មន្ត្រីគណបក្សកាន់អំណាចប្រតិកម្មនិងសេចក្តីថ្លែងការណ៍ របស់លោក សម រង្ស៊ី ដែលចោទ អ្នកគាំទ្រ ថ្ងៃ៧មករាជាជនក្បត់ជាតិ

ភ្នំពេញ៖កអ៊ុកគឹមហានប្រនាយកដ្ឋានសរុសបខុទ្ទកាល័យគណបក្សប្រជាជនកម្ពុជានៅថ្ងៃ
ទី១៣ខែមករាឆ្នាំ២០១២នេះបានមានប្រសាសន៍ប្រាប់ក្រុមអ្នករាយការណ៍ព័ត៌មានយ៉ាងនេះ
ថាៈមកដល់ពេលនេះថ្នាក់ដឹកនាំគណបក្សប្រជាជនកម្ពុជានៅពុំទាន់មានចំណាត់ការតាមផ្លូ
វច្បាប់ប្តឹងទៅគណៈកម្មាធិការជាតិរៀបចំការបោះឆ្នោតឲ្យមានវិធានការតាមផ្លូវច្បាប់ឬដាក់
ពាក្យបណ្តឹងប្តឹងលោក សម រង្ស៊ី មេគណបក្សប្រឆាំងទៅតុលាការសុំឲ្យតុលាការផ្តល់យុត្តិ
ធម៌ជូនគណបក្ស ប្រជាជននិងប្រជាពលរដ្ឋដែលទទួលនូវការចោទប្រកាន់ដោយអយុត្តិធម៌
ពីសំណាក់លោក សម រង្ស៊ី នៅឡើយទេគឺរង់ចាំមើលបន្តិចទៀត។

លោកអ៊ុកគឹមហានបានមានប្រសាសន៏បញ្ជាក់ថា”ប្រើពាក្យក្បត់ជាតិតែក្បត់ជាតិគេយកទៅ
បាញ់ចោលហើយអីចឹងប្រជាជនដែលគាំទ្រប៉ុន្មានលាននាក់គេយកទៅបាញ់ចោលអីធ្ងន់
ណាស់អាពាក្យ ក្បត់ជាតិហ្នឹងហើយនរណាក៍មិនអាចទទួលយកបានដែរ។វាមិនដែលថា
ប្រជាជាន .៨លាននាក់ក្បត់ ជាតិទេឯង​​ស្នេហាជាតិតែ ២.៣នាក់គ្នាឯងម៉េចទេ
វាអត់ដែលមាន ប្រើពាក្យពីរ ហ្នឹងពាក្យក្បត់ជាតិនិងពាក្យខ្មាំងសត្រូវហ្នឹងវាចប់ហើយ”។​​​

លោកអ៊ុកគឹមហានបានបញ្ជាក់ទៀតថា អីចឹងការសម្របសម្រួលនយោបាយជាមួយគាត់
(សមរង្ស៊ី)ចង់វិលចូលស្រុកវិញក៍វាចប់ត្រឹមហ្នឹងដែរយើងមិនអាចសម្របសម្រួសជាមួយ
មនុស្សអីចឹងបានទេ​​​​។

លោកទេពនីថាអគ្គលេខាធិការ គ.ជ.ប.បានមានប្រសាសន៏ថា គណបក្សនយោបាយ​ដែល
​ឃោស នារកសម្លេងគាំទ្រក្នុងការបោះឆ្នោតជ្រើសតាំងសមាជិកព្រឹទ្ធសភានោះ
ត្រូវតែគោរព តាមក្រមសីលធម៌របស់គ.ជ.ប.ដែលបានកំណត់។
លោក គួយ​ប៊ុនរឿន ​មន្ត្រីគណបក្ស សម រង្ស៊ី បានឆ្លើយតបទៅនិងមន្ត្រីគណបក្សប្រជាជន
​វិញថា​សេចក្តីថ្លែងការណ៏របស់លោក សម រង្ស៊ី គ្រាន់តែជាការសម្តែង​នូវទស្សនះ
នយោបាយ​មួយប៉ុណ្ណោះ​ មិនមែនជាការនិយាយចោទប្រកាន់ឡើយ។
សូមជំរាបថា កាលថ្ងៃទី៧មករាឆ្នាំ២០១២លោក សម រង្ស៊ី បានសរសេរលិខិតមួយ​ច្បាប់
ដែលមាន​ចំណងជើងថា “តើគួរអបអរសាទរថ្ងៃ៧មករាឬទេ?”។ នៅក្នុងលិខិតរបស់​លោក
សម រង្ស៊ីបាន លើក​ឡើងថាមានតែពួកជនក្បត់ជាតិទេឬក៏អ្នកដែលលក់ខ្លួនឲ្យពួកជនក្បត់
ជាតិ ឬចាញ់ការ ឃោស នាពួក​ជនក្បត់ជាតិតែប៉ុណ្ណោះ ដែលអបអរសាទរ ថ្ងៃ ៧ មករា។

លោក សម រង្ស៊ី បន្តថាជនជាតិខ្មែរត្រូវចងចាំទាំងអស់គ្នាថានៅថ្ងៃទី៧ខែមករាឆ្នាំ១៩៧៩
កងទ័ព​ប្រទេ ស​វៀតណាមកុម្មុយនិស្ដបានចូលមកឈ្លានពានលុកលុយប្រទេសកម្ពុជា
ដោយយក​លេសថា​គេ​មក​រំដោះប្រជារាស្ដ្រខ្មែរ ពីរបបខ្មែរក្រហមដែលបានសម្លាប់
មនុស្សជាច្រើន ក្រោយពី ប៉ុល ពត បាន​ឡើង​​កាន់អំណាច នៅថ្ងៃទី១៧ ខែមេសា
ឆ្នាំ១៩៧៥មក។ នៅថ្ងៃទី៧ ខែមករា ឆ្នាំ១៩៧៩​កងទ័ព​បរទេស​ ឈ្លានពានក៏បានលើក
បន្តុបជនក្បត់ជាតិមួយចំនួនតូចឲ្យធ្វើជាអាយ៉ងគេមានមុខ​មាត់​ជាខ្មែរតែអនុវត្តនយោបាយ យួន។លោកបន្ថែមថា តាំងពីច្រើនរយឆ្នាំមកហើយពួកយួន (នៅសម័យបុរាណ​មិនទាន់
មានឈ្មោះ ហៅថា វៀតណាមនៅឡើយទេ)មានបំណងតែមួយ​គត់គឺវាតទីលេបត្របាក់
​ទឹកដី​ប្រទេស​​កម្ពុជាដើម្បីភ្ជាប់ទៅនឹងប្រទេសគេ ដែលជាហេតុធ្វើឲ្យ ប្រទេសកម្ពុជា យើង
រួញកាន់តែ​តូច​ទៅៗ។

លោកបានលើកឡើងថានយោបាយវាតទីរបស់យួននេះបានធ្វើឲ្យខ្មែរយើងបាត់បង់កម្ពុជា
ក្រោម​ទៅគេនៅឆ្នាំ១៩៤៩។តាំងពីនោះមកថ្មីៗនេះប្រទេសវៀតណាមបានបន្តនយោបាយ
វាតទីរបស់គេមក​លើយើងឥតឈប់ឈរ ដោយប្រើល្បិចកល់ជាច្រើន ដូចជា ថ្ងៃ ៧ មករា
ជាដើម៕

http://www.ckn-media.blogspot.com/2012/01/blog-post_7351.html