វេលាដល់ហើយ ទព័យើង ប្រជាជនយើង រួមគ្នារំដោះប្រទេសយើងនិងកសាង ជាតិយើងអោយបានរុងរឿងដូចបុព្វបុរសយើង

http://www.youtube.com/watch?v=jDpX31j9O3I&feature=youtu.be

 Bushba Angkor

ជនរួមជាតិទាំងអស់

ប៉ុន្មានខែមកហើយ ខ្ញុំបានទទួលដំណឹងថា យ៉ាងហោចណាស់ ៧០-៨០ % នៃ កងទព័ជាតិយើងឈប់គាំទ្រ ហ៊ុន សែន ទៀតហើយ ។ ខ្ញុំមានការអល់ឯកពេល បានទទួលដំណឹងនេះ ថាតើត្រូវជឿឬមិនត្រូវជឿ តែរយ:ពេលចុងក្រោយនេះ ខ្ញុំបានសង្គេតឃើញភាពមិនប្រក្រតីជាច្រើនអន្លើ ដែលធ្វើអោយខ្ញុំជឿជាក់ថា ពរ៌មាននេះមានភាពប្រាកដនិយមច្រើន ឥឡូវពរ៌មាននេះត្រូវបានបញ្ជាក់បន្ថែម ដោយឧត្តមសេនីយ៍នៃកងយុទ្ធពលខេមរភូមិន្ទក្នុងកិច្ចសម្ភាសមួយជាមួយវិទ្យុខ្មែរប៉ុស្តដែលរិតតែធ្វើអោយខ្ញុំជឿជាក់ថា តំណឹងដែលគេផ្តល់មកខ្ញុំ មានភាព ប្រាកដនិយមច្រើនអាចជឿជាក់បាន ។

ពេលនេះកងទព័ជាតិយើងក៏ដូចប្រជាជនយើងទូទាំងប្រទេសចង់ឃើញការផ្លាស់ប្តូរ ចង់រស់នៅក្នុងភាពថ្លៃថ្នូរ មានជីវភាពរុងរឿង ចង់បានអ្នកដឹកនាំដែលមាន ឧត្តម្តគតិ មានចំណេះដឹង មានភាពថ្លៃថ្នូរ ចង់រស់នៅក្នុងប្រទេសនិតីរដ្ឋ ដែលគោរពសិទ្ធិមនុស្ស និងគោលការណ៍លិទ្ធិប្រជាធិបតេយ្យ ៘ អ្វីដែល យើងខ្វះខាតគឺអ្នកដឹកនាំល្អដែលមានភាពជាអ្នកដឹកនាំ មានស្មារតីជាតិ មានគោលនយោបាយនិងឆន្ទ:ជាតិពិតប្រាកដដើម្បីដឹកនាំចរន្តនេះឆ្ពោះទៅ រកជយ័ជំនះសម្រាប់ជាតិមាតុភូមិ ជាទីស្នេហានៃយើងគ្រប់គ្នា ។

ខ្ញុំមានចិត្តរំភើបជាខ្លាំងដោយឃើញថា មួយរយ:ពេលចុងក្រោយនេះ ខ្មែរយើងមានការងើបឡើងប៉ះបោពុះពោរជាខ្លាំងប្រឆាំងនឹងបរទេសឈ្លានពាន ប្រឆាំងនឹងអំពើអយុត្តិធម៌ ប្រឆាំងនឹងរបបដឹកនាំផ្តាច់ការកញ្ចះបរទេស ៘ ខ្មែរយើង យុវជនយើងទាមទារចង់បានអ្នកដឹកនាំល្អ ចង់បានសេរីភាព ចង់រស់នៅក្នុងភាពថ្លៃថ្នូរ ស្រេកឃ្លានចង់ដឹង ចង់យល់ដឹងពីបញ្ហានយោបាយ និងពីគ្រោះថ្នាក់ដែលគំរាមកំហែងដល់អនាគតគេនិងអាយុជីវិតជាតិខ្លួន និងអនាគតខ្លួន ។ ក្នុងយុទ្ធនាការឃោសនាបោះឆ្នោត ប្រជាជនខ្មែរបាន បង្ហាញពីភាពអង់អាចក្លាហានប្រាប់ពិភពលោកថា យើងជាជនជាតិមួយខ្លាំង ហ៊ានចេញមុខទាមទារឱ្យមានការផ្លាស់ប្តូរទម្លាក់ជនផ្តាច់ការមិនចាញ់ជនជាតិដ៏ទៃទៀតក្នុងលោកទេ ។ ខ្ញុំមានមោទនភាពជាខ្លាំងនិងសូមក‌ោតសរសើដល់វីរភាព របស់បងប្អូនខ្មែរ ជាពិសេសយុវជនខ្មែរដែលបានចូលរួមយ៉ាងសកម្មក្នុងការ ទាមទារអោយមានការផ្លាស់ប្តូរ ។

