ម៉ែន ណាត : ក្រោយថ្ងៃ០៧ មករា ឆ្នាំ១៩៧៩ វៀតណាម បានលើកបន្តុបពួកចោរលួចគោអ្នកស្រុកឲ្យធ្វើជាមេដឹកនាំ កំពូលៗ ក្នុងប្រទេសកម្ពុជា

លោក ម៉ែន ណាត ប្រធានក្រុមប្រឹក្សាឃ្លាំមើលកម្ពុជា

ប្រភពពី http://www.kmn-radio.com/

ដោយ : ឆាំ ឆានី ..Links: http://www.kmn-radio.com/2012/01/10/

ប្រធានក្រុមប្រឹក្សាឃ្លាំមើលកម្ពុជា ដែលមានមូលដ្ឋាននៅក្នុងប្រទេសន័រវេស្ស លោក ម៉ែន

ណាត បានហៅថ្ងៃ ៧ មករា ឆ្នាំ១៩៧៩ ថាជាថ្ងៃដែលវៀតណាម ចូលមក ឈ្លានពាន និង កាន់កាប់ប្រទេសកម្ពុជា ហើយវៀតណាម បានបញ្ជួនប្រជាពលរដ្ឋរបស់ខ្លួន ឲ្យមករស់ នៅក្នុង ប្រទេសកម្ពុជារាប់លាននាក់។ ជាងនេះទៀត វៀតណាម ធ្វើនៅសន្ឋិសញ្ញា ខុសច្បាប់ ជាច្រើន ដើម្បីរំលោភយកព្រំដែនទឹក ព្រំដែនគោក និងកោះត្រល់ ត្រូវបាន វៀតណាម កាន់កាប់ទាំង ស្រុងរហូតសព្វថ្ងៃ ។

លោក បានបន្តថា វៀតណាមបានលើកបន្តុបឲ្យ លោក ហ៊ុន សែន លោកហេង សំរិន លោក ជា ស៊ីម និង ក្រុមខ្មែរក្រហមជាច្រើនរូបទៀត ដឹកនាំរដ្ឋាភិបាល ចាប់តាំង ពីឆ្នាំ១៩៧៩ ដល់ឆ្នាំ១៩៩២ គឺជា រដ្ឋាភិបាលខុសច្បាប់ ព្រោះថារដ្ឋាភិបាលខ្មែរ នាពេល នោះ មិនមានការទទួលស្គាល់ ពីអង្គការ សហប្រជាជាតិឡើយ ។ ក្នុងករណីដែល រដ្ឋាភិបាលខ្មែរសព្វថ្ងៃ នៅតែយកសន្ឋិសញ្ញាខុសច្បាប់ ទាំងនោះ មកអនុវត្តនាពេល នេះ វាគឺជាការរំលោភយ៉ាងធ្ងន់ធ្ងរលើរដ្ឋធម្មនុញ្ញ នៃព្រះរាជាណាចក្រ កម្ពុជា។ លោក បាន បន្ថែមថា ‘‘ក្នុងនាមជាប្រជាពលរដ្ឋខ្មែរយើងសូមរក្សាសិទ្ឋិក្នុងការសើរើរឿង បាត់បង់ បូណភាព ទឹកដី ទៅខាងវៀតណាម នៅពេលណាកម្ពុជា មានរដ្ឋាភិបាលមិនបំរើឲ្យ វៀតណាម ដូច រដ្ឋាភិបាល សព្វថ្ងៃ’’ ។

លោក ម៉ែន ណាត បានមានប្រសាសន៍ទៀតថា ‘‘រដ្ឋាភិបាលលោក ហ៊ុន សែន និង គណបក្ស ប្រជាជនកម្ពុជា ត្រូវតែប្រើមធ្យោបាយគ្រប់យ៉ាង ដើម្បីបំភ្លេចចោលនូវកិច្ច ព្រមព្រៀងទីក្រុងប៉ារីស ថ្ងៃ ២៣ តុលា ឆ្នាំ១៩៩១ ដែលកិច្ចព្រមព្រៀងនេះ ជានិម្មិត្តរូប នៃការបង្រួបបង្រួមជាតិ, ការបង្រួបបង្រួម ខ្មែរគ្រប់ភាគី ដើម្បីឈានទៅ រកការបោះឆ្នោត ជាតិ នៅឆ្នាំ១៩៩៣ តាមគន្លង លទិ្ធប្រជាធិបតេយ្យ’’ ។ លោក បន្តថា ‘‘មិនមែនថ្ងៃ ០៧ មករា ដែលពលរដ្ឋខ្មែរត្រូវ ដឹងគុណ វៀតណាមនោះទេ’’ ។ ប៉ុន្តែ អាចនិយាយបានថា ក្រោយថ្ងៃ ០៧ មករា ១៩៧៩ គឺវៀតណាម បាន លើកបន្តុប លោក ជា ស៊ីម, លោក ហ៊ុន សែន, លោក ហេង សំរិន និង ក្រុមខ្មែរក្រហមផ្សេងទៀត ដែលមាន ចំណេះដឹងបន្តិចបន្តួច ហើយ ក្នុងចំណោមនោះ មានអ្នកខ្លះជាអតីតចោរ លួចគោអ្នកស្រុក ឲ្យធ្វើជាមេ ដឹកនាំ កំពូលៗរបស់ប្រទេស កម្ពុជា ។

សូមបញ្ជាក់ថា លោក ម៉ែន ណាត ជាអតីតស្ថាបនិកនៃចលនានិស្សិតដើម្បីប្រជាធិបតេយ្យ ឆ្នាំ១៩៩៨, អតីតប្រធានរណសិរ្សនិស្សិតបញ្ញវ័ន្តខ្មែរ ឆ្នាំ២០០២ និងជាប្រធានសមាគម មន្រ្តីរាជការឯករាជ្យកម្ពុជា ពីឆ្នាំ២០០៤ ដល់ឆ្នាំ២០០៦ ៕

..