10,000 illegal Cambodian workers deported by Thailand each month

ស្នាដៃសេដ្នកិច្ច ដ៏ មហា លោតផ្លោះ របស់ សម្តាចម៏ ដែកចោរ ធ្វើឲ្យ ថៃ បញ្ជូនពលករខ្មែរ ជាង១ម៉ឺននាក់ ក្នុងមួយខែៗ មកស្រុកវិញ ដោយសំអាងថា ទៅដោយខុសច្បាប់

Friday, 18 November 2011
ដោយៈ សុក្រ វិច្ឆិកា
DAP-New

Synopsis: In November of this year, 12,165 illegal Cambodian workers were deported out of Thailand. Each month the number of Cambodian deportees amounts to about 10,000. Not a single goes by without seeing deportation of Cambodian from Thailand. Is this the CPP win-win strategy?

ភ្នំពេញ៖ មជ្ឈមណ្ឌលសំចត ស្ថិតនៅក្រុងប៉ោយប៉ែត ខេត្តបន្ទាយមានជ័យ បានបញ្ចេញរបាយការណ៍ ប្រចាំរបស់ខែខ្លួនថា យ៉ាងហោចណាស់ពលករខ្មែរ ក្នុងមួយ ខែៗ ត្រូវបានអជ្ញាធរថៃ ចាប់ខ្លួន និងបញ្ជូនត្រលប់មកស្រុកកំណើតវិញ ជាងមួយម៉ឺននាក់ តាមច្រកព្រំដែន ដោយពួកគេត្រូវបានថៃចាប់ខ្លួន និងបញ្ជូន មកវិញដោយលើកហេតុផលថា ទៅដោយខុសច្បាប់ ពុំមានលិខិតឯកសារត្រឹមត្រូវ។

លោកស្រី ឈា ម៉ានិត នាយិកាមជ្ឈមណ្ឌលសំចត បានមានប្រសាសន៍ប្រាប់មជ្ឈមណ្ឌល ព័ត៌មានដើមអម្ពិលឲ្យដឹង នៅថ្ងៃទី១៨ ខែវិច្ឆិកា នេះថា ក្នុងមួយខែៗ ថៃបញ្ជូនពលករខ្មែរ ទៅដោយ ខុសច្បាប់ចំនួនជាច្រើនម៉ឺននាក់ នៅក្នុងខែវិច្ឆិកានេះ ថៃបានបញ្ជូនពលករខ្មែរ ចំនួន ១២.១៦៥ នាក់ ក្នុងនោះបុរសមាន ៧.៤៥២ នាក់ និងស្រ្តី៣.៥៤២ នាក់។


លោកស្រីថា “ថៃនិរទេសពលករខ្មែរ ជាងមួយម៉ឺននាក់ក្នុងមួយខែៗ ដែលនេះបង្ហាញ ពលករខ្មែរត្រូវបាន ថៃនិរទេសចេញ ស្ទើរាល់ថ្ងៃបន្ទាប់ពីបានទៅ ធ្វើការ ដោយខុសច្បាប់”។

លោកស្រីបន្តថា ក្នុងនោះមាន កុមារា៤.២៥៦ នាក់ និងកុមារី ១៦១ នាក់ ដែលឆ្លងដែន ទៅជាមួយឳពុកម្តាយផងដែរ ជាពិសេសទៅទៀតនោះមានកុមារខ្មែរ១៥ នាក់ដែលត្រូវបាន គេជូញដូរពលកម្ម ហើយត្រូវបញ្ជូនត្រលប់មកវិញ។

សូមបញ្ជាក់ថា ប៉ុន្មានខែចុងក្រោយនេះពលករខ្មែរ ដែលធ្វើការនៅតាមរោងចក្រ ភោជនីយដ្ឋាននៅទឹកដីថៃ ត្រូវបានបញ្ជូនមកស្រុកកំណើតយ៉ាងភ្លូតទឹកភ្លូតដី ដោយសំអាងហេតុថាថៃ កំពុងរងគ្រោះដោយទឹកជំនន់។

លោកស្រីបន្តថា ប្រជាពលរដ្ឋខ្មែរ ដែលរកការងារធ្វើនៅប្រទេសថៃ តាមច្រកព្រំដែន គឺទៅតាមរយៈស្របច្បាប់ និងខុសច្បាប់។

កន្លងមកនេះពលករខ្មែរជាច្រើនរយនាក់ ត្រូវបានថៃបញ្ជូនមកស្រុកកំណើតមកវិញ ស្ទើតែជារៀងរាល់ថ្ងៃ ព្រោះអ្នកទាំងនោះទៅដោយខុសច្បាប់ ពុំមានលិខិត ឯកសារត្រឹមត្រូវ។

លោកស្រីបានសំណូមពរឲ្យប្រជាពលរដ្ឋខ្មែរ ដែកបានទៅរកការងារធ្វើនៅក្រៅស្រុក ជាពិសេសក្នុងប្រទេសថៃ ដែលចូលតាមច្រកព្រំដែននេះ ត្រូវបំពេញឯកសារ ឲ្យបានត្រឹមត្រូវ គឺត្រូវទៅដោយស្របច្បាប់ ដើម្បីធានាដល់សុវត្ថិភាពព្រោះកន្លងមក ពលករខ្មែរជាច្រើននាក់ ត្រូវចាញ់បោកមេខ្យល់ នាំទៅរកការងារដោយ ខុសច្បាប់ ទីបំផុតជួបតែផល លំបាករងការជួញដូរពីប្រទេសមួយ ទៅប្រទេសមួយទៀត និងការរំលោភបំពានការងារផ្សេងៗ។

លោក មឿន តុលា មន្ត្រីកម្មវិធីសិទ្ធិការងារ របស់មជ្ឈមណ្ឌលអប់រំច្បាប់សម្រាប់សហគមន៍ ធ្លាប់មានប្រសាសន៍ថា កន្លងមកនេះមានពលរដ្ឋខ្មែរ ជាច្រើនត្រូវបាន រំលោភ បំពានការងារ និងរងការជួញដូរជាដើម ពលករខ្មែរទាំងនោះត្រូវបានគេជួយសង្គ្រោះ ព្រោះពួកគេទាំងអស់នោះភាគច្រើន ទៅតាមរយៈមេខ្យល់។

សូមរំលឹកថា ការឆ្លងដែនរកការងារធ្វើដោយខុសច្បាប់ នៅប្រទេសថៃ ជាកត្តាមួយបណ្តាលឲ្យ ពលករខ្មែរ រងគ្រោះដោយការជួញដូរពលកម្ម ដូចជាកម្មករ ទូកនេសាទឆ្លងដែន ដល់ប្រទេសម៉ាឡេស៊ី និងប្រទេសឥណ្ឌូនេស៊ីជាដើម ហើយកន្លងទៅថ្មីនេះពលរដ្ឋខ្មែរ ជាច្រើននាក់ត្រូវបានគេជួញសង្រ្គោះ ត្រលប់មកវិញ បន្ទាប់ពីពួគគេក្លាយជាជនរងគ្រោះ ត្រូវបានគេលក់ជាកម្មករនេសាទតាមទូក៕