French ambassador called on people to respect human rights [-When talk is cheap...]

យើងជាពលរដ្នខ្មែរ​សុំសួរ លោក អគ្គរដ្ឋទូត បារាំង(Christian Connan) ថាតើ ប្រព័ន្ធ តុលាការ នៅកម្ពុជា ឯករាជ្យឬទេ? និង ពលរដ្ន ខ្មែរ មាន សេរីភាព ក្នុង ការ បញ្ចេញ មតិ ហើយឬនៅ? បើឃើញ ហើយ មិន ហ៊ានថា ប្រយ័ត្ន ជាប់បទផ្សំគំនិត្យ.

Les Cambodgiens voudraient demander les questions suivantes à Christian Connan: "Le système judiciaire camboddien, est-il indépendant? Les Cambodians peuvent-ils s'exprimer librement? S'il y a des gens qui peuvent discerner ces problèmes mais s'ils n'osent pas en parler, ils peuvent être accusé de collusion.

Cambodians would like to ask the following questions to Christian Connan: is the Cambodian judicial system independent or not? Do Cambodians have freedom of expression yet? If you see things, but yet you do not dare speak out, you could be accused of collusion.

អគ្គរដ្ឋទូតបារាំង អំពាវនាវ ឱ្យគ្រប់ជាតិសាសន៍ ទាំងអស់ ត្រូវគោរពសិទ្ធិមនុស្ស គ្រប់ៗគ្នា

Saturday, 10 December 2011
ដោយៈ បាន ចក់
DAP-New

Christian Connan

ភ្នំពេញៈ អគ្គរដ្ឋទូតបារាំងប្រចាំ នៅព្រះរាជាណាចក្រកម្ពុជា លោក គ្រីស្ទាន កូណាន (Christian Connan) បាន អំពាវនាវ ឱ្យគ្រប់ជាតិសាសន៍ គ្រប់សន្ទាប់វណ្ណៈ ទាំងអស់ លើពិភពលោក គោរពសិទ្ធិមនុស្សឱ្យបានគ្រប់ៗគ្នា ពីព្រោះសិទ្ធិមនុស្ស គឺជាសិទ្ធិរបស់ យើង ហើយមានសិទ្ធិ មនុស្សគឺមានភាពរីកចំរើនគ្រប់ វិស័យ ទាំងអស់។


លោក គ្រីស្ទាន កូណាន បានអំពាវនាវយ៉ាងដូច្នេះ ខណៈដែលលោក បានចូលរួមជាអធិបតីភាព ក្នុងពិធីអប អរសាទ នៃទិវាសិទ្ធិមនុស្សអន្ដរជាតិ ១០ធ្នូ ខួប លើកទី៦៣ ក្រោមវិធានបទថា “ប្រព័ន្ធតុលាការឯករាជ្យ និងសេរីភាពក្នុង ការបញ្ចេញមតិ គឺជាមូល ដ្ឋានគ្រឹះនៃយុត្ដិធម៌សង្គម និងការគោរព សិទ្ធមនុស្ស” ដែល បានប្រព្រឹត្ដឡើង នាព្រឹកថ្ងៃទី១០ ខែធ្នូ ឆ្នាំ២០១១នៅ ទីលានប្រជាធិបតេយ្យរាជធានីភ្នំពេញ ដោយមានការចូលរួម ជាអធិបតីភាពពី សម្ដេចព្រះ មហិស្សរា នរោត្ដម ចក្រពង្ស តំណាងព្រះមហាក្សត្រ នៃព្រះរាជាណាចក្រកម្ពុជា អ្នកស្រី ម៉ែន ម៉ាលីប្រធាន គណៈកម្មការការពារសិទ្ធិមនុស្ស ទទួលពាក្យ បណ្ដឹង និងអង្កេតនៃព្រឹទ្ធសភា តំណាងអង្គការ សហប្រជាជាតិ តំណាង ស្ថាន ទូត អង្គការនានាប្រចាំនៅកម្ពុជា និងនិស្សិត សិស្សានុសិស្ស ប្រជាពលរដ្ឋ ដែលស្នេហាយុត្តិធម៌ និងស្នេហាសិទ្ធិ មនុស្សប្រមាណជាង២ ពាន់នាក់។

