១៦-កុម្ភៈ-២០១២៖ អ្នកភូមិបុរីកីឡាផ្ដុំគ្នារស់នៅក្រោមសំយាបផ្ទះគេ បន្ទាប់ពីត្រូវគេបណ្ដេញចេញពីលំនៅ។
ដោយ ទេព សុរ៉ាវី 2012-07-23
ក្រុមអ្នកភូមិបុរីកីឡា និងអ្នកភូមិបឹងកក់ ជិត ២០០នាក់ ដាក់លិខិតសុំកិច្ចអន្តរាគមន៍ទៅតុលាការរាជធានីភ្នំពេញ និងទៅលោក ហ៊ុន ម៉ានិត កូនប្រុសទី២ លោកនាយករដ្ឋមន្ត្រី ហ៊ុន សែន ដែលទើបទទួលតំណែងថ្មីជាអគ្គលេខាធិការរងនៃអគ្គលេខាធិការដ្ឋាន ជាតិ។
តំណាងអ្នកភូមិបុរីកីឡា អ្នកស្រី ស ស៊ន ថាកុមារតូចៗរបស់អ្នកភូមិបុរីកីឡាជាង ១០នាក់ ដែលបច្ចុប្បន្នកំពុងរស់នៅក្រោមតង់ និងសំយាបផ្ទះគេ នៅក្នុងតំបន់បុរីកីឡា ដែលរង់ចាំដំណោះស្រាយរឿងទំនាស់ដីធ្លីជាមួយក្រុមហ៊ុនផានអ៊ីម៉ិច (Phanimex) កំពុងកើតជំងឺប្រភេទថ្មី EV-71 ហើយពួកគេនិងអ្នកភូមិត្រូវការចាំបាច់ដំណោះស្រាយផ្ទះសម្បែង សមរម្យ។
យ៉ាងហោចណាស់មានអ្នកភូមិបុរីកីឡាចំនួន ១១៧គ្រួសារ ដែលនៅក្រាញននៀលទាមទារសុំការអភិវឌ្ឍនៅនឹងកន្លែង ក្រោមគម្រោងអភិវឌ្ឍន៍សេដ្ឋកិច្ច ដែលរដ្ឋាភិបាលប្រគល់ឲ្យក្រុមហ៊ុនផានអ៊ីម៉ិច ខណៈដែលអ្នកភូមិជាច្រើនគ្រួសារទៀត ត្រូវបានអាជ្ញាធរ និងក្រុមហ៊ុនឈូសឆាយបណ្ដេញចេញដោយបង្ខំឲ្យទៅរស់នៅតំបន់ភ្នំបាត និងនៅទួលសំបួរ កាលពីថ្ងៃទី៣ ខែមករា ឆ្នាំ២០១២ កន្លងទៅ៕
1 comment:
This is AH HUN SEN legacy!
Post a Comment