CNRP Platform -- Mu Sochua in Battambang

ប្រជាពលរដ្ឋ នៅខេត្ត បាត់ដំបងគាំទ្រ គោលនយោបាយ គណបក្សសង្រ្គោះជាតិ

កាលពីថ្ងៃ ទី១០ និងថ្ងៃ ទី១១ ខែមិថុនានេះ, ប្រធាន ក្រុមការងារ គណបក្សសង្រ្គោះជាតិ ខេត្តបាត់ដំបង, លោកស្រី មូរ សុខហួរ, បានដឹកនាំ ក្រុមការងារ ប្រមាណ ជាង២០នាក់ ចុះពន្យល់ នូវគោលនយោបាយ គណបក្សសង្រ្គោះជាតិ និងចែកខិតប័ណ្ណ ដល់ប្រជាពលរដ្ឋ នៅតាមភូមិនានា, ដូចជា ភូមិខ្សាច់ពយ, ភូមិអូរទំនប់, ភូមិស្រមោមាស, ភូមិជ្រៃរ៉ុន, និងភូមិទួលរកា, ដែលភូមិ ទាំងនេះ ស្ថិតក្នុងក្រុងបាត់ដំបង និងស្រុក មោងឬស្សី ខេត្តបាត់ដំបង។

លោកស្រី មូរ សុខហួរ បានឲ្យដឹង ថា, ប្រជាពលរដ្ឋ នៅតាមភូមិ មានការផុលផុស ក្នុងការគាំទ្រ នូវគោលនយោបាយ គណបក្សសង្រ្គោះជាតិ ដែលមាន ៧ចំណុច៖

 
១.  ចាស់ៗ ពីអាយុ ៦៥ឆ្នាំ ឡើងទៅ ទទួលបាន ៤ម៉ឺនរៀល ក្នុង១ខែ;

២.  កម្មករ ទទួលបាន ប្រាក់ខែ ទាបបំផុត ៦០ម៉ឺនរៀល ក្នុង១ខែ;

៣.  មន្រ្តីរាជការ ទទួលបាន ប្រាក់ខែ ទាបបំផុត ១លៀនរៀល ក្នុង១ខែ; 

៤.  កសិករ ទទួលបាន ការធានា តម្លៃកសិផល ( ស្រូវ ទាបបំផុត ១០០០រ/kg);

៥.  ប្រជាពលរដ្ឋ ក្រីក្រ ទទួលបាន ការព្យាបាលជម្ងឺ ដោយឥត យកប្រាក់;

៦.  យុវជន ទទួលបាន ឱកាសដូចគ្នា ក្នុងការអប់រំ និងការងារ ត្រឹមត្រូវ;

៧.  បញ្ចុះ តម្លៃប្រេង, ជីកសិកម្ម, អគ្គិសនី, និងអត្រាការប្រាក់។