Message of CNRP President Sam Rainsy

CNRP President Sam Rainsy

សេចក្តីអប់រំ ដ៏ពិសិដ្ឋ របស់ ព្រះពុទ្ធជាម្ចាស់ ដែលខ្ញុំ បានទទួល កាលខ្ញុំ នៅបួស, គឺ សន្តិភាព ផ្លូវកាយ និងសន្តិភាព ផ្លូវចិត្ត។  សន្តិភាព ផ្លូវកាយ សំដៅសេចក្ដី ថា, ជីវិតមនុស្សលោកយើង មានតម្លៃ ប្រសើរហ្មត់ហ្មង លើសអ្វីៗ ទាំងអស់។   សន្តិភាព ផ្លូវចិត្ត សំដៅសេចក្ដី ថា, យើង រាល់រូប មានកាតព្វកិច្ច ជួយយកអាសាគ្នា ទៅវិញ ទៅមក ដើម្បី កុំ ឲ្យបងប្អូន ខ្មែរយើង ណាម្នាក់ ត្រូវ រងគ្រោះ អំពី ការដាច់ ស្បៀងអាហារ ឬការអស់ ដីស្រែចំការ បង្កបង្កើនផល ចិញ្ចឹមជីវិត ដោយសារ ក្រុមហ៊ុន ដែលមានខ្នង បង្អែក ធំៗ រំលោភយក។

រហូត មកដល់ថ្ងៃនេះ, លោក ហ៊ុន សែន មិនទាន់បាន កសាងអ្វី ជាដុំកំភួន ក្រៅតែ អំពីសមិទ្ធផល ដែលមានជាប់ ដោយបំណុលវ័ណ្ឌក ដល់កូនខ្មែរ ជំនាន់ក្រោយ និងការប្រើ អំពើហិង្សា លើប្រជារាស្ត្រខ្មែរ ប៉ុណ្ណោះទេ។   គាត់ គ្រប់គ្រង ប្រទេស តាមរយៈ ការគំរាមកំហែង និងការបំភិតបំភ័យ ប្រជារាស្ត្រ រាល់ថ្ងៃ។

តែ កម្ពុជាយើង ជិតទទួលបាន សន្តិភាព ពិតប្រាកដហើយ។  រដ្ឋាភិបាលថ្មី របស់ខ្ញុំ នឹងដឹកនាំប្រទេស ដោយផ្អែក លើមូលដ្ឋាន សន្តិភាព និងយុត្តិធម៌។  នៅក្រោម ការគ្រប់គ្រង នៃរាជរដ្ឋាភិបាលថ្មី របស់ខ្ញុំ, ប្រជារាស្ត្រខ្មែរ នឹងមិនរស់នៅ ក្រោមសេចក្ដី ភ័យខ្លាច ចំពោះ ការគំរាមកំហែង ឬអំពើហិង្សា ទៀតឡើយ, ហើយ យើង នឹងរួបរួមគ្នា កសាងប្រទេសមួយ ប្រកបដោយវឌ្ឍនភាព និងសុខសន្តិភាព ជូនប្រជាជាតិយើង យូរអង្វែងទៅ។

 សម រង្ស៊ី  Sam Rainsy
https://www.facebook.com/rainsy.sam.5