 |
| Photo: The Phnom Penh Post |
ដោយ: រតនា
Cambodia Express News
ភ្នំពេញ: នៅរសៀលម៉ោងជាង ៣ ថ្ងៃទី៣កក្កដា ឆ្នាំ២០១២ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា បានឲ្យដឹងថា លោកមិនត្រូវបានចាប់ខ្លួន ក្នុងពេលដែលលោកដឹកនាំកម្មករតវ៉ា នៅក្រៅរោងចក្រកាត់ដេរ តាយ យ៉ាង ( Tai Yang ) នៅខាងក្រោយផ្សារបែកចាយ ក្នុងស្រុកអង្គស្នួល ខេត្តកណ្តាល។
លោក រ៉ុង ឈុន បានថ្លែងតាមទូរស័ព្ទ ក្នុងពេលលោកកំពុងស្ថិតនៅជាមួយនឹងកម្មករកាត់ដេរ តាយ យ៉ាង ថា ក្រុមកម្មករប្រឆាំងនឹងដីការក្សាការពារ ដែលតុលាការបង្គាប់ឲ្យកម្មករ ចូលធ្វើការឡើងវិញ។ តែករណីនេះ ជារឿងអយុត្តិធម៌ ព្រោះកូដកម្មរបស់កម្មករនៅរោងចក្រ តាយ យ៉ាង បានជូនដំណឹងត្រឹមត្រូវ តាមផ្លូវច្បាប់។
យ៉ាងណាក៏ដោយ មកដល់រសៀលថ្ងៃទី៣កក្កដា ឆ្នាំ២០១២ កញ្ញា យ៉ាង សុភ័ណ្ឌ ប្រធានសម្ព័ន្ធសហជីពកម្ពុជា ដែលចូលរួមដឹកនាំកម្មករតវ៉ាជាមួយលោក រ៉ុង ឈុន បានឲ្យដឹងថា ការចរចារវាងសហជីពតំណាងកម្មករ ភាគីថៅកែរោងចក្រ និងអាជ្ញាធរ នៅមន្ទីរការងារខេត្តកណ្តាល បានសម្រេចតាមសំណើរបស់កម្មករជាង ៣.០០០ នាក់ នៅរោងចក្រកាត់ដេរ តាយ យ៉ាង ហើយ។
ក្រុមកម្មករ នៅរោងចក្រកាត់ដេរ តាយ យ៉ាង បានទាមទារប្រាក់អត្តប្រយោជន៍ការងារ ចំនួន ៥ ចំណុច មានជាអាទិ៍ ថ្លៃចំណាយលើការធ្វើដំណើរ និងការស្នាក់នៅចំនួន ១៥ ដុល្លារ ថ្លៃទឹកដោះគោកូន ចំនួន ១៥ ដុល្លារ និងប្រាក់រង្វាន់ការងារទៀងទាត់ចំនួន ១៥ ដុល្លារ ជាដើម៕
1 comment:
សេចក្តីអំពាវនាវ ចំពោះបងប្អូនខ្មែរអ្នកស្នេហាជាតិ នៅគ្រប់ទិសទីលើពិភពលោក..............
ថ្ងៃនេះ 3-07- 2012 ,ជាថ្ងៃដែលខ្មែរគ្រប់គ្នា
កំពុងបួងសួង ដាក់ទំនាយហ្វូងវាគ្រប់គ្នា ស្រុះចិត្តឡើងបងប្អូន!
សូមចូលរួមពិធីបួងសួងដើម្បីរំដោះជាតិមាតុភូមិ
ដោយយោងទៅលើស្ថានការណ៍ជាក់ស្តែងសព្វថ្ងៃនៅក្នុងប្រទេសកម្ពុជា ដែលកំពុងធ្លាក់ដុនដាបក្នុងវិស័យជាច្រើនក្រោមការដឹកនាំរបស់ក្រុមពួកអាយ៉ងបរទេស រួមមានហ៊ុនសែន ជាស៊ីម ហេងសំរិន សុខអាន សុខគង់ ។ល។ ដូច្នេះ ដើម្បីរំដោះនិងសង្គ្រោះប្រជាជាតិខ្មែរនិងមាតុភូមិយើង ឲ្យផុតពីមហាគ្រោះថ្នាក់ មហន្តរាយនោះបាន យើងចាំបាច់ត្រូវតែសាកល្បង ធ្វើតាមការណែនាំរបស់ អង្គគ្រាប់ខ្សាច់ ដូចតទៅ៖
១-សារឥសី៖
មុននឹងសូត្រសារនេះ សូមលើកដៃទាំងពីរប្រណម្យសំពះ ឲ្យផុតពីលើក្បាលរបស់យើង ហើយសូត្រថា៖
«ខ្ញុំសូមនឹកដល់ផលបុណ្យដែលខ្ញុំខំកសាងសន្សំជាច្រើនជាតិសូមផលបុណ្យនោះផ្តល់ឲ្យ ខ្ញុំក្នុងពេលនេះ។»
