រំដោះជាតិដូចម្តេច? (by Um Hak)

រំដោះជាតិដូចម្តេច

NATIONAL LIBERATION

(ដោយ អ៊ុម ហាក់)

   តាមចំណាំ ពេលណាដែលប្រទេសគេមានអាសន្ន គេតែងតែឃើញវិរបុរសរបស់គេម្នាក់

ចេញមុខមកដឹកនាំបង្រួបបង្រួមពលរដ្ធតស៊ូរំដោះជាតិគេឲ្យរស់ឡើងវិញ មានលោក

Charles de Gaulle ប្រទេសបារាំងសេស​នឹងលោក Winston Churchill នៃប្រទេសអង់គ្លេ

ស៍ជាដើម។ ចម្លែកបន្តិចស្រុកខ្មែរ ក្នុងគ្រាអាសន្នដោយបរទេសយួនឈ្លានពានត្រួតត្រា

គេសង្កេតឃើញមានវិរបុរសស្នេហាជាតិជាច្រើនងើបឡើងច្រូងច្រាងបង្កើតបានជាក្រុម

តស៊ូរំដោះជាតិមួយចំនួនឯករាជ្យដាច់ពីគ្នា ប្រើមធ្យោបាយផ្សេងៗពីគ្នា មិនតែប៉ុននោះ​

គេជឿថាមធ្យោបាយរបស់គេជាមធ្យោបាយតែមួយគត់ដែលអាចរំដោះជាតិបាន។

   សូមអនុញ្ញាតិលើកយកករណីក្រុមខ្លះៗមកសាកល្បងសិក្សាដូចតទៅ។

   ក្រុមមួយបានប្តឹងទៅក្រុមប្រិក្សាអចិន្រ្តៃយនៃអង្គការសហប្រជាជាតិសុំឲ្យអង្គការនេះ

ជួយអនុវត្តិកិច្ចព្រមព្រៀងទីក្រុងប៉ារីស៍ថ្ងៃទី២៣តុលា១៩៩១ស្តីពីស្រុកខ្មែរ។ អង្គការសហ

ប្រជាជាតិបានឆ្លើយតបថាបានចម្លងបណ្តឹងនោះជូនទៅប្រទេសជាសាមីនឹងជូនទៅលោក

អគ្គលេខាធិការអង្គការ រួចហើយ។ ជាភាសាសាមញ្ញចម្លើយនេះមានន័យថាគ្មានចំណាត់

ការអ្វីលើសពីនេះទេ។ ចប់។

   ក្រុមមួយទៀតជាក្រុមប្រឆាំងការបោះឆ្នោតឆ្នាំ២០១៣នេះដោយសំអាងថាជាការបោះ

ឆ្នោតបង្រ្គប់កិច្ចគ្រាន់តែធ្វើឲ្យបក្សប្រជាជនកាន់អំណាចស្របច្បាប់បន្ត៥ឆ្នាំទៅមុខទៀត

