Oh, Mama! Obama to visit Cambodia? [-Obama patting the back of dick-tator?]

"To those who cling to power through corruption and deceit and the silencing of dissent, know that you are on the wrong side of history ..." - Obama's inaugural speech

17 October 2011
By Ratana
Cambodia Express News

Synopsis: During a meeting between David Cardan, the US ambassador to ASEAN, and Hor 5 Hong, the Cambodian minister of Foreign Affairs, on 17 October 2011, David Cardan told Hor 5 Hong that during the ASEAN Summit Meeting in Bali, Indonesia, in November, the US President will also join this meeting. Koy Kuong, the spokesman of the ministry of Foreign Affairs, added that in the future, US President Barack Obama plan to perform an official visit to Cambodia also.

ភ្នំពេញ: លោក David Cardan ឯកអគ្គរដ្ឋទូតអាមេរិក ប្រចាំអាស៊ាន បានទទួលការអនុញ្ញាតឲ្យចូលជួបសម្តែងការគួរសមជាមួយលោកឧបនាយករដ្ឋមន្ត្រីហោ ណាំហុង រដ្ឋមន្ត្រីក្រសួងការបរទេស កាលពីព្រឹកថ្ងៃទី១៧ ខែតុលា ឆ្នាំ២០១១ នៅទីស្តីការក្រសួងការបរទេស។ ក្នុងជំនួបនោះ មានការពិភាក្សាគ្នាលើកិច្ចការសំខាន់ៗជាច្រើនរវាងកម្ពុជា និងសហរដ្ឋអាមេរិក ជាពិសេសពីគម្រោងរបស់លោក បារ៉ាក អូបាម៉ា ប្រធានាធិបតីអាមេរិក មកកាន់ប្រទេសកម្ពុជា នាពេលខាងមុខ។

លោក កុយ គួង អ្នកនាំពាក្យក្រសួងការបរទេស បានមានប្រសាសន៍ប្រាប់ក្រុមអ្នករាយការណ៍ព័ត៌មាន បន្ទាប់ពីជំនួបនោះថា នៅក្នុងជំនួបនោះ លោកឧបនាយករដ្ឋមន្ត្រី ហោ ណាំហុង បានជម្រាបលោក David Cardan ឯកអគ្គរដ្ឋទូតអាមេរិក ប្រចាំអាស៊ាន ពីការរៀបចំដើម្បីប្រារព្ធខួបលើកទី៣៥ រវាងទំនាក់ទំនងសហរដ្ឋអាមេរិក និងអាស៊ាន នាពេលខាងមុខ និងជំរុញឲ្យមានកិច្ចប្រជុំឥស្សរៈជនឆ្នើម រវាងសហរដ្ឋអាមេរិក និងអាស៊ាន ឲ្យបានឆាប់ៗ ដើម្បីពង្រឹងកិច្ចសហប្រតិបត្តិការរវាងអាមេរិក និងអាស៊ានឲ្យកាន់តែល្អ។

នៅក្នុងជំនួបនោះ លោក David Cardan ក៏បានជម្រាបទៅកាន់លោកឧបនាយករដ្ឋមន្ត្រី ហោ ណាំហុង ថា នៅពេលកិច្ចប្រជុំកំពូលអាស៊ាន នាពេលខាងមុខ នៅកោះបាលី ប្រទេសឥណ្ឌូនេស៊ី ដែលនឹងធ្វើ នៅអំឡុងខែវិច្ឆិកាខាងមុខនោះ គឺលោក បារ៉ាក់ អូបាម៉ា ប្រធានាធិបតីសហរដ្ឋអាមេរិក នឹងមកចូលរួមនៅក្នុងកិច្ចប្រជុំនោះដែរ។

លោក កុយ គួង បានបន្ថែមថា នៅពេលខាងមុខ គឺលោក បារ៉ាក់ អូបាម៉ា ប្រធានាធិបតីសហរដ្ឋអាមេរិក មានគម្រោងមកបំពេញទស្សនៈកិច្ចជាផ្លូវរដ្ឋ នៅប្រទេសកម្ពុជាផងដែរ។

លោក កុយ គួង បានប្រាប់ដល់ក្រុមអ្នករាយការណ៍ព័ត៌មានថា ទាក់ទងនឹងកម្ពុជា ធ្វើជាប្រធានអាស៊ាន គឺលោកឧបនាយករដ្ឋមន្ត្រី ហោ ណាំហុង បានជម្រាបលោក David Cardan ថា កិច្ចប្រជុំកំពូលអាស៊ាន និងសហរដ្ឋអាមេរិក នឹងធ្វើនៅក្រោយការបោះឆ្នោត នៅប្រទេសអាមេរិក។ ជាការឆ្លើយតប លោក David Cardan បានបញ្ជាក់ថា នៅពេលដែលកម្ពុជា ធ្វើជាប្រធានអាស៊ាននោះ គឺជាឱកាសដ៏ល្អ សម្រាប់កម្ពុជា បង្ហាញពីតួនាទីនៅក្នុងបណ្តាប្រទេសអាស៊ាន ដែលផ្តោតលើបញ្ហាសំខាន់ៗ ធំៗ ចំនួន៣ គឺ៖១.បញ្ហាសន្តិសុខ និងសុវត្ថិភាពស្បៀង។ ២.ការត្រៀមដោះស្រាយវិបត្តិផ្សេងៗ ដូចជា គ្រោះធម្មជាតិ ជាដើម។ ៣.សហការរួមគ្នាទប់ស្កាត់ជម្ងឺឆ្លងផ្សេងៗ។

