ចម្ងល់ នាយ ឡេវ

បន្ទាប់ពីអានអទ្ថបទខាងក្រោមនេះមក នាយឡេវញុំឆ្ងល់ទែនមែនតែម៉ាដង៖
តើចិនមានផ្តល់ ក្រដាសចិនជួយ ផងឫទេ? សូមអភ៍យទោសនាយឡេវញុំផង ចេះតែឆ្ងល់ ព្រោះអី ចិនជួយសព្វជូយគ្រប់ ដូច្នេះ បើជួយ Printer ទាល់តែផ្តល់ ក្រដាសចិនជួយ ផង ទើបធើគ្រប់គ្រាន់ មិនថាអញ្ចឹងទេ សមមិត្ត តោហ៊ា? ហេ!ហេ!

ចិនផ្តល់ជំនួយសម្ភារៈការិយាល័យ ដល់ក្រសួងការបរទេសកម្ពុជា

១៧តុលា២០១១
CEN

ភ្នំពេញ: លោក ផាន គ័ងសៀ ឯកអគ្គរដ្ឋទូតប្រទេសចិន ប្រចាំនៅកម្ពុជា បានចុះហត្ថលេខា ជាមួយលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស កាលពីព្រឹកថ្ងៃទី១៧ ខែតុលា ឆ្នាំ២០១១ ស្តីពី ការផ្តល់សម្ភារៈការិយាល័យដល់ក្រសួងការបរទេសកម្ពុជា។


សម្ភារៈការិយាល័យ ដែលរដ្ឋាភិបាលចិន ផ្តល់ជូនក្រសួងការបរទេសកម្ពុជា រួមមាន ម៉ាស៊ីនកុំព្យូទ័រចំនួន ៣០ គ្រឿង ម៉ាស៊ីនកកុំព្យួទ័រលេបថប ចំនួន ៣០ គ្រឿង ម៉ាស៊ីនព្រីនធឺ ចំនួន ៣០ គ្រឿង ម៉ាស៊ីនហ្វូតូកូពីចំនួន ២ គ្រឿង និងទូរទស្សន៍ ម៉ាកអិលស៊ីឌី LCD ចំនួន ៣ គ្រឿង។

លោក ផាន គ័ងសៀ ឯកអគ្គរដ្ឋទូតចិនបានមានប្រសាសន៍បញ្ជាក់ថា ក្នុងនាមប្រទេស ជិតខាងកម្ពុជា ត្រូវតែជួយគ្នា ក្នុងគ្រាមានអាសន្ន និងអបអរដល់ប្រទេសកម្ពុជា ដែលនឹងក្លាយជាប្រធានអាស៊ាននៅឆ្នាំ២០១២ ខាងមុខ។

ចំណែកឯលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស បានមានប្រសាសន៍ថ្លែងអំណរគុណដល់ប្រទេសចិន ជាមិត្ត ដែលតែងតែយកចិត្តទុកដាក់ផ្តល់ជំនួយ ដល់ប្រទេសកម្ពុជា ជាបន្តបន្ទាប់ ដូចដែលសុភាសិតខ្មែរ មួយឃ្លារបានពោលថា "ជួយគ្នាក្នុងគ្រាមានអាសន្ន"។

លោកឧបនាយករដ្ឋមន្ត្រី ហោ ណាំហុង ក៏បានបញ្ជាក់ដែរថា កម្ពុជានឹងធ្វើជាប្រធានអាស៊ាន នៅឆ្នាំក្រោយនេះ ដែលកម្ពុជានឹងរវល់ពេញ ១ឆ្នាំ៕