ក្នុងយុទ្ធនាការបោះឆ្នោតមានការផុសផុលស្រែក ទាមទារកើតឡើងស្ទើរតែគ្រប់ កន្លែងទូទាំងប្រទេស ។ នៅពេលរាប់សន្លឹកឆ្នោត ប្រជាជនខ្មែរខំគ្នាតស៊ូនិង ព្យាយាមការពារសន្លឹកឆ្នោតខ្លួនដែលធ្វើអោយមានការ រំខានដល់យួនដែលត្រូវ បក្សកាន់អំណាចដឹកយកមកបោះឆ្នោត រំខានដល់ការបន្លំលួចសន្លឹកឆ្នោតរបស់ បក្សកាន់អំណាច ៘ ហើយទោះពួកផ្តាច់ការលួចបន្លំយ៉ាងណា ក៏យើងនៅ តែឈ្នះទៀតបើគ្មានការប្លន់កែបន្លំបញ្ចីសន្លឹកឆ្នោតជាប្រពន្ធ័ដែលស្ថិតនៅក្នុងដៃ ពួកបក្សប្រជាជន ។ ទាំងនេះជាមហាព្រឹត្តិការណ៍ មិនដែលមានពីមុនមកក្នុង ប្រវត្តិសាស្ត្រខ្មែរ សរបញ្ជាក់ថាជនជាតិខ្មែរជាជនជាតិអង់អាចក្លាហាន ត្រូវការ អ្នកដឹកនាំថ្លៃថ្នូរ ត្រូវការរស់ក្នុងសេចក្តីថ្លៃថ្នូរ ដូចជនជាតិដ៏ទៃទៀតនៃអរិយ: ប្រទេសប្រជាធិបតេយ្យដែរ ។ ខ្ញុំអាចនិយាយថា ខ្មែរយើងងកំពុងតែឈានមុខគេ ក្នុងចំណោមជាតិដ៏ទៃក្នុងតំបន់ក្នុងការទាមទារ សិទ្ធិសេរីភាពនិងមានការយល់ដឹង ពីតម្លៃនៃលទ្ធិប្រជាធិបតេយ្យ ហើយយើង កំពុងតែធ្វើអោយពួកបស្ចឹមប្រទេស ដែលតែងមាក់ងាយខ្មែរថា ជាជនជាតិ ខ្លៅខ្លាចចាំតែឃ្លាន មិនហ៊ានរើបំរេះ មិនហ៊ានការពារតម្លៃ ចូលចិត្តអោនក្បាលយ៉ាងថោកទាបអោយគេជិះជាន់ កាប់សម្លាប់ដោយមិនរវល់អើពើរក ខុសត្រូវអ្វី ទាំងអស់ ៘ អោយបានភ្លឺភ្នែក ខ្លះហើយ តែពួកវានៅតែបដិសេដន៍មិនហ៊ានទទួលស្គាល់នៅឡើយទេ បន្តទៅ ទៀតយើងត្រូវតែបន្តការតស៊ូរបស់យើងរហូតពួកនេះ និងពួកបរទេសឈ្លានពាន បានភ្លឹភ្នែកនិងទទួលកំហុសរបស់ពួកវា ។

លើលោកនេះគ្មាននរណាអាចសម្រេចជោគវាសនាយើងជំនួសយើងបើយើងមិនអនុញ្ញាតិ ។ ខ្ញុំនឹងខំព្យាយាមអោយអស់សម្ថភាពកែប្រែវាសនាយើង កែប្រែ វាសនាជាតិយើងដែលគេកំណត់អោយយើង ។ សង្ឃឹមថា នឹងអាចនាំពរ៌មាន និងសេចក្តីសង្ឃឹមដ៏ធំធេងដល់អ្នកទាំងអស់ក្នុងរយ:ពេលដ៏ខ្លីខាងមុខ ។ កូនខ្មែរ នឹងចារឆ្លាក់វាសនាខ្លួន ចារឆ្លាក់ប្រវត្តិសាស្ត្រខ្លួនដោយខ្លួនឯង ។ ពីថ្ងៃនេះតទៅ ខ្មែរមិនអនុញ្ញាតិអោយនរណា អោយជនជាតិណាសម្រេចជោគវាសនារបស់យើង ជំនួសយើងឬនិយាយអ្វីៗពីយើងតាមតែពួកវានឹកឃើញដូចមុនទៀតទេ ។

វេលាដល់ហើយ ទព័យើង ប្រជាជនយើង រួមគ្នារំដោះប្រទេសយើងនិងកសាង ជាតិយើងអោយបានរុងរឿងដូចបុព្វបុរសយើង... Bushba