២-សារឥសូរ៖
មុននឹងសូត្រសូមលើកដៃទាំងពីរដាក់ស្មើបបូរមាត់ ហើយទើបសូត្រថា៖
«ផលបុណ្យទាំងនេះ កើតជាសម្តី មានឫទ្ធិបារមី មហស្ចារ្យក្រៃ រុញច្រានសេចក្តីប្រាថ្នា ដើម្បីជួយខ្មែរនិងយកទឹកដីខ្មែរដែលបាត់បង់ដ៏យូរលង់មកឲ្យខ្មែរវិញយ៉ាងសក្តិសិទ្ធិ។»
៣-សរព្រះនារាយណ៍៖
មុននឹងសូត្រត្រូវធ្វើកាយវិការដូចហនុមានប្រុងវាយសត្រូវ ឈរជើងកន្ធែកចេញ ដៃឆ្វេងក្តាប់ហើយច្រត់ ចង្កេះ ជើងឆ្វេងឈានទៅមុខ ហើយប្រើម្រាមដៃស្តាំ ចង្អុលមុខ ដោយផ្តោតអារម្មណ៍ទៅលើឈ្មោះ ឬមុខ ពួកជនក្បត់ជាតិ ខ្ញុំកញ្ជះបរទេស ។ល។ សូមសូត្រថា៖
«យើងនឹងដាក់បណ្តាសាពួកអាឯង អាហ៊ុនសែន អាជាស៊ីម អាហេងសំរិន អាសុខអាន អាសុខគង់ គឺ ឲ្យពួកអាឯងខ្វាក់ភ្នែកនិងឆ្កួតល្ងីល្ងើ ភ្លេចមុខភ្លេចក្រោយ យ៉ាងទាន់ហន់។»
៤-សារព្រះវិស្ណុ៖
មុននឹងសូត្រ សូមលាដៃឆ្វេងចេញ ហើយធ្វើកាយវិការធម្មតា តែត្រូវចងចិត្តឲ្យរឹងប៉ឹង។ សូមសូត្រថា៖ «បណ្តាសាយើងនេះមានតែតួ អង្គគ្រាប់ខ្សាច់ ទើបដោះបណ្តាសានេះបាន។»
របៀបធ្វើកិច្ចពិធីនេះមានដូចតទៅ៖
ក. ត្រូវមុជ ឬ ងូតទឹកជម្រះកាយឲ្យបានស្អាត។ ចូរតាំងចិត្តឲ្យបានមោះមុត។ មិនត្រូវនិយាយលេងសើចឬ ជន្លគ្នាលេងឡើយ ។ល។
ខ. ត្រូវរៀបចំធ្វើនៅថ្ងៃ ពេញបូណ៌មី ខែទុតិយាសាឍ ត្រូវនឹងថ្ងៃទី៣ ខែកក្កដា ឆ្នាំ២០១២។
គ. ត្រូវសូត្របួងសួងឲ្យបាន១ថ្ងៃ ម្តង ឬច្រើនជាងនេះបើធ្វើទៅបាន ហើយក្នុងការសូត្របួងសួងម្តងៗនោះត្រូវសូត្រឲ្យបាន ៣ចប់។ អាចធ្វើពិធីបួងសួងនេះ នៅគ្រប់ទីកន្លែង និងនៅគ្រប់ពេលវេលា។ អាចអុជធូបមួសរសៃក៏បាន មួយក្តាប់ក៏បានតាមលទ្ធភាព។ បើអត់មានធូបដុតស្មៅដុតចំបើងក៏បាន ឬក៏ឧបកិច្ចយ៉ាងណាតាមកាលៈទេសៈ ជុំគ្នាក៏បាន មិនជុំគ្នាក៏បាន តាមការគួរដើម្បីសុវត្ថិភាព។
ការហាមឬ ត្រណម
*មិនត្រូវជេរម្តាយគេ។
*មិនត្រូវស្តោះទឹកមាត់ដាក់លាមកឬដាក់បង្គន់ដាច់ខាត។
*មិនត្រូវយកវិធីទាំងនេះ ទៅប្រើ ដើម្បីប្រយោជន៍ផ្ទាល់ខ្លួន ខុសបែបបទ ជាដាច់ខាត ព្រោះនឹងនាំឲ្យមានអន្តរាយ ឬគ្រោះថ្នាក់ដល់ខ្លួនឯងវិញ។
*សូមអស់លោកអ្នកបងប្អូនខ្មែរមេត្តាព្យាយាមផ្សព្វផ្សាយប្រាប់ តៗ គ្នាឲ្យបានដឹងឮកាន់តែច្រើនកាន់តែល្អដើម្បី ជួយសង្គ្រោះប្រទេសជាតិយើងឲ្យផុតពីគ្រោះថ្នាក់ទាន់ពេលវេលា ហើយសូមជួយអនុវត្តតាមវិធី ដូចជម្រាបជូនខាងលើនេះ ឲ្យបានត្រឹមត្រូវដើម្បី ឲ្យមានប្រសិទ្ធិភាព ១០០%។
អាខ្វាក់ហ៊ុន សែនត្រូវតែខ្វាក់ភ្នែកម្ខាងទៀតជាមិនខានបន្ទាប់ពីថ្ងៃទី៣ខែកក្កដាឆ្នាំ២០១២ខាងមុខនេះ ដោយសាររបស់លោកតាគ្រាប់ខ្សាច់។
Post a Comment