សម រង្ស៊ី: គណបក្ស សម រង្ស៊ី ហ្វុនស៊ិនប៉ិច និងនរោត្តមរណរិទ្ឋ ដើមឡើយគឺគណបក្សតែមួយ

ដោយ៖ ឆាំ ឆានី www.kmn-radio.com ១២ មករា ២០១២
ខណ:ពេលការបោះឆ្នោតជ្រើសរើសសមាជិកព្រឹទ្ឋសភាដែលនិងប្រព្រឹតទៅនៅថ្ងៃទី២៩
ខែមករា ឆ្នាំ២០១២ ខាងមុខនេះលោក សម រង្ស៊ី ប្រធានគណបក្សប្រឆាំងដ៏ធំក្នុងប្រទេស
កម្ពុជា ដែលកំពុងរស់នៅនិរទេសខ្លួន បានធ្វើសេចក្តីអំពាវនាវទៅកាន់សមាជិក សមាជិកា របស់គណបក្សហ្វុនស៊ិនប៉ិច និងគណបក្សនរោត្តមរណរិទ្ឋ ដែលជាអតីតអ្នកតស៊ូ ប្រឆាំង
និងការឈ្លានពានរបស់វៀតណាមក្នុងអំឡុងទសវត្ស៨០ដើម្បីសុំការគាំទ្រដល់បេក្ខភាព
សមាជិកព្រឹទ្ឋសភាមកពីគណបក្ស សម រង្ស៊ីរបស់លោក ។
តាមរយះលិខិតចុះថ្ងៃទី១០ ខែមករា ឆ្នាំ២០១២ និងកិច្ចសម្ភាសន៍ជាមួយអ្នកយកពត៍មាន​​វិទ្យុសម្លេងខ្មែរប្រចាំទ្វីបអាមេរិកខាងជើងកាលពីថ្ងៃទី១១ ខែមករា ឆ្នាំ២០១២ កន្លងមក
នេះ លោក សម រង្ស៊ី បានបញ្ជាក់ថា ដើមឡើយគណបក្សសម រង្ស៊ី និងគណបក្សនរោត្តម
រណរិទ្ឋ មិនទាន់កើតមានទេគឺមានតែគណបក្សហ្វុនស៊ិនប៉ិចមួយគត់ ដែលបានតស៊ូប្រឆាំង
និងការឈ្លានពានរបស់វៀតណាម និងក្រុមលោក ហ៊ុន សែន ដែលបំរើឲ្យវៀតណាម រហូតដល់បានទទួលជ័យជំនះនៅឆ្នាំ១៩៩៣ ។ តែជាអកុសលសំរាប់គណប្សហ្វុនស៊ិនប៉ិច ជាពិសេសប្រជាពលរដ្ឋខ្មែរ និងប្រទេសជាតិ​ បន្ទាប់ពីបានទទួលជោគជ័យ​ពីរបបកុម្មុនីស្ត​បំរើវៀតណាម ដែលមានលោក ជា ស៊ីម លោកហេង សំរិន និងលោក ហ៊ុន សែន ជាមេដឹក
នាំរួចហើយ បែរជាមានថ្នាក់ដឹកនាំគណបក្សហ្វុនស៊ិនប៉ិចមួយចំនួនបានក្បត់នូវឧត្តមគតិខ្លួន ទៅធ្វើជាកញ្ជះដាច់ថ្លៃឲ្យលោក ហ៊ុន សែនទៅវិញ ទើបគណបក្ស សម រង្ស៊ី និងគណប្ស
នរោត្តមរណរិទ្ឋ បង្កើតឡើង ។
លោកបានបន្តរទៀតថា ថ្វីត្បិតតែមេដឹកនាំកំពូលមួយចំនួនរបស់គណបក្ស ហ្វុនស៊ិនប៉ិច បានលក់ខ្លួនក៏ពិតមែន តែសំរាប់សមាជិក សមាជិកា និងថ្នាក់ដឹកនាំជាច្រើននៅតែមាន
ឧត្តមគតិគិតពីផលប្រយោជន៍ជាតិ និងប្រជាពលរដ្ឋ ជានិច្ច ។ ហើយនៅពេលនេះគណបក្ស
ហ្វុនស៊ិនប៉ិច និងគណប្សនរោត្តមរណរិទ្ឋ មិនមានបេក្ខភាពឈរឈ្មោះជាសមាជិកព្រឹទ្ឋ
សភានោះទេ ព្រោះគណបក្សទាំងពីរនេះមិនមានអង្គបោះឆ្នោះតគ្រប់គ្រាន់ គឺមានតែ
គណបក្ស សម រង្ស៊ី មួយគត់ ដែលតតាំងជាមួយគណបក្សប្រជាជនកម្ពុជា ជាគណបក្ស​បង្កើតឡើងដោយវៀតណាម ។
លោក សម រង្ស៊ី មានជំនឿយ៉ាងមុតមាំថា អ្នកស្នេហាជាតិនៅក្នុងគណបក្សនរោត្តមរណរិទ្ឋ និងគណបក្ស ហ្វុនស៊ិនប៉ិច គឺមិនបោះឆ្នោតឲ្យគណប្សប្រជាជនឡើយ ព្រោះថាបើពួកគាត់​បោះឆ្នោតឲ្យគណបក្សប្រជាជន នោះបានន័យថា ពួកគាត់កំពុងតែក្បត់នូវឧត្តមគតិខ្លួន និងជាការប្រមាថទៅដល់វិញ្ញាណក្ខន្ឋរបស់ឳពុក ម្តាយ បង ប្អូន សាច់ញាតិ របស់ពួកគាត់ ដែលបានបូជាអាយុជីវិតដើម្បីបុព្វហេតុជាតិ និងប្រជាពលរដ្ឋ ដូច្នេះលោក សម រង្ស៊ី ប្រាកដ
ណាស់ថា សមាជិក សមាជិកា និងថ្នាក់ដឹនាំរបស់គណបក្ស ហ្វុនស៊ិនប៉ិច និងគណបក្ស
នរោត្តមរណរិទ្ឋ និងបោះឆ្នោតឲ្យគណបក្ស សម រង្ស៊ី ។
សូមបញ្ជាក់ថា លោក សម រង្ស៊ី ត្រូវបានរដ្ឋាភិបាលលោក ហ៊ុន សែន ធ្វើតាមបញ្ជារដ្ឋាភិ
បាល​វៀតណាមឲ្យប្រើប្រាស់តុលាការទីក្រុងភ្នំពេញជាឧបករណ៍កាត់ទោសលោកឲ្យ
ជាប់ពន្ឋនាគារប្រម៉ាណ១២ឆ្នាំ និងពិន័យជាប្រាក់១០០លានរៀល ។ តែសំរាប់​មជ្ឈដ្ឋាន​ទូទៅដូចជាអ្នកវិភាគនយោបាយឯករាជ្យ អង្គការសង្គមស៊ីវិល និង សហគមន៍​អន្តរជាតិ
បានហៅការកាត់ទោសនោះថា ជារឿងនយោបាយ និងជាយុទ្ឋសាស្រ្តរបស់​គណបក្ស
​ប្រជាជននិងរដ្ឋាភិបាលក្រុងហាណូយ ក្នុងការកំទេចគណបក្ស សម រង្ស៊ី និងអ្នកប្រឆាំង
និងការឈ្លានពានរបស់ខ្លួន ៕