តែប៉ុននោះ។ គេឃោសនាថាមានតែកម្លាំងពលរដ្ធខ្មែរទេដែលអាចរំដោះស្រុកខ្មែរចេញ

ពីអាណានិគមនិយមយួន នឹងចេញពីអំណាចផ្តាច់ការបក្សកាន់អំណាចសព្វថ្ងៃបាន។

ក្រុមនេះបានប្តឹង ( ឬក៏អត់? )លោកហ៊ុន-សែនទៅតុលាការអន្តរជាតិនៅក្រុងឡាអេ ប្រ

ទេសហូឡង់អំពីឧក្រិដ្ធកម្មផ្សេងៗ។ តុលាការនេះបានឆ្លើយតបវិញដោយបានទាមទារ

ភស្តុតាងបន្ថែមទៀត។ ជាភាសាសាមញ្ញចម្លើយក៏មានន័យថាគ្មានចំណាត់ការលើពា

ក្យបណ្តឹងនេះនៅឡើយទេ។ចប់។

   ក្រុមមួយទៀតជាក្រុមដែលពឹងពាក់លើអង្គការសហប្រជាជាតិស្ទើរតែទាំងស្រុង។ គេ

ធ្លាប់បានធ្វើបាតុកម្មនៅមុខអ.ស.ប.ញយដង ជាពិសេសនៅផ្នែកសទ្ធិមនុស្សនាប្រទេស

ស៊្វីស។ លទ្ធផលបានយ៉ាងណាៗស្ថិតនៅលើក្តីប៉ាន់ស្មានរបស់យើងរាល់គ្នានៅឡើយ។

ចុងក្រោយនេះគេឲ្យដឹងថា អ.ស.ប.គេចាំតែជួយយើងទេតែគេមិនទាន់ហ៊ានលូកដៃនៅ

ឡើយ គេបញ្ជាក់ទៀតថាគេមានម្ហួបបញ្ចុកយើងហើយទាស់តែយើងមិនព្រមបើកមាត់

ឆីតែប៉ុននោះ។ នេះគេចង់ទំលាក់ទោសទៅលើគណបក្សសង្រ្គោះជាតិដែលមិនព្រមទ

ទួលសំណើររបស់គេ។ គេថាគេមិនសុំឲ្យបក្សសង្រ្គោះជាតិធ្វើពហិការរឿងបោះឆ្នោត

នោះទេ គេគ្រាន់តែឲ្យសុំពន្យាពេលចំនួនមួយឆ្នាំកន្លះដើមបីឲ្យគេមានពេលគ្រប់គ្រាន់

កែរទម្រង់ប្រព័ន្ធបោះឆ្នោតតែប៉ុននោះ។ គេបន្ថែមថាបើគណបក្សសង្រ្គោះជាតិប្រកាស

មិនចូលរួមការបោះឆ្នោតល្គិកណាបើគ្មានការកែរទម្រង់ប្រព័ន្ធការបោះឆ្នោតទេ នោះ

អ.ស.ប.គេអាចនឹងចូលស្រុកខ្មែររៀបចំប្រព័ន្ធការបោះឆ្នោតឲ្យបានសេរីនឹងយុត្តិធម៌ដោយ

ស្របច្បាប់។ តើវាសនាស្រុកខ្មែរអាចនឹងដោះស្រាយបានស្រួលអីចឹងកើតឬ? តើអំណះអំ

ណាងបែបនេះអាចជឿទុកចិត្តបាន លេបមិនស្លាក់ទេឬ? សូមក្រឡេកទៅមើលប្រទេស

ស៊ីរីយ៉ាបន្តិចមើលតើវាយ៉ាងណាទៅហើយ។ ក្រុមបះបោរច្បាំងនឹងរដ្ធអំណាចផ្តាច់ការ

អស់ពេលច្រើនខែមកហើយ ស្លាប់មនុស្សអស់វាល់ម៉ឺនទៅហើយដើមបីទាមទារសេរី

ភាព។ អាវុធគីមីបានត្រូវគេយកមកប្រើប្រាសទាំងខុសច្បាប់ក្នុងសង្រ្គាមនេះ។ សួរថាតើ

អង្គការសហប្រជាជាតិបានកំរើកម្រាមដៃតិចតួចហើយឬនៅ?។ សូមបីតែសេចក្តីថ្លែង

ការណ៍ថ្កោលទោសអំពីបទឧក្រិដ្ធនេះលើក្រដាស់ក៏ដូចជាគ្មានផង។ អីចឹងបើយើងជឿ

ថាអង្គការសហប្រជាជាតិនឹងចូលទៅរៀបចំការបោះឆ្នោតឲ្យខ្មែរបាន គ្រាន់តែឲ្យបក្សប្រ

ឆាំងប្រកាសធ្វើពហិការប៉ុននោះ ក្រែងយើង « សង្ឃឹមផ្កាយលើមេឃ » ទេដឹង?។