លោក គ្រីស្ទាន កូណាន បានមានប្រសាសន៍ថា “យើងទាំងអស់គ្នាគ្រប់ជាតិសាសន៍ ដែលជាអ្នកនយោបាយ អ្នកការទូត អ្នកតំណាងសង្គមស៊ីវិល យើងត្រូវតែប្រុងប្រយ័ត្នជានិច្ច និងប្រើប្រាស់មធ្យោបាយផ្ទាល់ខ្លួន ទៅ តាមលទ្ធភាព ដើម្បីឱ្យសិទ្ធិមនុស្ស មានការរីចចំរើន ទាំងនៅព្រះរាជាណាចក្រកម្ពុជា និងនៅប្រទេស ជិត ខាង យើងនៅអាស៊ី ក៏ដូចជា គ្រប់ទីកន្លែងក្នុងពិភពលោក។”

លោក គ្រីស្ទាន កូណាន បានបន្ដទៀតថា លក្ខ័ខ័ណ្ឌមួយ ក្នុងចំណោមល័ក្ខខ័ណ្ឌចំាបាច់នានា ដើម្បីឱ្យមានការ គោរពសិទ្ធិមនុស្សកាន់ប្រសើថែមទៀតនោះ គឺមនុស្ស គ្រប់គ្នា មិនថាមានឬក្រ ខ្លាំង ឬខ្សោយ គឺត្រូវតែអាចទទួលបាននូវ ឯករាជ្យ មិនលំអៀង សមធម៌ និងគោរពច្បាប់។

សូមបញ្ជាក់ថា ទិវា១០ ធ្នូ សេចក្ដីប្រកាសជាសកល ស្ដីពីសិទ្ធិមនុស្ស ដែលបានបង្កើតឡើង កាលពីឆ្នាំ១៩៤៨នេះ គឺជាមហាសន្និបាត របស់អង្គការសហប្រជាជាតិ បានអនុម័តសេចក្ដីប្រកាសជាសកល ស្ដីពីសិទ្ធិមនុស្ស ដែលជាកម្រង ឯកសារសិទ្ធិមនុស្សអន្ដរជាតិ ដោយទទួល ស្គាល់នូវតំលៃនៃសិទ្ធិ និងសេរីភាពជាមូលដ្ឋាន របស់មនុស្សទាំងអស់ ហើយសេចក្ដីសម្រេចនេះ បានកំណត់ថា មនុស្ស ម្នាក់ៗអាចប្រើប្រាស់សិទ្ធិ និងសេរីភាពទាំងអស់ ដោយគ្មានការរើសអើង នូវពូជសាសន៍ ពណ៌សម្បុរ ភេទ ភាសា សាសនា វប្បធម៌ មតិនយោបាយ ដើមកំណើត ឬសង្គម ទ្រព្យសម្បត្ដិ វណ្ណៈជាដើម។

បន្ទាប់ពីត្រូវបាន បង្កើតរួចហើយនៃសិទ្ធិមនុស្សនេះ ត្រូវបានគេចាត់ទុកថា ជាបទដ្ឋានសាកលមួយនៃសមិទ្ធផល របស់មនុស្សគ្រប់ ប្រជាជាតិទាំងអស់នៅលើ ពិភពលោក។

លោក គ្រីស្ទាន កូណាន បានបន្ដទៀតថា ការមិនគោរពសិទ្ធិមនុស្ស មិនគោរពច្បាប់ ភាពលំអៀង មិនឯក រាជ្យ គឺឧបសគ្គចម្បងរបស់មនុស្ស ហើយមនុស្សគ្រប់គ្នា ត្រូវតែជំនះឧបសគ្គទាំងនេះឱ្យបាន ហើយចង់ជំនះនូវឧបសគ្គនេះបាន លុះត្រាតែមានចៅក្រមក្លាហាន និងគិតគូរពីផលប្រយោជន៍សាធារណៈ៕