19 ខែតុលា 2011
Originally posted at: http://khmersme.wordpress.com
កាលពីចុងសប្តាហ៍មុនសារព័ត៌មួយចំនួន បានចេញផ្សាយអត្ថបទមួយទាក់ទងនឹងប្រធានបទ ដ៏រសើបមួយ គឺការនាំពលករចំណាកស្រុកដោយខុសច្បាប់ ឬថាគ្មានការការពារ។តាមសេចក្តីរាយការណ៍របស់សារព័ត៌មានមួយចំនួន បាននិយាយថា មានពលករខ្លះត្រូវបាន ថៅកែ ជាជនជាតិម៉ាឡេស៊ី រួមគ្នារំលោភជាក្រុម និង ខ្លះទៀត ត្រូវបានថៅកែវាយធ្វើបាប មិនឲ្យចេញក្រៅផ្ទះ និងខ្លះទៀតធ្វើទារុណកម្ម រហូតស្លាប់ក៏មាន។
បន្ទាប់មក ក្រោយពីជំនួបរវាងសម្តេចនាយករដ្ឋមន្រ្តីហ៊ុន សែន និង លោកស្រីមូ សុខហួរសមាជិកសភាមកពីបក្សប្រឆាំង ក្នុងឧិកាសសម្រាកពិភាក្សាពីកិច្ចប្រជុំសភា ដែលតាមសេចក្តីអំពាវនាវ លោកស្រីមូ សុខហួរ បានសុំឲ្យសម្តេចហ៊ុន សែនបញ្ជាឲ្យផ្អាកការនាំពលករចំណាកស្រុកទៅប្រទេសម៉ាឡេស៊ី និងធ្វការស៊ើបអង្កេតឡើងវិញនោះ សម្តេចហ៊ុន សែន ចេញបញ្ជាក្នុងនាមរដ្ឋាភិបាល ឲ្យផ្អាកជាបន្ទាន់នូវការនាំពលករចំណាកស្រុក ដោយគ្មាន ពេលកំណត់ ឬរហូតដល់មានការសម្រេចជាថ្មីទៀត។វាជាបញ្ជាក៏ក្តៅគគុក និង នៅក្តៅៗនៅឡើយ។
ការចេញបញ្ជានេះ ត្រូវបានមជ្ឈដ្ឋានទូទៅអបអរសាទរយ៉ាហកក់ក្តៅ ។ប៉ុន្តែ ការអបអរមិនទាន់កន្លងផុតទៅបានប៉ុន្មានឡើយ គឺការនាំចេញពលករចំណាកស្រុកទៅប្រទេសម៉ាឡេ ប្រមាណជាបីពាន់នាក់ត្រូវបានធ្វើឡើងដោយក្រុមហ៊ុនមួយចំនួន។
ការនាំចែញបែបតក់ក្រហល់របស់ក្រុមហ៊ុននាំពលករទាំងនេះ ត្រូវបានសង្គមស៊ីវិលមួយចំនួន រិះគន់ថា គឺជាការល្មើសនឹងបញ្ជានាយករដ្ឋមន្រ្តី ហើយថា វាមិនគួរឲ្យជឿសោះថា បញ្ជាចេញភ្លាម បទល្មើសកើតឡើងភ្លាមដែរ។ពួកគេនិយាយថា ជារឿងដ៏ឆ្កួតលីលា។
ដោយដកស្រង់មន្រ្តីក្រសួងសង្គមកិច្ច និង តំណាងក្រុមហ៊ុននាំពលករចវេញ បានឲ្យដឹងក្នុង លក្ខណ្ឌលេសគេចវេសយករួចខ្លួនពីកំហុសឆ្គងថា ការនាំចេញនូវពលករទាំងនេះ គឺមិនមែនជាការរំលោភទៅនឹងបទបញ្ជារបស់រដ្ឋភិបាលទេ តែធ្វើទៅតាមការណែនាំរបស់រដ្ឋាភិបាល ដែលថា ឲ្យផ្អាកការជ្រើស និង នាំទៅថ្មី ឯកម្មករ ដែលបានជ្រើសរួចហើយ មិនត្រូវបានគេហាមឃាត់ ទេ។នេះជាការចែងមិនច្បាស់លាស់ និងធ្វេសប្រហែសរបស់រដ្ឋាភិបាល។
រហូតមកដល់ព្រឹកថ្ងៃពុធនេះ គេពុំទាន៉ឃើញមានប្រតិកម្មណាមួយចេញពីមន្រ្តីរដ្ឋាភិបាល ឬ ខុទ្ធកាល័យសម្តេចនាយករដ្ឋមន្រ្តីឡើយ ហើយគេមិនដឹងថា តើរដ្ឋាភិបាលមានចំណែកធ្វើឲ្យ បទបញ្ជានេះ ក្លាយជាគ្មានន័យដោយខ្លួនឯង ឬយ៉ាងណាទេ។
គេនិយាយថា ការមិនគោរពបទបញ្ជានាយករដ្ឋមន្រ្តី ប្រៀបបានទៅនឹងការទាត់ចោលនូវបទបញ្ជានោះដូច្នោះដែរ។តើពួកគេទាត់ចោល បទបញ្ជារបស់សម្តេចហ៊ុនសែនឬ?។
Subscribe to:
Post Comments (Atom)
1 comment:
នៅទូទៅលើពិភពលោក ការប្រកាសបញ្ជាដោយឥតទាន់មានចេញជាក្រដាសស្នាមច្បាស់លាស់
បានន័យថាគេមិនអាចយកជាការបានទេ។
អ្នកដែលទទួលខុសត្រូវលើរឿងនេះអាចយកបញ្ហានេះទៅអនុវត្តបានទាល់តែអ្នកនោះឯងមានលិខិតបញ្ជា
នៅផ្ទាល់ដៃបង្ហាញឧ្យគេបានឃើញ។
Post a Comment