   ក្រុមមួយទៀតហៅខ្លួនគេថាជាក្រុមបដិវត្តន៍ មិនប្រកាន់ថាដោយមធ្យោបាយអហឹង្សា

ឬក៏ហឹង្សាឡើយយកគំរូតាមប្រទេស ទុយនីស៊ី លីប៊ី អេស្ហ៊ីប នឹងស៊ីរីជាដើម។ គេមិនគ្រាន់

តែប្រឆាំងនឹងការបោះឆ្នោតនៅខែកក្កដាឆ្នាំ២០១៣ខាងមុខប៉ុននោះទេ គេថែមទាំងចោទ

ទាំងគណបក្សនយោបាយដែលទៅចូលរួមបោះឆ្នោត ទាំងប្រជាពលរដ្ធដែលនឹងទៅបោះ

ឆ្នោតថាជាជនក្បត់ជាតិផង។កម្មវិធីបដិវត្តន៍របស់គេតាមលំដាប់អាទិភាពមាន ១- ដណ្តើម

ឯករាជ្យពីយួន ២-​ ទម្លាក់របបផ្តាច់ការ កុម្មុយនិស្តសព្វថ្ងៃ ៣-រៀបចំការបោះឆ្នោតដោយ

សេរីនឹងយុត្តិធម៌។ គំរោងការរបស់ក្រុមនេះធ្វើឲ្យយើងឃើញថា គេបានអានសៀវភៅ

ជាច្រើន នឹងបានសិក្សាអំពីបដិវត្តន៍ជាច្រើនក្នុងលោក មិនដឹងថាតើគេមានការពិសោធ

ក្នុងកិច្ចប្រតិបត្តិជាក់ស្តែងលើទឹកដីឬទេ។ ដោយខ្ញុំមិនមានតំរេះខាងបំបះបំបោរ​ ឬណែនាំ

បាតុកម្មសោះនោះខ្ញុំសូមអនុញ្ញាតិគ្រាន់តែធ្វើចំណាប់អារម្ភខ្លះៗដូចទៅ៖

ក- ការចោទប្រកាន់បងប្អូនខ្មែររាប់លាននាក់ដែលបំរុងនឹងទៅបោះឆ្នោតនៅថ្ងៃ២៨កក្កដា

ឆ្នាំ២០១៣ថាជាជនក្បត់ជាតិ ដូចជាធ្ងន់ធ្ងរជ្រុលពេកទេដឹង?

ខ- ការឲ្យខ្មែរធ្វើបដិវត្តន៍ដោយយកគំរូតាមស្រុកទុយនីស៊ី លីប៊ី​ អេស្ហ៊ីប នឹងស៊ីរីនោះតើ

លទ្ធផលបានដូចបំណងឬទេ? ករណីស្រុកខ្មែរនឹងស្រុកអារាបទាំងឡាយនោះមិនដូចគ្នា

ទេ។ ១-ស្រុកទាំងឡាយនោះគេឯករាជ្យ រីឯស្រុកខ្មែរកញ្ជះយួន។ ២-ស្រុកគេកាន់សា

សនាអ៊ីស្លាម រីឯខ្មែរកាន់ពុទ្ធសាសនា។ ៣-ប្រជារាស្រ្តស្រុកទាំងឡាយនោះមិនប្រាកដ់ជា

បានទទួលនូវសេរីភាពដូចបំណងផងទេ។ តួយ៉ាងដូចជាប្រទេសអេស្ហ៊ីបជាដើម ការបោះ

ឆ្នោតដោយសេរីនឹងយុត្តិធម៌ បានត្រិមតែដកជនផ្តាច់ការម្នាក់ដាក់ជនផ្តាច់ការម្នាក់ទៀត

ដែលមាននិន្នាការណ៌អ៊ីស្លាមតឹងតែងមកពី « ភាតរភាពអ៊ីស្លាម »​ Islam Brotherhood។

នៅពីក្រោយពួកជ្រុលនិយមនេះមានក្រុមភេរវជន «​ អាល់កេដា » Al Qaeda ជួយណែនាំ

ញាក់ខ្សែផង។ រីឯប្រទេសដទៃខ្លះទៀតនៅច្បាំងគ្នានៅឡើយ ហើយក៏មានពួក « អាល់កេ

ដា​ »​នៅ ពីក្រោយដូចគ្នា។

គ- ការទាមទារឯករាជ្យពីយួនដោយវិធីណាក៏ដោយ ត្រូវចាំបាច់ប៉ះទង្គិចនឹងអាយ៉ងវាដែល

ជាខ្មែរជាមុនជាដាច់ខាតព្រោះយួនវានៅគាំទ្រតែពីខាងក្រោយ។ ដល់អីចឹងទៅអំណះអំ

ណាងថាយកឯករាជ្យពីយួនបានទើបទម្លាក់របបខ្មែរកុម្មុយនិស្តផ្តាច់ការនោះ តើត្រូវធ្វើ

របៀបណា?

