សមាជិក សមាជិការ នៃសភាចោរ នីតិកាលទី៥
ដោយ៖ ស៊ុន ណារិន | ថ្ងៃព្រហស្បតិ៍ ទី3 ខែតុលា ឆ្នាំ2013 | 3 ម៉ោង មុន
រដ្ឋសភានីតិកាលទី៥នេះ
នឹងបើកសម័យប្រជុំបោះឆ្នោតជ្រើសរើសប្រធាន
និងអនុប្រធានគណៈកម្មការជំនាញទាំង៩នៃរដ្ឋសភា នៅថ្ងៃព្រហស្បតិ៍
ទី១០ ខែតុលា សប្តាហ៍ក្រោយនេះ
ដើម្បីបញ្ចប់ការជ្រើសរើសសមាសភាពរបស់រដ្ឋសភា។
ការបើកសម័យប្រជុំជាលើកទីពីរនេះ
ធ្វើឡើងបន្ទាប់ពីសម័យប្រជុំសភាលើកដំបូង ត្រូវបានប្រព្រឹត្តឡើង
កាលពីថ្ងៃទី២៣ខែកញ្ញា
ដោយមិនមានវត្តមានតំណាងរាស្ត្រគណបក្សសង្គ្រោះជាតិ។
កាលពីថ្ងៃទី២៤ លោក ហេង សំរិន ប្រធានរដ្ឋសភា
បានប្រកាសផ្អាកសម័យប្រជុំសភា បន្ទាប់ពីបោះឆ្នោតជ្រើសរើសប្រធាន
និងអនុប្រធានរដ្ឋសភា។ លោក ហេង សំរិន
តំណាងរាស្ត្រគណបក្សប្រជាជនកម្ពុជាប្រចាំខេត្តកំពង់ចាម
ត្រូវបានជ្រើសរើសជាប្រធានរដ្ឋសភា សម្រាប់នីតិកាលទី៥នេះ
ដោយសំឡេងគាំទ្រ ៦៨លើ៦៨។ ចំណែកលោក ងួន ញ៉ិល
តំណាងរាស្ត្រខេត្តកំពង់ធំ ជាអនុប្រធានទី១ និងលោកស្រី ឃួន សុដារី
តំណាងរាស្ត្រខេត្តកណ្តាល ជាអនុប្រធានរដ្ឋសភាទី២។
ទូរទស្សន៍ក្នុងស្រុកស៊ីអ៊ិនស៊ី រាយការណ៍នៅថ្ងៃព្រហស្បតិ៍នេះ ដោយដកស្រង់សម្តីមន្ត្រីគណបក្សប្រជាជនកម្ពុជាថា ការបោះឆ្នោតជ្រើសរើសប្រធាន និងអនុប្រធានគណៈកម្មការទាំង៩នៃរដ្ឋសភា នឹងប្រព្រឹត្តទៅនៅថ្ងៃទី១០ខែតុលា បើទោះជាមិនមានវត្តមានតំណាងរាស្ត្រគណបក្សសង្គ្រោះជាតិក៏ដោយ។
ទូរទស្សន៍ក្នុងស្រុកស៊ីអ៊ិនស៊ី រាយការណ៍នៅថ្ងៃព្រហស្បតិ៍នេះ ដោយដកស្រង់សម្តីមន្ត្រីគណបក្សប្រជាជនកម្ពុជាថា ការបោះឆ្នោតជ្រើសរើសប្រធាន និងអនុប្រធានគណៈកម្មការទាំង៩នៃរដ្ឋសភា នឹងប្រព្រឹត្តទៅនៅថ្ងៃទី១០ខែតុលា បើទោះជាមិនមានវត្តមានតំណាងរាស្ត្រគណបក្សសង្គ្រោះជាតិក៏ដោយ។
VOD
មិនទាន់អាចទាក់ទងមន្ត្រីគណបក្សប្រជាជនកម្ពុជា
ដើម្បីបញ្ជាក់បន្ថែមលើការបើកសម័យប្រជុំបាននៅឡើយទេ
និងមន្ត្រីគណបក្សសង្គ្រោះជាតិ
ដើម្បីសុំការអត្ថាធិប្បាយថាតើនឹងចូលរួមសម័យប្រជុំលើកទីពីរនេះ
ដែរឬយ៉ាងណា។ តែគណបក្សសង្រ្គោះជាតិ នឹងជួបជុំជាមួយអ្នកគាំទ្ររបស់ខ្លួន
នៅថ្ងៃទី០៦ខែតុលា
ដើម្បីបញ្ជាក់ពីជំហររបស់គណបក្សក្នុងការទាមទាររកយុត្តិធម៌ជូនម្ចាស់ឆ្នោត។
គណៈកម្មការទាំង៩នៃរដ្ឋសភានោះ រួមមាន
គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា
ព្រឹទ្ធសភា គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម
គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក
គណៈកម្មការមហាផ្ទៃ ការពារជាតិ អង្កេត បោសសំអាត និងមុខងារសាធារណៈ
គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ
