាន​ផ្ទៃពោះ ដើម្បី​ចូលទៅ​កាន់​ទីកន្លែង​ត្រៀម​រង់ចាំ​ការពិនិត្យ​ព្យាបាល​សុខភាព​។ ក្រុមទី​២ ជួយ​សម្រួល​ជូន​ដល់​អ្នកដំណើរ​ទៅកាន់​សង្គ្រោះ​ព្យាបាល​។ ក្រុមទី​៣ ជួយ​សម្រួល​ជូន​អ្នកជំងឺ​ពី​កន្លែង​ពិគ្រោះ មក​កន្លែង​អង្គុយ​សណ្ដាប់ធ្នាប់​។ ក្រុមទី​៤ ជូន​ដំណើរ​អ្នកជំងឺ​ដល់​កន្លែង​ផ្ដល់​ថ្នាំ​អ្នកជំងឺ​។​

​លោក​ឧកញ៉ា អ៊ឹម ភាន់​សុផល បាន​បញ្ជាក់ថា ការសម្របសម្រួល​ដូច្នេះ ធ្វើឡើង​ដោយ​សហការ​ជួយ​ដោយ​កម្លាំង​កងរាជអាវុធហត្ថ​ខេត្ត កម្លាំង​អប់រំ​យុវជន​ផ្ដាច់​គ្រឿងញៀន​ខេត្ត ដើម្បីអោយ​មាន​សណ្ដាប់ធ្នាប់​សង្គម និង​ជួយ​សម្រួល​អ្នកជំងឺ​ព្យាបាល​អោយបាន​ស្រួល​ផង​។​
​លោក​ឧ​ត្ត​ម​សេនីយ៍​ទោ រ័ត្ន ស្រ៊ាង មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ​កងរាជអាវុធហត្ថ​ខេត្តបន្ទាយមានជ័យ បាន​និយាយថា រយៈពេល​១​ថ្ងៃ​កន្លះ​នេះ ក្រុមគ្រូពេទ្យ​ស្ម័គ្រចិត្ត​មនុស្សធម៌​វៀតណាម ដែលមាន​ជិត​១៥០​នាក់ បានទទួល​ព្យាបាល​អ្នកជំងឺ​ដែលមាន​ប័ណ្ណ​ចំនួន ៧.០០០​នាក់ រួចហើយ ប៉ុន្តែ​អ្នកជំងឺ​ខ្លះ គ្មាន​ប័ណ្ណ​ក៏​មក​ដែរ ដូច្នេះ​គ្រូពេទ្យ​ស្ម័គ្រចិត្ត​មនុស្សធម៌​វៀតណាម និង​បន្ត​ពិនិត្យ​ព្យាបាល​លទ្ធភាព ដែលមាន​ថ្នាំ​នៅ​សេសសល់​៕