ឃ- ការធ្វើបាតុកម្ម ឬការបះបោរទ្រង់ទ្រាយធំ ដើមបីទាមទារឯករាជ្យ​ ឬដើមបីរំលំរបបដឹក

នាំឲ្យបានជោកជ័យវាអាស្រ័យទៅលើកម្លាំង និស្សិត បញ្ញវន្ត កសិករ កម្មករ សហជីព នឹង

ពលរដ្ធទូទៅ។ បើយើងពិនិត្យស្ថានភាពស្រុកខ្មែរ គេឃើញថានិស្សិត បញ្ញវន្តតិចតួចស្តួច

ស្តើងណាស់បានប្រុងប្រៀបខ្លួនរួចហើយ។​ បើក្រឡេកមើលទៅកសិករ កម្មករ នឹងពលរដ្ធ

ជាទូទៅ គេឃើញច្បាស់ថាមិនត្រិមតែអស់ជំនឿលើរដ្ធាភិបាលកុម្មុយនិស្តផ្តាច់ការហ៊ុន-

សែន នឹងអ្នកមានអំណាចបុណ្យសក្តិ៍ប្លន់ដីដុតផ្ទះរបស់ពួកគេពេញស្រុកខ្មែរប៉ុននោះទេ

ពួកគេក្តៅក្រហាយដល់ថ្នាក់កំពូលទៅហើយ។ ជាញឹកញាប់ពួកគេធ្វើបាតុកម្មដាច់ដោយ

ឡែកពីគ្នាគ្រប់ទឹសគ្រប់ទីពេញប្រទេសទៅហើយ។ បើសិនជាមានប្រព័ន្ធសហការណ៍ល្អ

កម្លាំងពួកគេរួមគ្នាអាចមានលទ្ធភាពរំលំរបបកុម្មុយនិស្តផ្តាច់ការហ៊ុន-សែននឹងបក្សពួក

បាន។ អ្វីដែលខ្វះពេលនេះគឺមេដឹកនាំ នឹងប្រព៍ន្ធដឹកនាំបង្រួបបង្រួម។ បើនិយាយពីសហ

ជីពវិញមានច្រើនហើយហាក់មានទឹសដៅខុសៗគ្នា មិនសូវរួបរួមគ្នាទេ។

   ក្រុមមួយទៀតគឺគណបក្សនយោបាយដែលប្រុងប្រៀបទៅរួមបោះឆ្នោតសាកលនៅថ្ងៃ

ទី២៨កក្កដា ឆ្នាំ២០១៣ខាងមុខ។ សូមអនុញ្ញាតិលើកយកតែករណីគណបក្សសង្រ្គោះ

ជាតិដែលកើតចេញមកពីការរួមចូលគ្នារបស់គណបក្ស សម រង្សី នឹងគណបក្ស សិទ្ធិម

នុស្សដោយសារសម្ពាធពីសំណាក់ពលរដ្ធខ្មែរទាំងក្នុងនឹងក្រៅប្រទេស នឹងជាគណបក្ស

ប្រជែងខ្លាំងជាងគេមកពិចារណា។ ក្រុមនេះមានការគាំទ្រខ្លាំងក្លាពីសំណាក់ពលរដ្ធខ្មែរ       

ទាំងក្នុងទាំងក្រៅប្រទេសគួរឲ្យចាប់អារម្ភក្រៃលែង។ គេបានដាក់ពាក្យចូលប្រកួតបោះ

ឆ្នោតរួចហើយ តែគេក៏បានធ្វើបាតុកម្មទាមទារឲ្យមានការផ្លាស់ប្តូរគណកម្មការរៀបចំការ

បោះឆ្នោត​ ( គ.ជ.ប. ) នឹងប្រព័ន្ធបោះឆ្នោតផងដែរ។ គេមិនទាន់បានទាត់ចោលនូវពហិ

ការក្នុងការបោះឆ្នោតនៅឡើយដែរទេ។ អនាគតវាទៅជាយ៉ាងណានោះក៏វានៅតេលើ

ការប៉ាន់ស្មានរបស់យើងរាល់គ្នានៅឡើយដែរ។ គួរកត់សំគាល់ថាពេលនេះខ្មែរយើងរួប

រួមគ្នាងើបឡើងប្រឆាំងយួនឈ្លានពានមិនខុសពីកាលឆ្នាំ១៩៧០ ថ្ងៃទី១៨មិនាឡើយ។

គេងើបឡើងជួយគាំទ្រគណបក្សសង្រ្គោះជាតិដោយគ្រប់មធ្យោបាយដែលអាចធ្វើបាន

គួរឲ្យមានក្តីសង្ឃឹម។ បើសិក្សាអំពី « ជំនោរខ្យល់ជូន » លុះបច្ចុប្បន្ននេះ​គណបក្ស

សង្រ្គោះជាតិនឹងចូលរួមបោះឆ្នោតនៅថ្ងៃ២៨កក្កដាឆ្នាំ២០១៣នេះព្រោះវាជាជំរើសដែល

អាក្រក់តិចជាងគេ។

