 |
| អ្នកគាំទ្រគណបក្សសង្គ្រោះជាតិអង្គុយជាជួរក្នុងការហាត់ធ្វើបាតុកម្មអហិង្សា។ |
ដោយ ហេង រស្មី VOA Khmer 04.09.2013
គណបក្សប្រឆាំងបានបិទបញ្ចប់ការបង្ហាត់បង្រៀនប្រជាពលរដ្ឋឲ្យចូលរួមធ្វើមហាបាតុកម្មនៅថ្ងៃពុធនេះគឺបានកើតឡើងមុនពេលតែពីរថ្ងៃប៉ុណ្ណោះនៃការដឹកនាំធ្វើមហាបាតុកម្មដែលគ្រោងនឹងចាប់ផ្តើមឡើងនៅថ្ងៃសៅរ៍ខាងមុខនេះ។
មានប្រជាពលរដ្ឋប្រមាណតែជាង៣ពាន់នាក់តែប៉ុណ្ណោះហ្វឹកហាត់មហាបាតុកម្មនេះ។ ហើយចំនួននេះបានថយចុះបើប្រៀបធៀបការថ្លែងសុន្ទរកថារបស់មេដឹកនាំទាំងពីរនៃគណបក្សកាលពីលើកមុនៗ។
លោកសម រង្ស៊ី មេដឹកនាំគណបក្សសង្គ្រោះជាតិ បានអំពាវនាវឲ្យប្រជាពលរដ្ឋចូលរួមឲ្យបានច្រើនថែមទៀតក្នុងមហាបាតុកម្មដែលដឹកនាំដោយគណបក្សប្រឆាំងដែលគ្រោងធ្វើនៅថ្ងៃទី៧ខាងមុខនៅទីលានប្រជាធិបតេយ្យ។
លោកបាននិយាយថា៖ «បើអត់យល់ព្រមទេ ចេញមក! ចេញឲ្យច្រើន នៅថ្ងៃទី៧ខាងមុខនេះដើម្បីបង្ហាញថា យើងអត់យល់ព្រមទេ លទ្ធផលក្លែងបន្លំ លទ្ធផលអយុត្តិធម៌។ យើងអត់យល់ព្រម។ យើងអត់សុខចិត្តទេ។ យើងចង់ឲ្យគេលាតត្រដាងការណ៍ពិត»។
ប្រជាពលរដ្ឋដែលបានចូលរួមហ្វឹកហាត់សមធ្វើមហាបាតុកម្មនេះត្រូវបានដាក់ឲ្យអង្គុយយ៉ាងមានរបៀបរៀបរយជាជួរៗដោយមានខ្សែចងព័ទ្ធជុំវិញ។
ក្រុមអ្នកចូលរួមបានកាន់ផ្កាឈូក និងមានចងក្រណាត់ពណ៌ស និង ពណ៌លឿងនៅលើក្បាល។ ផ្ទាំងក្រណាត់ទាំងនោះបានសរសេរថា៖ «សន្លឹកឆ្នោតខ្ញុំ ជាតិខ្ញុំ» «មានយុត្តិធម៌ មានសន្តិភាព» និង«សំឡេងឆ្នោតខ្ញុំនៅឯណា?»
គ្រូបង្គោល ដែលបានបង្រៀនក្រុមបាតុករ បានពន្យល់អំពីនិយមន័យនៃអំពើហិង្សា។ ហើយក្រោយមកបានអនុញ្ញាតឲ្យអ្នកចូលរួមឡើងសម្តែងលើឆាកចំពោះមេរៀនដែលបានបង្រៀន។
ប្រជាពលរដ្ឋត្រូវបានចែកចេញជាច្រើនក្រុម និងជាច្រើនឈុត។ មានឈុតខ្លះសម្តែងជាបាតុកម្មហិង្សាបង្ក្រាបដោយកម្លាំងសមត្ថកិច្ច និងឈុតមួយចំនួនទៀតបង្ហាញពីការធ្វើបាតុកម្មដោយអហិង្សា ហើយរាល់ឈុតឆាកនីមួយៗមិនបានបង្រៀនឲ្យតបតដោយអំពើហិង្សាទេ មានតែអង្វរសមត្ថកិច្ចតែប៉ុណ្ណោះ។
តទៅនេះជាសំឡេងនៃឈុតមួយក្នុងការសម្តែង៖
«យើងចង់បានយុត្តិធម៌ បងប្អូនទាំងអស់គ្នាសុខចិត្តមកអង្គុយនៅទីនេះទេ? ខ្ញុំនឹងទុកពេល៣០នាទី បើមិនអញ្ចឹងទេ ខ្ញុំនឹងបាញ់ទឹកបំបែក។ យើងអត់ខ្លាចទេ»។
បន្ទាប់ពីការសម្តែងចប់មួយឈុតៗ មេដឹកនាំគណបក្សប្រឆាំងគឺលោកកឹម សុខា និងលោកសម រង្ស៊ីបានមកវាយតម្លៃចំពោះលទ្ធផលនៃការសម្តែងនេះ។
លោកកឹម សុខា អនុប្រធានគណបក្សសង្គ្រោះជាតិ បាននិយាយថា ការហាត់សមនេះគឺនឹងយកទៅអនុវត្តនៅថ្ងៃមហាបាតុកម្មតែម្តង នាពេលខាងមុខនេះ។ លោកមានប្រសាសន៍ថា បាតុកម្មនៅថ្ងៃទី៧នេះនឹងមិនបញ្ចប់ទេ ប្រសិនណាបើរដ្ឋាភិបាល គណៈកម្មាធិការជាតិរៀបចំការបោះឆ្នោត និងក្រុមប្រឹក្សាធម្មនុញ្ញមិនបង្កើតគណៈកម្មការចម្រុះមួយដើម្បីធ្វើការស៊ើបអង្កេតលទ្ធផលបោះឆ្នោតទេនោះ។
លោកនិយាយថា៖ «បាតុកម្មអហិង្សានេះវាបានប្រយោជន៍ធំណាស់បងប្អូនគឺបានប្រយោជន៍មិនមែនតែខាងភាគីអ្នកតវ៉ាទេ គឺគ្រប់ភាគីទាំងអស់ដែលពាក់ព័ន្ធគឺបានសេចក្តីសុខ ហើយជ័យជម្នះទាំងអស់គ្នា»។
