ដោយ ហាស់ សាន
2012-04-15
វិទ្យាស្ថានស្ទង់មតិអាមេរិកាំងមួយនៅរដ្ឋធានីវ៉ាស៊ីនតោន ស.រ.អា. បានចេញសេចក្ដីរាយការណ៍អំពីសុខុមាលភាពមនុស្សនៅក្នុងប្រទេសចំនួន ១៤៦ ក្នុងពិភពលោក។
វិទ្យាស្ថាននេះស្រាវជ្រាវឃើញថា ពលរដ្ឋខ្មែរ ដែលគេចាត់ទុកថា មានភាពចំរើនរុងរឿងសម្រេចគោលដៅ រីករាយពេញចិត្តនឹងជីវិតរបស់ខ្លួនជានិច្ច អង់គ្លេសហៅថា thriving មាន ២% គឺធ្លាក់ពី៣% នៅឆ្នាំ២០១០។
របាយការណ៍ពីខែមេសា ដល់ខែឧសភា ឆ្នាំ២០១១ រកឃើញថា ពលរដ្ឋខ្មែរ ៧២% ប្រឹងតស៊ូទ្រាំរស់ អង់គ្លេសហៅថា struggling គឺចុះពី ៧៤% នៅឆ្នាំ២០១០។ ពលរដ្ឋខ្មែរដែលរស់ក្នុងភាពទុគ៌ត ខ្លោចផ្សា អង់គ្លេសហៅថា suffering មាន ២៦% កើនពី ២៣% នៅឆ្នាំ២០១០។ ពលរដ្ឋមានប្រព័ន្ធអ៊ីនធឺណិតប្រើប្រាស់មាន ១% ចំណែកឯអសន្តិសុខស្បៀងអាហារមាន ៥៦%។
អ្នកគ្មានការងារធ្វើសោះមាន ៥% អ្នកមានការងារធ្វើមិនពេញពេលវេលាមាន ១៥% ទៅ២៤% ហើយអ្នកមានការងារធ្វើពេញពេល គឺពេញថ្ងៃ និងពេញសប្ដាហ៍ មានពី ២០% ទៅ២៩%៕
No comments:
Post a Comment