ក្រុមប្រឹក្សាធម្មនុញ្ញបដិសេធសំណើរបស់ លោក សម រង្ស៊ី ដូចស្ថាប័នកំពូលផ្សេងទៀតដែរ

. ដោយ៖ អ៊ឹង ប៊ុនថន | ថ្ងៃព្រហស្បតិ ទី25 ខែកក្កដា ឆ្នាំ2013 | 3 ម៉ោង មុន VOD
ក្រុមប្រឹក្សាធម្មនុញ្ញ បដិសេធសំណើរបស់ លោក សម រង្ស៊ី ដែលស្នើឲ្យស្តារ សុពលភាព គតិយុត្តរបស់លោក និងចុះឈ្មោះលោកក្នុងបញ្ជីឈរឈ្មោះជាតំណាងរាស្ត្រឡើងវិញ។
លិខិតរបស់លោក ប្រធានក្រុមប្រឹក្សាធម្មនុញ្ញ លោក ឯក សំអុល នៅល្ងាចថ្ងៃទី២៥ ខែកក្កដានេះ បានបញ្ជាក់ថា ការស្នើរបស់ លោក សម រង្ស៊ី ក្រុមប្រឹក្សាធម្មនុញ្ញ មិនមានសមត្ថកិច្ចទេ។
ក្នុងលិខិតរបស់ លោក សម រង្ស៊ី គោរពជូនប្រធានក្រុមប្រឹក្សាធម្មនុញ្ញ ចុះថ្ងៃទី២៣ ខែកក្កដា ឆ្នាំ២០១៣នេះ ក្នុងកម្មវត្ថុស្នើសុំក្រុមប្រឹក្សាធម្មនុញ្ញធ្វើនីយតកម្មស្ថានភាពគតិយុត្តរបស់លោក ដោយសារព្រះមហាក្សត្រ បានលើកឡើងទោសដល់រូបលោក រួចអស់ហើយ។

សំណើរបស់ប្រធានគណបក្សរូបនេះ សុំសិទ្ធិបោះឆ្នោត និងឈរឈ្មោះបោះឆ្នោត និងសុំអភ័យឯកសិទ្ធិវិញ ត្រូវបានច្រានចោលផ្ទួនៗគ្នា ដោយ ស្ថាប័ន គ.ជ.ប រដ្ឋសភា និងក្រុមប្រឹក្សាធម្មនុញ្ញ។

លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានហៅ ការច្រានចោលក្នុងជំហដូចគ្នានេះថា រឿងនយោបាយ៕