   ការរៀបរាប់មកយ៉ាងវែងអន្លាយនេះ គ្រាន់តែចង់​រំលឹកថាទោះជាត្រូវគេប្រហារអស់រាប់

លាននាក់ទៅហើយយ៉ាងណាក្តី ក៏មាននៅសល់វិរជនជាបណ្ឌិតក្រាសក្រែល នឹងវិរជន

អ្នកស្នេហាជាតិមួយចំនួនធំផងដែរ ទាស់តែគេមានះថាមានតែគំនិតនឹងមធ្យោបាយរបស់

គេទេដែលអាចជួយរំដោះស្រុកបាន។ ដល់អីចឹងទៅ មិនត្រិមតែស្តីបន្ទោសក្រុមដទៃដោយ

ប្រការផ្សេងៗ ជួនកាលរហូតដល់ទៅចោទគ្នាថាក្បត់ជាតិថែមទៅទៀត។ រូបភាពនេះធ្វើ

យើងនឹកឃើញដល់រឿង នាយខ្វាក់បួននាក់ស្ទាបដំរី។ នាយម្នាក់ស្ទាបស្លិកត្រចៀកថាដំរី

ដូចចង្អេរ នាយម្នាក់ទៀតស្ទាបប្រម៉ោយថាដូចអង្រែ នាយម្នាក់ស្ទាបជើងថាដូចសសរ ឯ

ម្នាក់ចុងក្រោយស្ទាបកន្ទុយថាដូចអំបោស។ មាននរណាយស់ខុសឬទេ?។ អត់ទេ។ និ

យាយឲ្យខ្លីទៅ នាយខ្វាក់ទាំងបូនស្គាល់ដំរីមួយជ្រុងម្នាក់គឺ ត្រចៀកដំរីពិតជាដូចចង្អេរ ប្រ

ម៉ោយដំរីដូចអង្រែ ជើងវាដូចសសរ ហើយកន្ទុយវាដូចអំបោសពិតប្រាកដ់ មិនមាននរណា

ខុសទាល់តែសោះ។ រូបរាងដំរីពិតប្រាកដ់នឹងរកឃើញម្តេចនឹងកើតបើគេមិនព្រមយកគំ

ហ៊ើញទាំងអស់មកបូកចូលគ្នា?។ យ៉ាងណាមិញ វិរជនខ្មែរអ្នកស្នេហាជាតិគ្រប់ក្រុមហាក់

មានះមិនខុសអ្វីអំពីនាយខ្វាក់បួននាក់ស្ទាបដំរីដែរ។ ក្រុមណាក៏ដូចក្រុមណាដែរ គេជឿ

ជាក់ថាមានតែមធ្យោបាយក្រុមខ្លួនមួយទេដែលអាចរំដោះស្រុកបាន។ គេហាក់ដូចជា

មើលឃើញដំណោះស្រាយបញ្ហាខ្មែរមួយក្រុមមួយជ្រុង តែពុំបានឃើញបញ្ហាទាំងមូល

ផងទេ។

   ខ្ញុំស្រឡាញ់សំដីរបស់អធិរាជបារាំងសេស Napoleon Bonaparte ដែលថ្លែងថា “ Il faut

defendre la patrie soit avec ignominie soit avec gloire. Tous les moyens sont bons

pourvu qu’elle soit defendue “ មានន័យជាអាទិ៍ថា ត្រូវតែការពារមាតុភូមិឲ្យបានទោះជា

ត្រូវប្រើមធ្យោបាយកខ្វក់ថោកទាប ឬមធ្យោបាយថ្លៃថ្នូរប្រកបដោយកិត្តិយស។ មធ្យោបា

យណាក៏ល្អដែរ ឲ្យតែការពារបាន។

   ជាទីបញ្ចប់ខ្ញុំសូមអង្វរករវិរជន/នារីខ្មែរស្នេហាជាតិគ្រប់ក្រុម បើបានមើលឃើញមធ្យោ

បាយសក្តិ៍សិទ្ធអាចជួយរំដោះជាតិបាន សូមអញ្ជើញនាំគ្នាប្រឹងប្រែងតស៊ូរំដោះជាតិតាម

មធ្យោបាយរបស់ក្រុមខ្លួនទៅ។ បើមិនអាចទៅចូលរួមជាមួយក្រុមផ្សេង ឬមិនអាចហៅ

រកក្រុមផ្សេងមករួបរួមជាមួយក្រុមខ្លួនបានទេ សូមតែកុំវាយប្រហារគ្នាទៅវិញទៅមក។

ធ្វើបានប៉ុននេះគឺបានឈានមួយជំហានដំបូងឆ្ពោះទៅរកការរួបរួមគ្នាដើមបីរំដោះជាតិ

ជាទីស្នេហាដែរហើយ។ សូមស្វាគមន៍មតិផ្សេង!!!៕