ការហ្វឹកហាត់សមធ្វើមហាបាតុកម្មរបស់គណបក្សប្រឆាំងបានកើតឡើងស្របពេលទន្ទឹមគ្នានឹងការហ្វឹកហាត់របស់អាជ្ញាធរសមត្ថកិច្ចខ្មែរអំពីវិធីសាស្ត្រនៃការបង្ក្រាបក្រុមបាតុករ។
គណបក្សសង្គ្រោះជាតិបានទាមទារឲ្យបង្កើតគណៈកម្មការចម្រុះមួយដើម្បីស៊ើបអង្កេតលទ្ធផលបោះឆ្នោតដោយមានការចូលរួមពីអង្គការសហប្រជាជាតិ គណបក្សប្រជាជនកម្ពុជា និងអង្គការក្រៅរដ្ឋាភិបាលក្នុងស្រុកដែលឃ្លាំមើលដំណើរការបោះឆ្នោត តែសំណើនេះមិនទទួលបានជោគជ័យទេ។
គណបក្សសង្គ្រោះជាតិបានកំណត់យកថ្ងៃសៅរ៍ជាថ្ងៃដំបូងនៃការដឹកនាំធ្វើមហាបាតុកម្មដោយអហិង្សា ដោយយកគម្រូតាមមហាត្មៈគន្ធី មេដឹកនាំទាមទារឯករាជ្យរបស់ប្រទេសឥណ្ឌាពីការគ្រប់គ្រងរបស់អង់គ្លេសចន្លោះពីឆ្នាំ១៩៤០ដល់ឆ្នាំ១៩៥០៕
6 comments:
To all Cambodian people:
We no longer need this Dictator Hun Sen any more, for 28 years under his government many people lost their homes their lands, majority of Cambodian people living under poverty line. But Hun Sen and all his families became millionaires. All high position jobs in Cambodia reserved for his families. For ordinary people no matter how high education they are still working under Hun Sen families.
Under CNRP government, all Cambodians workers will have better salary; all those monies come from CPP corruptions.
Please join the protest this coming Saturday September 7, because Cambodia needs to change to new government.
Hope this strategy of peaceful demonstration will work. I highly doubt it as Hun San only understands and fears hard action such as a coup, civil disobedience/unrest, etc.. anything that can bring down his government.
we must come to join the mas demonstration, we demand justice, lawful, and fair election, if we will not come and join, we will not have a time and we continue life under dictatorship leader forever, we will have injustice, lawless, corruption, and communist style regime
Ghandi and King showed us that Ahimsa protests were much more powerful than himsa ones.
Ahimsa protests changed not only the legal framework but also the mindset of those who are authority and gun holders. Let's use this powerful technique to contaminate 10 million of Cambodians within and out of Cambodia on September 7th.
Ahimsa protests may work against civilized people, but I doubt it will work against the jungle man, Hun Sen.
ah choy mray
ah yuon sam rainsy!!!!!!!!!!!!!!!!!
Post a Comment