និងព័ត៌មាន គណៈកម្មការនីតិកម្ម និងយុត្តិធម៌ គណៈកម្មការអប់រំ យុវជន
កីឡា ធម្មការ កិច្ចការឃោសនាវប្បធម៌ និងទេសចរណ៍ គណៈកម្មការសុខាភិបាល
សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវិៈ
និងកិច្ចការនារី និងគណៈកម្មការសាធារណៈការ ដឹកជញ្ជូន ទូរគមនាគមន៍
ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម
និងសំណង់ ។
គណបក្សប្រជាជនកម្ពុជា
បានដាក់បញ្ជីរាយនាមសមាសភាពនៃប្រធាន
និងអនុប្រធានគណៈកម្មការជំនាញទាំងអស់នៃរដ្ឋសភា ទៅរដ្ឋសភា
សម្រាប់នីតិកាលទី៥នេះ។
កន្លងទៅ ប្រធានគណបក្សសង្គ្រោះជាតិ លោក
សម រង្ស៊ី បកស្រាយថា
គណបក្សពិតជាបានសុំជាតំណែងប្រធានរដ្ឋសភាពិតមែន
តែនេះគ្រាន់តែការធ្វើឲ្យមានតុល្យភាពនៃអំណាចនីតិបញ្ញត្តិ
និងរដ្ឋាភិបាលប៉ុណ្ណោះ ដើម្បីជាការត្រួតពិនិត្យគ្នាទៅវិញទៅមក។ លោក
សម រង្ស៊ី បញ្ជាក់ថា ការចរចាសុំតុល្យភាពអំណាចនេះ
គឺធ្វើឡើងជាការបណ្តោះអាសន្ន
ដើម្បីរកដំណោះស្រាយការជាប់គាំងប្រទេសជាតិ
មុនការស្វែងរកការពិតនៃការបោះឆ្នោត។
កាលពីថ្ងៃទី២៤ខែកញ្ញា
លោកនាយករដ្ឋមន្ត្រី ហ៊ុន សែន បានបង្ហើបឲ្យដឹងថា
ក្នុងជំនួបកំពូលលើកទីពីររវាងគណបក្សឈ្នះអាសនៈទាំងពីរ
គឺបក្សប្រឆាំងព្រមទទួលស្គាល់លទ្ធផលបោះឆ្នោត ៦៨អាសនៈ ទល់នឹង៥៥
បើសិនគណបក្សប្រជាជនកម្ពុជា ព្រមប្រគល់តំណែងប្រធានរដ្ឋសភា
និងប្រធានគណៈកម្មការមួយចំនួនទៀត។លោកនាយករដ្ឋមន្ត្រីឲ្យដឹងទៀតថា
ក្នុងជំនួបនោះគណបក្សប្រជាជនកម្ពុជា ដែលទទួលបានសំឡេងច្រើនជាង
បានផ្តល់តួនាទីមួយចំនួនដល់បក្សប្រឆាំង ដូចជា តំណែងអនុប្រធានសភាទី១
ឬទី២ នៃរដ្ឋសភា ប្រធានគណៈកម្មការចំនួន ៤ និងអនុប្រធានចំនួន៥
ក្នុងចំណោម គណៈកម្មាធិការទាំង៩នៃរដ្ឋសភា ។
គណបក្សសង្គ្រោះជាតិ
កាលពីថ្ងៃទី២៣ខែកញ្ញា បានប្រកាសជាផ្លូវការថា សភា ដែលកើតឡើង
គឺជាសភាឯកបក្ស មិនមែនតំណាងឲ្យប្រជាជាតិខ្មែរទាំងមូលទេ។
គណបក្សសង្គ្រោះជាតិ បានចាត់ទុកការប្រជុំសភានេះ
ផ្ទុយទាំងស្រុងទៅនឹងគោលការណ៍ប្រជាធិបតេយ្យ សេរី ពហុបក្ស
ហើយកំពុងនាំប្រទេសទៅកាន់របបផ្តាច់ការសាជាថ្មី។គណបក្សសង្គ្រោះ
ជាតិបន្តថា ការបើកសម័យប្រជុំនេះ គឺជាការរំលោភរដ្ឋធម្មនុញ្ញកម្ពុជា
ទៅលើមាត្រាចំនួន៥ គឺមាត្រា១ មាត្រា ៨ មាត្រា ៩ មាត្រា៥១
និងមាត្រា៧៦៕
សរសេរមកកាន់ លោក ស៊ុន ណារិន តាមរយៈ sun_narin@vodhotnews.com
1 comment:
Dear អ្នកស្រែ
Wow, I love that 'new' animated text :) My brother អ្នកស្រែ is very creative. I will steal that from you soon :) I am extremely helpful to see your post again.
~Jendhamuni
Post a Comment