លោក David Cardan បានបន្តទៀតថា លោកបានឃើញឯកសាររបស់សម្តេចអគ្គមហាសេនាបតីតេជោ ហ៊ុន សែន  ដែលថា កម្ពុជាត្រៀមក្នុងការនាំអង្ករចេញទៅកាន់ទីផ្សារអន្តរជាតិ ឲ្យបានចំនួន ១ លានតោន ចាប់ពីឆ្នាំ២០១៥ ហើយចំនុចនេះ លោកសម្តែងនូវការសប្បាយរីករាយ ដែលយល់ថា នេះជាវិធានការទប់ស្កាត់បញ្ហាវិបត្តិស្បៀង នៅលើពិភពលោក ខណៈដែលទំនិញលើពិភពលោកឡើងថ្លៃ តែកម្ពុជាបានខិតខំបង្កើនការផលិតស្បៀងបានច្រើន គឺជាការប្រសើរបំផុត សម្រាប់កម្ពុជា។

ទាក់ទងទៅនឹងបញ្ហានៃការធ្វើសមាហរណកម្មអាស៊ាន លោកឧបនាយករដ្ឋមន្ត្រី ហោ ណាំហុង បានបញ្ជាក់ថា កម្ពុជានឹងធ្វើសមាហរណកម្មអាស៊ាន ឲ្យក្លាយទៅជាសហគមន៍អាស៊ានពេញលេញពិតប្រាកដនៅឆ្នាំ២០១៥ គឺបញ្ហាសំខាន់ ដែលប្រទេសសមាជិកអាស៊ានទាំង១០ ត្រូវតភ្ជាប់គ្នា ឲ្យក្លាយទៅជាគ្រួសារតែមួយ។

លោក David Cardan បានបញ្ជាក់ថា សហរដ្ឋអាមេរិកគាំទ្រយ៉ាងពេញទំហឹង នៅពេលដែលកម្ពុជា ធ្វើសមាហរណកម្មអាស៊ាន ឲ្យក្លាយទៅជាសហគមន៍អាស៊ានមួយពិតប្រាកដ រួមទាំងគាំទ្រនូវតួនាទីស្នូលរបស់អាស៊ាន ខណៈដែលកម្ពុជា ធ្វើជាប្រធានអាស៊ាននៅឆ្នាំ២០១២។

ជាមួយគ្នានោះដែរ លោក កុយ គួង ក៏បានលើកឡើងថា លោកឧបនាយករដ្ឋមន្ត្រី បានបញ្ជាក់បន្តថា បញ្ហាកិច្ចសហប្រតិបត្តិការមេគង្គក្រោម  រវាងកម្ពុជា ថៃ ឡាវ និងវៀតណាម ជាមួយសហរដ្ឋអាមេរិក គឺផ្តោតលើបញ្ហាសំខាន់ៗ ដូចជាៈ បញ្ហាបរិស្ថាន អប់រំ សុខភាព និងការតភ្ជាប់ហេដ្ឋារចនាសម្ព័ន្ធ ដែលជាការតភ្ជាប់ហេដ្ឋារចនាសម្ព័ន្ធមួយផ្នែក នៃការតភ្ជាប់សហមគន៍អាស៊ាន។

លោកឧបនាយករដ្ឋមន្ត្រីហោណាំហុង បានស្នើសុំដល់សហរដ្ឋអាមេរិក ឲ្យបង្កើតមជ្ឈមណ្ឌលភាសាអង់គ្លេសមួយកន្លែង នៅកម្ពុជា ក្នុងក្របខណ្ឌ កិច្ចសហប្រតិបត្តិការ រវាង សហរដ្ឋាអាមេរិក ជាមួយបណ្តាប្រទេសមេគង្គក្រោម។

ជាមួយនោះដែរ លោកឧបនាយករដ្ឋមន្ត្រីហោណាំហុង បានថ្លែងអមណរគុណ ដល់រដ្ឋាភិបាលអាមេរិក ដែលបានផ្តល់ជំនួយខាងសុខាភិបាលកម្ពុជា ក្នុងការទប់ស្កាត់ជំងឺអេដស៍ ហើយបានជួយធ្វើឲ្យការទប់ស្កាត់ការរីករាលដាលជំងឺអេដស៍នៅកម្ពុជា ទទួលបានជោគជ័យ មានអត្រាអ្នកផ្ទុមមេរោគអេដស៍ ធ្លាក់ចុះ និងសុំឲ្យផ្តល់ជំនួយសុខាភិបាលនោះ ទៅអាជ្ញាធរជាតិប្រយុទ្ធប្រឆាំងជំងឺអេដស៍នៅកម្ពុជា ដោយផ្ទាល់តែម្តង៕