ដោយ. ឆាំ ឆានី៥ កក្កដា ២០១២កិច្ចប្រជុំ បិទទ្វារវាងលោក រ៉ុង ឈុន ប្រធានសហពន្ឋ័សហជីពកម្ពុជា និងលោក វង សូត រដ្ឋមន្ត្រីក្រសួងការងារ នៅថ្ងៃទី៥ ខែកក្កដា ឆ្នាំ២០១២ ចាប់ពីម៉ោង ២ និង ៣០ នាទី ដល់ម៉ោង ៥ ល្ងាច ថ្ងៃទី៥ ខែកក្កដា ឆ្នាំ២០១២ លើបញ្ហាតវ៉ារបស់កម្មករកាត់ដេររោងចក្រ តៃណាន មិនទាន់សម្រេចលទ្ធផលអ្វីទេ។
លោក រ៉ុង ឈុន បានឲ្យដឹងថា តំណាងសហជីពកម្មករ ភាគីថៅកែរោងចក្រ មេធាវី និងអគ្គលេខាធិការសមាគមរោងចក្រកាត់ដេរកម្ពុជា ក្រោមអធិបតីភាពរបស់លោក វង សូត រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជួបចរចារគ្នានៅថ្ងៃស្អែកបន្តរទៀត ។ លោកបានបញ្ជាក់ថា កម្មករទាំងអស់នៅតែបន្តរធ្វើកូដកម្មនៅមុខរោងចក្រដដែល ហើយអាចនិងត្រូវបញ្ឈប់ការតវ៉ាប្រសិនបើការចរចារនៅថ្ងៃស្អែកបានទទួលលទ្ឋផល ។ ផ្ទុយទៅវិញប្រសិនបើការចរចារនេះគ្មានលទ្ឋផលទេ លោកនិងដឹកនាំកម្លាំកម្មករមកធ្វើការតវ៉ានៅចំកណ្តាលក្រុភ្នំពេញតែម្តង ។
សូមជម្រាបថា កម្មកររោងចក្រកាត់ដេរ យីហោ តៃណាន នៅម្តុំផ្សារបែកចាន ក្នុងស្រុកអង្គស្នួល បានធ្វើកូដកម្មអស់រយះពេលជាងមួយសប្តាហ៍ហើយ ដើម្បីទាមទារឲ្យភាគីម្ចាស់រោងចក្រ ផ្តល់ដំណោះស្រាយលើការតវ៉ារបស់កម្មករ ៥ ចំណុច រួមមាន៖១-សុំឱ្យក្រុមហ៊ុនធ្វើការទូទាត់នូវអត្ថប្រយោជន៍ផ្សេងៗ តាមច្បាប់ ស្ដីពីការងារ ដោយក្រុមហ៊ុនបានប្ដូរឈ្មោះរោងចក្រ ចំនួន ១៣៥ ដុល្លារ ក្នុងមួយឆ្នាំ។ ២-សុំឱ្យក្រុមហ៊ុនផ្ដល់សោហ៊ុយធ្វើដំណើរ និងថ្លៃស្នាក់នៅឱ្យបាន ១៥ ដុល្លារ ក្នុងមួយខែៗ។ ៣-សុំឱ្យក្រុមហ៊ុនដំឡើងប្រាក់ថ្លៃទឹកដោះគោឱ្យបាន ១៥ ដុល្លារ ក្នុងមួយខែៗ។ ៤-សុំឱ្យក្រុមហ៊ុនឡើងប្រាក់រង្វាន់ទៀងទាត់ ឱ្យបាន ១៥ ដុល្លារ ក្នុងមួយខែៗ និងទី៥-សុំឱ្យក្រុមហ៊ុនកុំយកប្រាក់មុខតំណែង និងបច្ចេកទេសយកមកកាត់ទូទាត់ នៅពេលកម្មករ-កម្មការិនី និងថ្នាក់ដឹកនាំសុំច្បាប់ចាប់ពីបីថ្ងៃឡើងទៅ៕
1 comment:
សូមឲ្យលោក រ៉ុង ឈុន គោរពសំដីរបស់ខ្លួន
កុំសន្យាខ្យល់ដូចមហាតេជោ ហ៊ុន សែន ដែល
បរាជ័យពីរឿងវិនាសព្រៃឈើហើយ នៅតែមិន
ព្រម « កាត់ក » ចោលដដែលនោះ។
ស៊ី អេង គ្រុយ
Post a Comment