បណ្ឌិត ឌីការ៉េត: ការកំណត់យកថ្ងៃ ៧ មករា ជាពិធីបុណ្យជាតិ ជាអំពើដ៏ឆ្គួតវង្វេង

ន័រវេស្ស: បទសម្ភាសន៍ រយះពេល ១៤ នាទី កាលពីថ្ងៃទី២៧ ខែធ្នូ ឆ្នាំ២០១១
ហើយត្រូវ បានចាក់ផ្សាយ នៅថ្ងៃទី២ ខែមករា ឆ្នាំ២០១២ នេះ លោកបណ្ឌិត ឌីការ៉េត
អនុប្រធាន គណកម្មាធិការ ព្រំដែនកម្ពុជា នៅប្រទសបារាំង និងពិភលោក បានហៅ
ការកំណត់យកថ្ងៃ ៧ មករាជាពិធី បុណ្យជាតិ គឺជាអំពើដ៏ឆ្គួតវង្វេង ។

ក្នុងបទសម្ភាសន៍នោះ លោកមានប្រសាសន៍ យ៉ាងក្បោះក្បាយ ពីដំណើរនៃការ
ចូលកាន់កាប់ ប្រទសកម្ពុជា ដោយវៀតណាម ។ លោកបាន បញ្ជាក់ថាបន្ទាប់
ពីវៀតណាម ជំរុញឲ្យពួកឡាវ កុម្មុយនីស្ត ផ្តួលរំលំ របបរាជានិយម ឡាវនៃទ្រង់
សុវណ្ណភូម៉ា រួចហើយ គេបានលើក បន្តុប ពួកឡាវ កុម្មុយនីស្ត ឲ្យដឹកនាំប្រទេស
ឡាវ ចាប់តាំងពីខែ ធ្នូឆ្នាំ១៩៧៥ រហូតដល់ សព្វថ្ងៃ ។ ក្រោយពី គ្រប់គ្រងឡាវ
បាន​ហើយ វៀតណាម បានបន្តរ យុទ្ឋសាស្រ្ត ឈ្លានពាន មកលើកម្ពុជា ជាបន្តាប់
ទៀតរហូត បានសម្រេច នៅថ្ងៃ ៧ មករា ឆ្នាំ១៩៧៩ ដើម្បីត្រួតត្រា អតីតឥណ្ឌូចិន
ទាំងមូល ។

បន្ទាប់ពីវៀតណាម ចូលមក កាន់កាប់ ប្រទេសកម្ពុជា រួចហើយលោក គ្វៀង កឺថាច់
(Nguyen Co Thach) រដ្ឋមន្ត្រី ក្រសួងការបរទេស វៀតណាម ពេលនោះបាន
និយាយថា រឿងខ្មែរក្រហម កាប់សម្លាប់ ខ្មែរ នៅ ក្នុង​ស្រុក វាជារឿង របស់ខ្មែរ
មិនមែន ជារឿង វៀតណាមទេ ឯរឿង របស់វៀតណាម គឺការរក្សា ការពារ សន្តិសុខ
សំរាប់ ប្រទេសវៀតណាម ទល់និងការគំរាមបីចិន។ លោកបណ្ឌិត បានធ្វើការកត់
សម្គាល់ ផងដែរថា ក្រោយថ្ងៃ៧ មករា ១៩៧៩ វៀតណាម បានលើកបន្តុប កម្មាភិបាល
ខ្មែរក្រហម ឲ្យគ្រប់គ្រង ប្រទេសកម្ពុជាបន្តរ ហើយបានបង្គាប់ ឲ្យលោក ហ៊ុន សែន
ទទួលស្គាល់ នូវព្រំដែន ទឹក និងព្រំដែន គោកថ្មី ដោយមិនបាន ពិនិត្យទៅ លើផ្លូវច្បាប់
ជាតិ និងអន្តរជាតិ នោះឡើយ ហើយលោក បានហៅការ កំណត់យក ថ្ងៃ ៧ មករា
ជាពិធីបុណ្យ ជាតិ គឺជាការ រំលឹកគុណ របស់រដ្ឋាភិបាល លោកហ៊ុន សែន និងបក្ស​​
ពួក ទៅវៀតណាម ដែលជាអ្នក លើកបន្តុប និងជាអំពើ ដ៏ឆ្គួតវង្វេង ពីព្រោះគេ
មិនដែល យកថ្ងៃដែល បរទេសចូលកាន់កាប់ ស្រុកឯង ទុកជា ថ្ងៃបុណ្យ ជាតិទេ ។

កិច្ចបញ្ចប់ នៃបទសម្ភាស លោកបាន ធ្វើការផ្តាំផ្ញើរ ទៅខ្មែរ គ្រប់គ្នា សូមកុំៀ្យភ្លេច
អំពី ល្បិចកល យួន ដែលប្រើវិធី ច្រើនណាស់ ដើម្បីស៊ី លេប យកស្រុកខ្មែរ និងសូម
ឲ្យខ្មែរ ចេះរួមគ្នា ធ្វើការដើម្បី បុព្វហេតុជាតិ និងប្រជាពលរដ្ឋ ៕

ដោយ ឆាំ ឆានី

http://www.kmn-radio.com